Azərbaycan xalqının taleyində böyük əhəmiyyət daşıyan elə günlər var ki, həmin günlərdə onun gələcək həyatını müəyyən edən mühüm başlanğıcların əsası qoyulub. Belə günlərin ən önəmlisindən biri olan 15 İyun – Milli Qurtuluş Günü Azərbaycan tarixinin şanlı səhifələrindəndir. Bu tarixi yaradan Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan ümummilli lider Heydər Əliyevdir. Heydər Əliyev müstəqil Azərbaycanın memarı və böyük dövlət xadimi kimi ən mühüm missiyanı gerçəkləşdirərək yeni tariximizi öz əlləri ilə yazdı. Onun həyatı və fəaliyyəti Azərbaycan tarixinin bir hissəsi və ən şanlı səhifələrindəndir. Ulu Öndər özünün şərəfli fəaliyyətində həmişə xalqa arxalandığı kimi, xalq da həmişə ona arxalanırdı, ona etibar edirdi. Dahi rəhbər xalqının ən ağır günlərində səsinə səs verdi və onu baş verə biləcək təhlükələrdən qorudu.

Ulu Öndər ən çətin zamanda dövlətçiliyimizi məhv olmaq təhlükəsindən qorumaqla, ölkəmizdə ictimai-siyasi sabitliyi və vətəndaş həmrəyliyini təmin etməklə bu günümüzə müstəqil Azərbaycan dövlətini bəxş edib. Ümummilli lider Heydər Əliyev müstəqilliyimizin həmin mərhələsini belə xarakterizə edirdi: “Azərbaycan böyük təhlükə qarşısında idi. Çünki Azərbaycanın müstəqil yaşamasının əleyhinə olan həm daxildəki qüvvələr güclü idi, həm də Azərbaycan kimi böyük coğrafi-strateji əhəmiyyətə, zəngin təbii sərvətlərə malik olan ölkənin tam müstəqil olması başqa ölkələrdə bəzi dairələri qane etmirdi. Ermənistanın Azərbaycana etdiyi təcavüz və bunun nəticəsində Azərbaycanın zəifləməsi, məğlubiyyətə uğraması, ikinci tərəfdən də daxildə hakimiyyət çəkişməsi 1992-ci ilin iyun ayında hakimiyyətə gəlmiş qüvvələri bir ildən sonra hakimiyyətdən saldı, xalq özü saldı” “Mənim həyatım da, fəaliyyətim də yalnız və yalnız Azərbaycanın müstəqilliyinin qorunub saxlanmasına, ölkəmizin bu ağır vəziyyətdən qalxmasına həsr olunacaqdır”, – deyən Ümummilli Lider problemlərin həlli üçün ölkədə vətəndaş həmrəyliyini, sabitliyi son dərəcə vacib sayırdı: “Əgər respublikada ictimai-siyasi sabitlik olmasa, sağlam ictimai-siyasi mühit olmasa, heç bir sosial-iqtisadi proqramdan, yaxud problemlərin həll edilməsindən söhbət gedə bilməz”.

Heydər Əliyev öz xilaskarlıq missiyası ilə ölkəmizin müstəqilliyini qorudu, respublikada tüğyan edən ictimai-siyasi böhranı aradan qaldırdı və inkişafın təməlini qoydu. Bununla da ölkədə uzun illər davam edən gərginlik və qarşıdurma səngidi, respublikamız vətəndaş müharibəsindən və parçalanma təhlükəsindən xilas oldu. Həyatın bütün sahələrində tərəqqi və dirçəliş baş verdi. Heydər Əliyev dühasının xidmətləri olan bu nailiyyətlər Azərbaycanı məhv olmaqdan qurtardı, müstəqilliyimizi daimi, əbədi, sarsılmaz, dönməz etdi. Bütün bunlar 1993-cü il 15 iyun tarixinin nailiyyətləridir. Heydər Əliyevin yenilməz iradəsi, uzaqgörənliyi, fədakarlığı onu bütün dünya azərbaycanlılarının lideri edib, ömür yolu doğma Vətənə xidmət nümunəsinə çevrilib. Bütün şüurlu həyatını canından artıq sevdiyi xalqına, ölkəsinə həsr etmiş bu müdrik siyasi və dövlət xadimi tariximizdə müstəqilliyimizin memarı və qurucusu kimi yer tutub. Qədirbilən xalqımız böyük xilaskarının xidmətlərini unutmur və 15 İyun - Milli Qurtuluş Gününü hər il yüksək əhval-ruhiyyə ilə qeyd edir. Bu gün Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev ona olan bütün ümidləri layiqincə doğruldur və Heydər Əliyev siyasətini yeni məzmun və keyfiyyətdə uğurla davam etdirir.

Son 22 ildə dövlətimizin başçısı İlham Əliyevin rəhbərliyi ilə Azərbaycan bütün sahələrdə yüksək inkişafa nail olub, qüdrətli ölkəyə çevrilib. Azərbaycan Prezidenti İlham Əliyev ordu quruculuğunu həmişə ən prioritet məsələ hesab edərək, respublikanın müdafiə qüdrətinin artırılmasını və ən müasir silahlarla təchiz olunmasını ön planda saxlayırdı. Ölkə başçısı öz çıxışlarında dəfələrlə qeyd edirdi ki, bu gün Azərbaycan Ordusu dünyanın ən güclü orduları sırasındadır. 44 günlük Vətən müharibəsində ordumuzun 10 noyabr 2020-ci il tarixədə qazandıgı Şanlı qələbə Azərbaycan tarixinə Zəfər ili kimi yazıldı. Əldə etdiyimiz bu tarixi Zəfərə Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin qətiyyəti, müdrik və uzaqgörən siyasəti, yenilməz, rəşadətli Azərbaycan Ordusunun şəxsi heyətinin şücaəti, qəhrəmanlığı, öz doğma Vətəninə olan sevgisi sayəsində nail olduq. Bu gün əldə etdiyimiz bütün qələbələrin, uğurların təməlində Heydər Əliyevin möhkəm siyasi kursu və inkişaf strategiyası dayanır.

Ən əsası, bu siyasi kurs Azərbaycanımızı daha böyük uğurlu gələcəyə aparır, onun işıqlı ideyaları daim yaşayacaqdır.

“1991-ci ilin axırlarında müstəqilliyini bərpa edən Azərbaycan xalqı hakimiyyətə gələn siyasi qüvvələrin səriştəsizliyi nəticəsində xaos, vətəndaş müharibəsi, iqtisadi böhran, ərzaq qıtlığı ilə üzləşməli oldu. Ölkəmizin hər yerində özbaşınalıq artdı, daxili stabillik, milli birlik pozuldu. Yaranan boşluqdan yararlanan Ermənistan Azərbaycana qarşı hərbi təcavüzünü daha da şiddətləndirdi. Müqəddəs torpaqlarımızı, ərazi bütövlüyümüzü qorumalı olan qüvvələrin başı isə Bakıda hakimiyyət uğrunda mübarizəyə qarışmışdı. Qoşun hissələri döyüş bölgələrindən çıxarılaraq  Bakıya istiqamətləndirilirdi. Nəticədə torpaqlarımızın 20 faizi işğal olundu, minlərlə şəhid verdik, minlərlə vətəndaşımız əsir düşdü,  bir milyondan artıq soydaşımız öz doğma el-obasından didərgin düşdü. Böhran getdikcə dərinləşirdi. Azərbaycan parçalanmaq, müstəqilliyini itirmək təhlükəsi ilə üzləşmişdi. Ümummilli mənafeyin şəxsi ambisiyalara qurban verilməsi o dövrdə hakimiyyətdə olan qüvvələrə xalqın inamını sarsıtdı. İnsanlar haqlı olaraq yeni qüvvə - xilaskar axtarışına çıxdı. Bütün diqqət, təbii olaraq, Naxçıvana yönəlmişdi. Xalqımız və ziyalılarımız çox yaxşı başa düşürdülər ki, dövlətimizi, ölkəmizi uçurumdan yalnız bir nəfər – ümummilli lider Heydər Əliyev çıxara bilər. Heç bir siyasi təcrübəsi olmayan başıpozuq bir qrupun yarıtmaz idarəçiliyi üzündən yox olmaq təhlükəsi ilə üzləşən dövlətimiz, itirilməkdə olan müstəqilliyimiz məhz Heydər Əliyevin böyük məharətinin sayəsində ayaqda qaldı, gücləndi”. 

1993-cü ilin 15 iyun Milli Qurtuluş günü xalqımızın və dövlətimizin ictimai-siyasi həyatında ciddi dönüş yaradan tarixi hadisədir: “Ölkəmizin ziyalıları, ictimai-siyasi xadimləri və xalq haqlı olaraq Ulu öndər Heydər Əliyevin ətrafında birləşərək Müstəqil Azərbaycan dövlətinin məhv olmasına, parçalanmasına imkan vermədilər. Bir məqamı da xüsusilə qeyd etmək lazımdır ki, 1992-ci ilin noyabrında Naxçıvanda Yeni Azərbaycan Partiyasının yaradılması və Heydər Əliyevin partiyaya sədr seçilməsi faktiki olaraq Azərbaycanda müasir siyasi sistemin yaranmasına səbəb oldu. Çünki Yeni Azərbaycan Partiyası ovaxtkı antimilli iqtidara qarşı milli müxalifət kimi yaranmışdır. Yeni Azərbaycan Partiyasının yaranması bütün Azərbaycanda böyük əks-səda yaratmışdı. Qısa müddət ərzində Yeni Azərbaycan Partiyası Azərbaycanın aparıcı siyasi qüvvəsinə çevrildi və Heydər Əliyevin siyasət olimpini fəth etməsinə böyük töhfələr verdi. Partiyamız bu gün də Prezodent cənab İlham Əliyevin rəhbərliyi ilə Ulu Öndərin siyasi irsini ləyaqət və qürurla davam etdirir”.

Xalqın çağırışlarını, ziyalıların, iqtidar mənsublarının təkidli xahişlərini nəzərə alaraq, 1993-cü il iyun ayının 15-də Azərbaycan Respublikası Milli Məclisinin fövqəladə sessiyasında gizli səsvermə yolu ilə Naxçıvan Muxtar Respublikası Ali Məclisinin sədri Heydər Əliyev Azərbaycan Respublikası Ali Sovetinin sədri seçilməklə hakimiyyətə qayıtdı: “Həmin il iyunun 24-də isə Milli Məclisin qərarı ilə prezident səlahiyyətləri Ali Sovetinin sədrinə - Heydər Əliyevə həvalə edildi. Ulu öndər Heydər Əliyev deyirdi: “Mənim heç bir silahım yoxdur: nə topum,nətapançam, nə də avtomatım var. Mənim idrakım var, iradəm var və xalq mənə ümid bəsləyirsə, xalq mənə bu səlahiyyəti vermişdirsə, xalqı bu ağır vəziyyətdən çıxarmağı öz öhdəmə götürmüşəmsə, güman edirəm ki, xalq məni müdafiə edəcəkdir”.

Yaxın keçmişimiz olan 1993-cü ildə baş verənlər hər kəsin xatirindədir. Dövlət büdcəsi boşaldılmış, sərvətləri talan edilmiş, idarəçilik sistemi dadağılmışdı: “Xilaskarlıq missiyasını öz üzərinə götürən Ulu Öndər Bakıda hakimiyyət davasının getdiyi bir vaxtda həyatını təhlükə altında qoyaraq dərhal Gəncəyə yollandı və orada baş qaldırmış qiyamın qarşısını aldı. Məhz xalqın böyük oğlu Heydər Əliyev hakimiyyətə qayıtdıqdan sonra Azərbaycanda illərlə davam edən anarxiyaya, başıpozuqluğa, siyasi hakimiyyətsizliyə, etnik separatçılığa, hərbiləşmiş cinayətkar dəstələrin qətl və qarətlərinə, özbaşınalıqlarına son qoyuldu. 1994-cü ildə oktyabr, 1995-ci ildə mart aylarında  dövlət çevrilişinə cəhdlərin qarşısı qətiyyətlə alındı. Azərbaycanın iqtisadi diçəlişinin tarixi bünövrəsi dəməhz Heydər Əliyevin hakimiyyətdə olduğu dövrə təsadüf edir. Ulu öndərin ikinci dəfə hakimiyyətə gəlişinin ilk illərində iqtisadi sektorda çox böyük addımlar atıldı, islahatlar həyata keçirildi.  “Əsrin müqaviləsi” imzalandı, Bakı-Tbilisi-Ceyhan, Bakı-Tbilisi-Ərzurum neft və qaz kəmərlərinin tikintisinə başlanıldı, Böyük İpək Yolunun bərpası üzrə konkret addımlar atıldı”.

Əgər Əliyev siyasi hakimiyyətə gəlməsəydi, Ermənistan daha böyük əraziləri işğal edib onun üzərində nəzarətini hüquqi müstəvidə dünyaya tanıtdıracaqdı: “Hələ sovet dövründə ermənilərin yeganə çəkindiyi, ehtiyat etdiyi siyasətçi Heydər Əliyev idi. Ulu öndər hələ 1987-ci ilin oktyabrında Sovet İttifaqı Kommunist Partiyası Mərkəzi Komitəsi Siyasi Bürosunun və şəxsən Baş katib Mixail Qorbaçovun yeritdiyi siyasi xəttə etiraz olaraq tutduğu vəzifələrdən istefa verəndə buna ilk sevinənlər erməniklər oldu. İstefa verməsindən iki həftə keçməmiş erməni millətçiləri və onların sovet iqtidarında olan himayədarları o vaxtkı Dağlıq Qarabağ Muxtar Vilayətinin Azərbaycanın tərkibindən çıxarıb Ermənistanın tərkibinə verilməsi ilə bağlı məsələ qaldırmış və Azərbaycan xalqının faciələri o gündən başlamışdır. Əgər Heydər Əliyev hakimiyyətdə təmsil olunsaydı, heç vaxt erməni millətçiləri bu çirkin əməllərə əl atmağa cürət etməzdilər. Ermənilər onu da etiraf edirlər ki, cənab Prezident İlham Əliyev Qarabağ məsələsində hətta atası Heydər Əliyevdən də daha barışmaz idi. Əlbəttə ki, cənab İlham Əliyevin prinsipial vətənpərvər ruhda formalaşması, müstəqillik, ərazi bütövlüyü kimi həyati əhəmiyyətli məsələlərdə heç bir kompramisəgetməmək kimi mövqeyə sahiblənməsi  valideynlərinin ailədə aşıladığı tərbiyədən, ideologiyadan irəli gəlir. 2020-ci il 44 günlük Vətən müharibəsində əldə etdiyi tarixi qələbə ilə Ulu öndərim yarımçıq qalan missiyasını tamamlayan cənab İlham Əliyev bütün dünyada tarix yazdı. Ulu Öndərin ən böyük arzusu Azərbaycanı bütöv, azad görmək idi. Ümummilli Liderin məcburi köçkünlər qarşısında çıxışlarının birində böyük inamla deyirdi: “Arzu edirəm ki, sizinlə birlikdə gedək Şuşaya. Gedəcəyik, inanın ki, gedəcəyik. Şuşa Azərbaycanın gözüdür, hər bir azərbaycanlı üçün iftixar mənbəyidir. Şuşa bizim mədəniyyətimizin, tariximizin rəmzidir. Şuşa hamı üçün əzizdir. Amma təkcə Şuşa yox, Laçın dağları da əzizdir. Biz heç vaxt Laçınsız yaşaya bilmərik. Ağdam kimi gözəl bir şəhər, Füzuli, Cəbrayıl, Zəngilan, Qubadlı, Kəlbəcərin o bulaqları, Kəlbəcərin o İsti suyu - biz onlarsız yaşaya bilmərik”. Ulu Öndər Heydər Əliyevin arzuları 27 ildən sonra reallaşdı, Prezident İlham Əliyev ata vəsiyyətini yerinə yetirdi. Bu gün Şuşada, Laçında, Ağdamda, Füzulidə, Cəbrayılda, Zəngilanda, Qubadlıda, Kəlbəcərdə, Xankəndidə üçrəngli bayrağımız əzəmətlə dalğalanır. Qarabağ və Şərqi Zəngəzur müasir tələblərə uyğun olaraq yenidən qurulur. Böyük Qayıdış proqramı mərhələli, xüsusi düşünülmüş proqram əsasında həyata keçirilir. Dövlət başçısı, Müzəffər Ali Baş Komandan İlham Əliyev torpaqlarımızın xilaskarı kimi adını tarixə qızıl hərflərlə yazdırmaqla Ümummilli Liderin 2003-cü ildə xalqa tarixi müraciətində ona göstərilən inamı və etimadı doğrultdu, dahi şəxsiyyətin vəsiyyətini yerinə yetirdi. Əminliklə deyə bilərik ki, qalib Azərbaycan bundan sonra da Heydər Əliyev yolu ilə yeni zəfərlərə doğru irəliləyəcək. Azərbaycan xalqı Ulu Öndərin siyasi kursunu davam etdirməkləmöhtərəm Prezidentimiz cənab İlham Əliyevin rəhbərliyi ilə bundan sonra da öz tarixinin yeni, şanlı səhifələrini yazacaq, daha yüksək zirvələr fəth edəcəkdir”.

Hələ sağlığında əfsanələşən, siyasət olimpini fəth etmiş Heydər Əliyevin böyüklüyü öz dövrünün siyasi xadimləri tərəfindən də etiraf olunub. ABŞ-ın sabiq Prezidenti Corc Buşun “şəksiz lider”, Türkiyə Prezidenti Rəcəb Tayyib Ərdoğanın “türk dünyasının tanınan və sevilən lideri”, Rusiya Prezidenti Vladimir Putinin“siyasi nəhəng”, Fransanın sabiq Prezidenti JakŞirakın “qeyri-adi şəxsiyyət” adlandırdıqları Heydər Əliyev şəxsiyyətinin nəhəngliyini zaman keçdikcə daha aydın dərk edirik.  Ulu öndər Heydər Əliyevin yorulmaz və gərgin siyasi-diplomatik fəaliyyəti, dövlətçilik təcrübəsi, Azərbaycan xalqının milli maraq və mənafeyinə bağlılığı ilə ümummilli rəhbər olduğunu bütün dünyaya bir daha sübut etdi”.

Ucar Gənclər Evində “Karyerada inkişaf naviqatoru” layihəsinin ilk mərhələsi baş tutub.

Tədbirdə Ucar Gənclər Evinin direktoru kazım Məmmədov, müsabiqənin qalibi və layihə rəhbəri Zinhar Bəbişov və əgnclər iştirak ediblər.

Layihə çərçivəsində gənclərə karyera planlaması, iş axtarışı strategiyaları, CV hazırlanması və müsahibəyə hazırlıq, şəxsi brendinq, işgüzar ünsiyyət və praktiki iş təcrübəsi mövzularında təlimlər keçirilib.

Qeyd  edək ki, layihə Azərbaycan Respublikasının Gənclər Fondunun fərdi qrant müsabiqəsi çərçivəsində həyata keçirilib. Müsabiqənin qalibi və layihə rəhbəri Zinhar Bəbişovdur.

Mayın 28-də Prezident İlham Əliyevin Laçın şəhərində etdiyi çıxış Azərbaycanın dövlətçilik tarixində və regiondakı yeni reallıqlar fonunda önəmli əhəmiyyət daşıyır. Laçının azad olunmasından sonra ilk dəfə olaraq Azərbaycan, Türkiyə və Pakistan liderləri bu qədim torpaqda bir araya gəldi. Bu görüş təkcə üç qardaş ölkə arasında strateji əməkdaşlığın gücləndirilməsinin deyil, həm də azad edilmiş ərazilərdə aparılan quruculuq və bərpa proseslərinin beynəlxalq dəstək qazandığının açıq göstəricisidir.

Prezident İlham Əliyev çıxışında vurğuladı ki, Azərbaycanın keçdiyi tarixi yol asan olmayıb. 1918-ci ildə müsəlman Şərqində ilk demokratik respublikanın – Azərbaycan Xalq Cümhuriyyətinin yaradılması xalqımızın azadlıq və dövlətçilik iradəsinin təzahürü idi. Lakin bu müstəqillik cəmi iki il sonra itirildi. 1920-ci ildə Qərbi Zəngəzur bölgəsi Azərbaycandan qoparılaraq Ermənistana birləşdirildi. Bu ədalətsizliklər sonrakı onilliklərdə də davam etdi. Ermənistanın işğalçılıq siyasəti nəticəsində Qarabağ və Şərqi Zəngəzurda yüz minlərlə azərbaycanlı ata-baba yurdlarından didərgin salındı. Xocalı soyqırımı isə bu siyasətin ən qanlı səhifəsi oldu.

Prezident İlham Əliyev qeyd etdi ki, Azərbaycan dövləti bu haqsızlıqlarla heç vaxt barışmayıb. Ölkə rəhbərliyi illər boyu həm beynəlxalq təşkilatlar çərçivəsində haqq səsini dünyaya çatdırıb, həm də iqtisadi, hərbi və diplomatik sahələrdə güclənərək işğala son qoymaq üçün sistemli şəkildə hazırlaşıb. Güclü iqtisadiyyatın və xalqın iradəsinə söykənən siyasi iradənin nəticəsi olaraq 2020-ci ildə 44 günlük Vətən müharibəsində tarixi Qələbə qazanıldı. Şuşanın azad olunması bu zəfərin simvoluna çevrildi. Ardınca Laçın, Kəlbəcər və Ağdam bir güllə belə atılmadan işğaldan azad edildi. 2023-cü ildə keçirilmiş antiterror əməliyyatı ilə ölkənin suverenliyi tam bərpa olundu və separatizmə son qoyuldu.

Bu gün azad edilmiş ərazilərdə genişmiqyaslı bərpa işləri davam edir. Yeni xəstəxanalar, məktəblər, yollar, hava limanları və digər infrastruktur obyektləri bölgənin yenidən canlanmasına səbəb olub. Artıq 43 min insan doğma torpaqlara qayıdıb və bu rəqəmin sürətlə artacağı gözlənilir. Prezident İlham Əliyev çıxışında qeyd etdi ki, bu proses Azərbaycan dövlətinin iradəsini və gücünü nümayiş etdirir. Eyni zamanda bu ərazilərə həyatın qayıtması bölgənin əsl sahiblərinin öz yurdlarında əmin-amanlıq içində yaşamağa başladığını sübut edir.

Tədbirdə iştirak edən Türkiyə Prezidenti Rəcəb Tayyib Ərdoğan və Pakistanın Baş naziri Məhəmməd Şahbaz Şəriflə birgə nümayiş etdirilən həmrəylik beynəlxalq arenada mühüm mesaj verdi. Prezident İlham Əliyev vurğuladı ki, bu üçtərəfli əməkdaşlıq təkcə bugünkü siyasi maraqlar üzərində deyil, ortaq tarix, mədəniyyət və dəyərlər üzərində qurulub. Laçından verilən birlik mesajı regionda sabitlik və əməkdaşlıq üçün yeni imkanlar yaradır. Bu əməkdaşlığın gələcəkdə daha da dərinləşəcəyi və yeni sahələri əhatə edəcəyi istisna edilmir.

Prezident İlham Əliyevin çıxışında səsləndirdiyi fikirlər Azərbaycan xalqının azadlıq uğrunda mübarizəsinin nəticələrini və gələcəyə olan inamını əks etdirir: “Biz qayıtmalıydıq və qayıtmışıq. Qələbə bizimlədir və bizimlə olacaq.”

Hər bir xalqın tarixində qürurverici məqamlar, millətin öz kimliyini dünyaya bəyan etdiyi anlar mövcuddur. 28 May – Müstəqillik Günü Azərbaycan xalqı üçün bu baxımdan mühüm mənəvi-siyasi əhəmiyyətə malikdir.

1918-ci il mayın 28-də yaradılan Azərbaycan Xalq Cümhuriyyəti təkcə Azərbaycanın deyil, həm də bütün Şərq və müsəlman aləminin ilk demokratik, hüquqi və dünyəvi respublikası kimi tarixə düşmüşdür.

Tiflisdə fəaliyyət göstərən Azərbaycan Milli Şurası tərəfindən İstiqlal Bəyannaməsinin qəbul edilməsi ilə xalqımız öz taleyinin sahibi olduğunu dünyaya bəyan etmişdir. Bu sənədin ruhunda xalq hakimiyyəti, hüquq bərabərliyi, söz və vicdan azadlığı kimi mütərəqqi prinsiplər əksini tapmışdır. Cümhuriyyət parlamenti çoxpartiyalı sistem əsasında fəaliyyət göstərmiş, qadınlara seçki hüququ verərək bu sahədə bir çox Avropa ölkələrini belə geridə qoymuşdur.

Qısa müddət ərzində dövlət atributlarının – bayraq, gerb, himn təsis edilməsi, ordu quruculuğu, təhsil islahatları və beynəlxalq əlaqələrin qurulması tarixi və mənəvi-siyasi əhəmiyyətə malikdir. Həmin dövrdə qəbul edilən qərarlar gələcək müstəqil Azərbaycan dövlətçiliyinin ideoloji-siyasi və hüquqi əsaslarını formalaşdırmışdır.

Azərbaycan Xalq Cümhuriyyəti 1920-ci ildə Sovet işğalı nəticəsində süqut etsə də, onun ideyaları xalqın yaddaşında yaşamağa davam edirdi. 1991-ci il oktyabrın 18-də Azərbaycan Respublikası dövlət müstəqilliyini bərpa etməklə Cümnhuriyyət ideyalarının davamçısı olduğunu dünyaya bəyan etdi. Lakin bu yol asan olmadı – müstəqilliyin ilk illərində ölkədə siyasi böhran, iqtisadi çətinliklər və təhlükəli separatizm cərəyanları hökm sürürdü.

1993-cü ildə xalqın təkidli tələbi ilə hakimiyyətə qayıdan Ulu Öndər Heydər Əliyev ölkəni böyük təhlükələrdən xilas etdi. Onun rəhbərliyi ilə sabitlik bərpa edildi, ordu quruculuğu sürətləndirilərək dövlətçiliyin möhkəm təməli qoyuldu. Dahi Lider Azərbaycanı güclü və dayanıqlı dövlətə çevirmək istiqamətində genişmiqyaslı islahatlar reallaşdırdı. Bu siyasət müstəqil iqtisadiyyatın formalaşması, ölkəmizin beynəlxalq nüfuzun artırılması və milli təhlükəsizliyin təmin olunması ilə müşayiət olundu. Məhz bu dövrdə gələcək Zəfər yolunun əsası qoyuldu – milli birliyin möhkəmlənməsi, güclü ordu və qətiyyətli xarici siyasət bu tarixi missiyanın əsas sütunlarına çevrildi.

Ulu Öndərin siyasi kursu uğurla davam etdirən Prezident İlham Əliyev Azərbaycanın inkişafını yeni mərhələyə yüksəltdi. Onun rəhbərliyi ilə ölkəmiz sürətli iqtisadi inkişaf yolu keçdi, irimiqyaslı infrastruktur layihələri həyata keçirildi. Dövlətimizin beynəlxalq münasibətlərdə mövqeyi möhkəmləndi və ən əsası Azərbaycanın ərazi bütövlüyü və suverenliyi tam təmin edildi.

Müasir Azərbaycan dövləti Cümhuriyyət irsini yaşadır, onu dövrün tələblərinə uyğun olaraq inkişaf etdirir. Bu, həm tarixi yaddaşa sədaqət, həm də gələcək nəsillərə örnəkdir. 28 May – Müstəqillik Günü həm də milli kimliyimizin, dövlətçilik iradəmizin və azadlıq ruhumuzun simvoludur. Azərbaycan Xalq Cümhuriyyətinin yaratdığı ideyalar bu gün müasir müstəqil Azərbaycanın sütunlarını təşkil edir. Cümhuriyyət qurucularının arzuları gerçəkləşdirilmiş, bugünkü nəsillərə güclü, müstəqil və qalib bir dövlət miras qoyulmuşdur. Prezident İlham Əliyevin qeyd etdiyi kimi: “Müstəqilliyimizin qorunması, möhkəmlənməsi ən vacib məsələlərdən biridir. 1918-ci ildə qurulmuş Azərbaycan Xalq Cümhuriyyəti cəmi 23 ay yaşadı. Müstəqil Azərbaycan Azərbaycan Xalq Cümhuriyyətinin varisidir və onların niyyətlərini biz həyatda təmin etdik, həyata keçirdik. Əminəm ki, müstəqillik yolunda bizim inkişafımız davamlı olacaq, uğurlu olacaq və Azərbaycanın dövlət müstəqilliyi əbədi olacaq!”.

Azərbaycan xalqı bu tarixi yaddaşın daşıyıcısı, dövlətin qürurlu vətəndaşı olaraq hər il 28 May tarixini yüksək ehtiramla qeyd edir, müstəqilliyimizi əbədi yaşatmaq əzmində olduğunu nümayiş etdirir. 

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev, ölkə tarixində dərin iz qoymuş liderlərdən biri kimi xalqın yaddaşında qalır. Onun rəhbərliyi ilə ölkəmiz yalnız iqtisadi və sosial cəhətdən deyil, həm də hərbi və geosiyasi baxımdan güclənmiş, dünyada söz sahibi olan dövlətlər sırasına daxil olmuşdur.

Ali Baş Komandan kimi liderliyi – Qələbəyə aparan yol

İlham Əliyev Ali Baş Komandan kimi özünü tarixə Qarabağ Zəfərinin memarı kimi yazdırmışdır. 2020-ci ilin 44 günlük Vətən müharibəsində onun uzaqgörən, qətiyyətli və cəsarətli rəhbərliyi sayəsində Azərbaycan Ordusu misilsiz qəhrəmanlıq göstərmiş, torpaqlarımız işğaldan azad edilmişdir. Bu zəfər təkcə hərbi sahədə deyil, diplomatik və informasiya savaşında da Azərbaycan dövlətinin üstün mövqeyini təsdiqlədi.

İlham Əliyev müharibənin ilk günlərindən etibarən həm cəbhədəki komandanlıq prosesini uğurla idarə etdi, həm də beynəlxalq platformalarda Azərbaycanın haqq səsini dünyaya çatdırdı. Onun informasiya müharibəsində sərgilədiyi bacarıqlı çıxışlar, dünya liderləri ilə apardığı danışıqlar və xalqa ünvanladığı ruhverici müraciətlər xalqda həmrəyliyi, güvəni və milli ruhu gücləndirdi.

Şəhid ailələrinə və qazilərə diqqət və qayğı – Dövlətin mənəvi borcu

Prezident İlham Əliyevin siyasətində şəhid ailələri və qazilər xüsusi yer tutur. Vətən uğrunda canlarını fəda etmiş şəhidlərin ailələrinə dövlət başçısının göstərdiyi diqqət və qayğı, bu ailələrin sosial təminatının yaxşılaşdırılması üçün həyata keçirilən layihələr və dövlət proqramları onun insan yönümlü siyasətinin nümunəsidir.

Dövlət tərəfindən şəhid ailələrinə və müharibə veteranlarına mənzillər, avtomobillər, maddi yardımlar təqdim olunur. Onların təhsil, səhiyyə və məşğulluq hüquqlarının təmin olunması üçün xüsusi proqramlar hazırlanıb. Müasir reabilitasiya mərkəzlərinin yaradılması qazilərin sağlamlıqlarının bərpasına yönəlmiş addımlardandır.

Prezident tez-tez şəhid ailələri və qazilərlə birbaşa görüşlər keçirir, onların müraciətlərini şəxsən dinləyir və dərhal həll olunması üçün göstəriş verir. Bu, dövlət başçısının bu kateqoriyadan olan vətəndaşlara nə qədər səmimi və həssas yanaşdığını nümayiş etdirir.

Xalqına bağlılıq və sosial rifah siyasəti

İlham Əliyev hər zaman “Mən hər bir azərbaycanlının Prezidenti olacağam” prinsipinə sadiq qalmışdır. Onun rəhbərliyi ilə sosial sahədə həyata keçirilən genişmiqyaslı islahatlar milyonlarla vətəndaşın həyat səviyyəsinin yaxşılaşdırılmasına xidmət etmişdir. Son illərdə əmək haqları, pensiyalar və sosial müavinətlərin əhəmiyyətli dərəcədə artırılması, ünvanlı sosial yardımların genişləndirilməsi və şəffaflaşdırılması, aztəminatlı ailələrin sosial müdafiəsi kimi tədbirlər sosial ədalətin bərqərar olunmasına yönəlmişdir.

Bundan əlavə, pandemiya dövründə və post-müharibə dövründə xalqın sosial və iqtisadi çətinliklərinə qarşı çevik və effektiv tədbirlər görülmüş, minlərlə ailəyə birbaşa dövlət dəstəyi göstərilmişdir. Bu da Prezidentin xalqına bağlılığını və onunla birgə olduğunu bir daha sübut etmişdir.

Milli birliyə və dövlətçiliyə xidmət

İlham Əliyevin dövlətçilik anlayışı milli birlik, siyasi sabitlik və strateji inkişaf üzərində qurulub. Onun daxili və xarici siyasətində xalqın maraqları hər zaman əsas prioritet kimi dayanır. Azərbaycanın suverenliyinin qorunması, ərazi bütövlüyünün təmin olunması və beynəlxalq müstəvidə tanıdılması istiqamətində atılan addımlar dövlətçilik tariximizdə qızıl hərflərlə yazılır.

Onun rəhbərliyi ilə “Azərbaycan brendi” dünya miqyasında tanınır və hörmətlə qarşılanır. Bu uğurlar yalnız güclü iqtisadi göstəricilər və diplomatik uğurlarla deyil, həm də xalqla dövlət başçısı arasında olan qarşılıqlı etimadla bağlıdır.

Nəticə

Prezident İlham Əliyev yalnız güclü bir lider deyil, həm də xalqına və vətəninə sonsuz sədaqətlə xidmət edən bir dövlət başçısıdır. Onun Ali Baş Komandan kimi rəhbərliyi ilə əldə olunan Qələbə, şəhid ailələrinə və qazilərə göstərdiyi diqqət, xalqın rifahı naminə həyata keçirdiyi sosial siyasətlər və milli maraqlara əsaslanan dövlətçilik anlayışı Azərbaycan tarixində əbədi olaraq yadda qalacaqdır.

Bu gün Azərbaycan vətəndaşı olmaq həm qürur, həm də güvən mənbəyidir. Bu güvənin arxasında isə güclü və xalqı ilə bir olan bir lider – İlham Əliyev dayanır.

Prezident İlham Əliyevin və birinci xanım Mehriban Əliyevanın Şuşa, Xocalı və Ağdam rayonlarına növbəti səfəri ölkəmizin bu bölgələrdə həyata keçirdiyi genişmiqyaslı bərpa və quruculuq işlərinin ardıcıl, planlı şəkildə davam etdirildiyini bir daha nümayiş etdirir. Bu səfər yalnız görülən işlərə baxış xarakteri daşımır, həm də dövlət başçısının rəhbərliyi ilə bölgədə aparılan böyük yenidənqurma prosesinə verilən yüksək siyasi iradənin, xalqla birbaşa təmasın və praktiki nəzarətin təzahürüdür.

Şuşa xalqımızın qürur yeri və milli kimliyimizin ayrılmaz parçasıdır. Prezident İlham Əliyev və birinci xanım Mehriban Əliyeva mayın 9-da Şuşa rayonunun Daşaltı kənd məscidinin, Şuşa Müalicə-Sağlamlıq Mərkəzinin açılışında iştirak ediblər və şəhərdə inşa ediləcək dördüncü yaşayış kompleksinin təməlqoyma mərasiminə qatılıblar. Azərbaycanın mədəniyyət beşiyi sayılan Şuşa 2020-ci il noyabrın 8-də işğaldan azad edildikdən sonra burada genişmiqyaslı tikinti-quruculuq prosesinə başlanılıb. Bu gün şəhər tarixi siması və mədəni irsi qorunub saxlanılmaqla bərpa olunur, doğma sakinlərinə yenidən qucaq açır. 2023-cü ilin sonlarından etibarən keçmiş məcburi köçkünlərin doğma şəhərə qayıdışı təmin olunur. İndiyədək Şuşaya 376 ailə - 1409 nəfərdən artıq sakin köçürülüb. Bu proses hazırda da mərhələli şəkildə davam etdirilir. Şuşa bu gün mədəniyyətimizin beşiyi, həm də azadlığımızın, milli birliyimizin və gələcəyə inamımızın simvoluna çevrilib.

Xocalı yaddaşın və qürurun ünvanıdır. Azərbaycan tarixinin ən ağır səhifələrindən biri olan Xocalı bu gün dirçəlir. Prezident İlham Əliyevin və birinci xanım Mehriban Əliyevanın Xocalı rayonuna növbəti səfəri bu baxımdan mühüm tarixi və siyasi əhəmiyyətə malikdir. Dövlət başçısının səfəri zamanı burada “Xocalı” yarımstansiyasının və Rəqəmsal İdarəetmə Mərkəzinin və “Qoç Ət” Kəndli Fermer Təsərrüfatı MMC-nin Xocalı rayonunun Xanabad kəndi ərazisində yerləşən heyvandarlıq kompleksinin açılış mərasimində iştirak etməsi bölgənin inkişafına göstərilən yüksək diqqətin bariz nümunəsidir. Xocalı artıq ümidin, dirçəlişin və ləyaqətli həyatın şəhəridir. Artıq insanların doğma yurdlarına qayıdışı ilə həmin torpaqlar yenidən canlanır. Xocalının yenidən qurulması Azərbaycan xalqının tarixinə sahib çıxmasının, eyni zamanda gələcəyə nikbinliklə baxmasının bariz nümunəsidir. Bir zamanlar "Qafqazın Xirosiması", "Kabus şəhər" adlandırılan Ağdam yenidən dirçəlir və çiçəklənir. Ağdam gözəlliyi və bənzərsizliyi ilə hər kəsi valeh edəcək. İşğal dövründə tamamilə viran qoyulan Ağdam artıq yeni inkişaf mərhələsindədir.

Mayın 10-da Ümummilli Lider Heydər Əliyevin anadan olmasının 102-ci ildönümündə dövlətimizin başçısının Ağdama səfəri, rayonun Kəngərli kəndində fərdi evlərin və infrastrukturun bərpası sahəsində görülən işlərlə tanış olması, sonra kəndə köçən bir qrup sakinlə görüşü mühüm əhəmiyyət kəsb edir. Azərbaycan Prezidenti görüşdə Ağdam sakinlərinə növbəti şad xəbər də verdi: Rayonun Xıdırlı kəndi də demək olar ki, açılışa hazırdır və yaxın aylarda orada da həyat qaynayacaq. Dövlətimizin başçısı rayona səfəri çərçivəsində, həmçinin Ağdam vağzal kompleksinin və Ağdam Muğam Mərkəzinin açılışında da iştirak etdi. Bu səfər bir daha göstərir ki, işğaldan azad olunmuş ərazilərdə həyata keçirilən bərpa və quruculuq prosesi strateji xətt kimi formalaşıb.

Ermənistanın işğal dövründə xarabalığa çevirdiyi ərazilərimiz bu gün sürətlə dəyişir, dirçəlir və inkişaf edir. Yeni şəhərsalma layihələri, müasir yaşayış kompleksləri, mədəni, sosial və iqtisadi infrastruktur obyektləri, abadlaşdırılmış park və ictimai məkanlar bölgədə həyatın tam mənada bərpa olunduğunun göstəricisidir. Azərbaycan dövlətinin qarşısına qoyduğu əsas hədəf keçmiş məcburi köçkünlərin doğma torpaqlarına ləyaqətli şəkildə qayıdışını təmin etməkdir. Prezident İlham Əliyevin rəhbərliyi ilə bu torpaqlarda həyat yenidən qaynayır.

Azərbaycan xalqının tarixi, böyük liderlərin adı ilə və onların müdrik qərarları ilə zəngindir. Ümummilli lider Heydər Əliyevin 102-ci doğum günü, yalnız onun şəxsiyyətinin və Azərbaycan tarixindəki yerinin xatırlanması ilə məhdudlaşmır, eyni zamanda, bugünkü müstəqil Azərbaycanın əldə etdiyi qələbələrin və inkişafın əsaslarını qoyan bir dönəmin əlamətidir. Onun liderliyi altında, Azərbaycan dünya arenasında mövqeyini möhkəmlətmiş, iqtisadi və siyasi inkişafda böyük irəliləyişlərə imza atmışdır.

Heydər Əliyev, Azərbaycan tarixindəki ən böyük şəxsiyyətlərdən biridir. Onun siyasətə və dövlətçiliyə verdiyi xidmətlər, bu gün Azərbaycanın müstəqil və inkişaf etmiş bir ölkə kimi mövcud olmasına əsaslı təkan vermişdir. Heydər Əliyevin liderliyi, yalnız bir dövrün deyil, ümumilikdə Azərbaycan xalqının gələcəyinin formalaşmasında əvəzsiz rol oynamışdır. O, həm Azərbaycanın müstəqilliyinin bərpasında, həm də dövlətin inkişafında rəhbər şəxs olmuş, xalqının və ölkəsinin maraqlarını hər şeydən üstün tutaraq, böyük tarixi qərarlar vermişdir.

Heydər Əliyev, Azərbaycan dövlətinin müstəqil olmasının və bu müstəqilliyin qorunmasının əsasını qoyan şəxsiyyətlərdən biridir. 1991-ci ildə Sovet İttifaqının dağılması ilə Azərbaycanın müstəqilliyini elan etməsi, həm çətinliklərlə, həm də böyük ümidlərlə qarşılandı. Lakin yeni müstəqil dövlətin qarşısında çoxsaylı daxili və xarici təhlükələr mövcud idi. Bu məqamda, Heydər Əliyev Azərbaycana rəhbərliyə gəldikdən sonra, ölkənin siyasi, iqtisadi və sosial sabitliyini təmin etmək üçün vacib addımlar atmağa başladı. Onun müdrik siyasəti, Azərbaycanı qarşısıalınmaz təhlükələrdən qorudu və müstəqilliyini daha da möhkəmləndirdi.

Heydər Əliyev, Azərbaycanı siyasi parçalanmadan qurtarıb vahid bir dövlət olaraq birləşdirmək üçün ciddi islahatlar həyata keçirdi. O, 1993-cü ildə Naxçıvan Muxtar Respublikası ilə yanaşı, respublikanın başında olan fövqəladə vəziyyətdən çıxmaq üçün bir neçə mühüm qərar verdi. Azərbaycanın gələcəkdəki inkişafına yönəlik nəzərdə tutduğu proqramları və siyasətləri təkcə daxili deyil, həm də beynəlxalq səviyyədə qəbul etdirə bildi. Bu dövrdə Heydər Əliyevin müdrik siyasi yolu, ölkəni böyük təhlükələrdən qoruyaraq, Azərbaycanın dövlətçiliyini və müstəqilliyini bərpa etdi.

Heydər Əliyevin siyasəti, yalnız daxili problemlərin həlli ilə məhdudlaşmırdı. O, Azərbaycanın xarici siyasətindəki mövqeyini möhkəmləndirmək üçün də müstəsna addımlar atdı. Sovet İttifaqının dağılmasından sonra, Azərbaycan dünya miqyasında yalnız özünü tanıtmadı, həm də müstəqil və güclü bir dövlət olaraq öz yerini tapdı. Heydər Əliyevin rəhbərliyi altında, Azərbaycan beynəlxalq aləmdəki mövqeyini gücləndirərək, əsas strateji tərəfdaşlar ilə sıx əlaqələr qurdu. O, Azərbaycanın enerji resurslarını dünyaya tanıtmaqla, ölkənin iqtisadiyyatını möhkəmləndirdi və dünya bazarında mühim bir aktora çevrilməsini təmin etdi.

Bundan əlavə, Heydər Əliyev, Ermənistanla Qarabağ münaqişəsinin həlli istiqamətində də mühüm addımlar atmış, beynəlxalq diplomatik əlaqələr quraraq, Azərbaycanın ərazi bütövlüyünü dünya ictimaiyyətinə tanıtmağa çalışmışdır. Onun bu mövqeyi, Azərbaycanın işğal altındakı torpaqlarının azad edilməsi və Ermənistanla olan münaqişənin hüquqi əsaslarda həlli üçün zəmin hazırladı.

Heydər Əliyev həmçinin Azərbaycanın iqtisadiyyatını sürətlə inkişaf etdirmək üçün mühüm islahatlar həyata keçirdi. O, ölkənin təbii sərvətlərinin düzgün idarə olunmasına, xarici investisiyaların cəlb edilməsinə və iqtisadiyyatda müasir standartların tətbiqinə xüsusi önəm verirdi. Heydər Əliyevin rəhbərliyi ilə, Azərbaycanın enerji sektoru dünya səviyyəsinə çıxarıldı. Xəzər dənizindəki neft yataqlarının istismarı və dünya bazarına çıxarılması, Azərbaycanın iqtisadiyyatını sürətlə inkişaf etdirərək ölkəni müstəqil bir iqtisadi güc mərkəzinə çevirdi.

İqtisadi islahatların paralelində, Heydər Əliyev sosial sahədə də geniş miqyaslı layihələr həyata keçirdi. Təhsil, səhiyyə, mədəniyyət və sosial rifah sahələrindəki islahatlar Azərbaycan xalqının həyat səviyyəsini artırdı. Heydər Əliyevin başçılığında, ölkə yalnız enerji sektoru ilə deyil, eyni zamanda insanların sosial rifahını yüksəltmək məqsədilə çoxsaylı layihələr həyata keçirərək, insanların gündəlik həyatını asanlaşdıran mühüm islahatlara imza atdı.

Heydər Əliyev, Azərbaycan xalqının milli kimliyinin qorunmasına və inkişaf etdirilməsinə də xüsusi diqqət yetirirdi. O, ölkə daxilində və xaricində Azərbaycan mədəniyyətinin və dilinin qorunmasına çalışdı. Heydər Əliyev, xalqın mənəvi dəyərlərini yüksək qiymətləndirərək, dövlətin əsas prinsipini "xalqın birliyi" olaraq təyin etdi. Onun ideologiyası, hər bir azərbaycanlının öz milli kimliyini qürurla daşımasında, tarixə olan hörmətini qorumasında və dövlətə bağlılığında əsas prinsip oldu.

Heydər Əliyevin Azərbaycanın inkişafına verdiyi töhfələr, yalnız onun dövrü ilə məhdudlaşmır. Onun atdığı hər bir addım, bu gün Azərbaycanda davam etməkdə olan islahatların əsasını təşkil edir. Heydər Əliyevin əzəmətli irsi, Azərbaycanın müstəqil və güclü bir dövlət olaraq dünya miqyasında tanınmasında böyük rol oynadı. Onun siyasəti, yalnız dövrünün ehtiyaclarına uyğun olmaqla qalmamış, həm də Azərbaycanın gələcəyini düşünərək atılmış strateji addımlar idi.

Azərbaycan bu gün Heydər Əliyevin mirasını yaşadır, onun rəhbərliyində həyata keçirilən islahatlar nəticəsində dünya səviyyəsində tanınan bir dövlətə çevrilib. Azərbaycanın gələcəyi, Heydər Əliyevin müdrik siyasətinin və liderliyinin təməlində qurulur və bu irs, yeni nəsillərə də miras olaraq qalacaqdır.

Müasir Azərbaycanın uğurları, Heydər Əliyevin siyasi xəttinə sadiq olan, ölkənin ikinci prezidenti İlham Əliyevin liderliyi ilə daha da möhkəmlənmişdir. İlham Əliyev, atasının müdrik siyasətini davam etdirərək, yalnız Azərbaycanın ərazi bütövlüyünü qorumaqla kifayətlənməmiş, həmçinin ölkənin güclü iqtisadiyyatını quraraq sosial rifahı artırmağa, müasir infrastruktur layihələrini həyata keçirməyə başlamışdır.

İkinci Qarabağ Müharibəsi: Qələbənin Qurtuluşu

2020-ci ildə baş verən İkinci Qarabağ Müharibəsi, Azərbaycan xalqının birlik və həmrəylik ruhunu bir daha göstərdi. İlham Əliyevin müzəffər komandanlığı altında, Azərbaycan ordusu qısa müddət ərzində ərazilərini işğaldan azad edərək, işğalçılara sarsıdıcı zərbə vurdu. Bu zəfər, yalnız Azərbaycanın ərazi bütövlüyünü bərpa etməklə qalmadı, həm də milli ruhu canlandırdı və xalqımızın qalib xalq olduğunu bir daha təsdiqlədi.

Qarabağda qazanılan bu qələbə, Heydər Əliyevin, İlham Əliyevin, vətənpərvər Azərbaycan xalqının güclü əzmi, əzmkarlığı və mübarizə ruhunun bir təcəssümüdür. Azərbaycan xalqı bu qələbə ilə həm özünün tarixində, həm də beynəlxalq aləmdə öz sözünü bir daha möhkəm şəkildə dedi.

Şəhid Ailələri və Qazilərə Dəstək: Azərbaycanın Sosial Həmrəyliyi

İkinci Qarabağ Müharibəsindəki zəfər, şəhidlərimizin qanı və qazilərimizin mübarizliyi ilə mümkün oldu. Bu mərhələdə, İlham Əliyev rəhbərliyindəki Azərbaycan dövləti, şəhid ailələrinə və qazilərə göstərdiyi diqqət və qayğı ilə təqdirəlayiq addımlar atdı. Xüsusi sosial proqramlar və layihələr vasitəsilə, şəhid ailələrinin və qazilərin ehtiyacları qarşılanır, onlara müvafiq müavinətlər və sosial dəstək verilir. Azərbaycan xalqı bu insanları heç vaxt unutmayacaq və hər zaman onların yanında olacaqdır.

Bu sosial dəstək, həmçinin, xalqın birliyinin və dövlətin şəhidlərə, qazilərə verdiyi dəyərin göstəricisidir. Müharibədən sonra qazilərə göstərilən maddi və mənəvi dəstək, dövlətin şəhid ailələri ilə bağlı apardığı siyasət, Azərbaycan dövlətinin humanist yanaşmasının ən gözəl nümunəsidir. Vətən uğrunda canını fəda etmiş, torpaqlarımızı azad etmiş qəhrəmanlar, Azərbaycan xalqının qəlbində əbədi yaşayacaqdır.

Azərbaycanın İqtisadi İnkişafı və Beynəlxalq İtibarının Artması

İlham Əliyevin rəhbərliyi altında, Azərbaycanın iqtisadiyyatı müasir dövrün tələblərinə cavab verəcək şəkildə inkişaf etmişdir. 21-ci əsr Azərbaycanın beynəlxalq aləmdə mövqeyini möhkəmləndirmək üçün mühüm addımların atıldığı bir dövr olub. Azərbaycanın enerji sektorundakı irəliləyişlər, infrastruktur layihələri, hərtərəfli iqtisadi islahatlar, həmçinin ölkənin xarici siyasətindəki uğurlar dünya tərəfindən təqdir edilən böyük uğurlardır.

Son illərdə, Azərbaycanın iqtisadiyyatı yalnız təbii sərvətləri ilə deyil, həm də yüksək texnologiya, təhsil, tibb və kənd təsərrüfatı kimi sahələrdəki inkişafı ilə daha da qüvvətləndi. Azərbaycanın güclü iqtisadiyyatı, dünya bazarlarında güclü mövqe tutmağa imkan verir və eyni zamanda, ölkənin vətəndaşlarının həyat səviyyəsini yüksəldir.

Gələcəyə Baxış və Azərbaycanın Qalib Yolu

Bugün Azərbaycan, qalib bir xalq olaraq öz yolunu daha da inamla irəliləyir. Heydər Əliyevin qoyduğu əsaslar üzərində İlham Əliyevin rəhbərliyi altında həyata keçirilən islahatlar, sosial, iqtisadi, və siyasi sahələrdə böyük irəliləyişlərə səbəb olmuşdur. Azərbaycanın zəfərləri, xüsusən Qarabağda əldə olunan qələbə, yalnız müharibənin sonu deyil, həm də yeni bir dövrün başlanğıcıdır. Azərbaycanın daha da inkişafı, xalqın birliyi və dövləti ilə bağlı olan məqsədləri doğrultmaq istiqamətində böyük irəliləyişlər gözlənilir.

Azərbaycan, gələcəkdə daha çox beynəlxalq platformalarda səs sahibi olacaq, daha da inkişaf edəcək və dünyada əzəmətli bir ölkə olaraq, bütün xalqların hörmətini qazanacaq. Həmrəylik, inkişaf və qələbə yolunda, Azərbaycan xalqı daim güclü və bir olacaq, həm də müstəqilliyini qoruyacaqdır.

Son söz: Azərbaycan xalqı, müstəqillik və azadlıq yolunda yalnız Heydər Əliyevin deyil, həm də İlham Əliyevin liderliyi ilə daha çox uğurlara imza atmağa davam edəcəkdir. Biz qalib bir xalqıq və bu qalibiyyətlər yalnız müharibədə deyil, həm də inkişafda, sosial rifahda və beynəlxalq aləmdə daha da parlayacaqdır.

Polis orqanları, hər bir dövlətin əsas dayaq sütunlarından biridir. Onlar yalnız qanunu qorumaqla kifayətlənmir, eyni zamanda cəmiyyətdə təhlükəsizliyi təmin etməyə, hüquq pozuntularının qarşısını almağa, insanların həyatını qorumağa çalışırlar. Azərbaycanın təhlükəsizlik sisteminin etibarlı və təcrübəli nümayəndələrindən biri isə Mingəçevir Şəhər Polis Şöbəsinin rəisi, polis polkovniki Ədalət Əliyevdir. Onun rəhbərliyi altında Mingəçevirin təhlükəsizlik mühiti daha da yaxşılaşmış, cinayətkarlıq səviyyəsi azalmış və şəhər sakinləri daha əmin-amanlıq şəraitində yaşamışlar.

Ədalət Əliyevin Polisdəki Fəaliyyəti və Uğurlu İdarəçilik

Ədalət Əliyev, polis orqanlarında uzun illərdir fəaliyyət göstərir və bu müddət ərzində çoxsaylı çətin və mürəkkəb əməliyyatları yüksək peşəkarlıqla idarə etmişdir. O, Mingəçevir Şəhər Polis Şöbəsinin rəhbəri kimi təyinat aldıqdan sonra, polis idarəçiliyində bir çox müsbət dəyişikliklərə imza atmışdır.

Mingəçevirin təhlükəsizlik sahəsində həyata keçirilən islahatlar, yəni təhlükəsizlik tədbirlərinin gücləndirilməsi, cinayətlərin qarşısının alınması, narkotik maddələrin satışının azaldılması və şəhər sakinlərinin hüquqlarının qorunması sahəsində çox mühüm irəliləyişlər olmuşdur. Ədalət Əliyevin gözəl idarəçilik bacarığı və yüksək əxlaqı sayəsində, şəhər sakinləri yalnız asayişin qorunmasına deyil, eyni zamanda polisə olan güvənlərinin də artdığını bildirirlər.

Cinayətkarlıqla Mübarizədə Yeni Yanaşmalar və Nailiyyətlər

Ədalət Əliyevin cinayətkarlıqla mübarizə sahəsində tətbiq etdiyi yeni yanaşmalar çox böyük əhəmiyyət kəsb edir. O, xüsusilə narkotiklərlə mübarizə sahəsində ciddi tədbirlər həyata keçirmiş və bu istiqamətdə Mingəçevir şəhərində mühüm uğurlar qazanılmışdır. Eyni zamanda, onun rəhbərliyi altında polis əməkdaşları, əhali ilə sıx əməkdaşlıq edir, cəmiyyətin təhlükəsizliyinə dair ənənəvi yanaşmalardan fərqli, günümüzün müasir tələblərinə uyğun strategiyalar tətbiq edirlər.

Ədalət Əliyevin şəxsi təşəbbüsü ilə gənclər arasında narkotiklərin yayılmasının qarşısının alınması üçün maarifləndirmə kampaniyaları təşkil olunmuş, şəhər sakinlərinin hüquqi biliklərinin artırılması məqsədilə müxtəlif təlimlər keçirilmişdir. Bu, yalnız cinayətlərin qarşısını almağa deyil, həm də gənc nəslin sağlam bir şəkildə böyüməsinə və inkişafına xidmət edir.

Polisin İnsanlara Yaxınlaşması və Sosial Məsuliyyət

Ədalət Əliyev, yalnız cinayətkarlığa qarşı mübarizə aparmaqla kifayətlənmir, eyni zamanda polis vətəndaş münasibətlərini gücləndirmək, insanların polisə olan etibarını artırmaq istiqamətində də çox ciddi işlər görür. Mingəçevir Şəhər Polis Şöbəsi, şəhər sakinlərinin müxtəlif müraciətlərini diqqətlə dinləyir, onların hüquqlarını qoruyur və onların sosial məsələləri ilə maraqlanır.

Ədalət müəllim humanizmə əsaslanan yanaşmaları ilə tanınır və işə yanaşmasında hər zaman insanların ehtiyaclarını nəzərə alır. O, polis əməkdaşlarına daimi olaraq təlimlər keçərək, onların peşəkar bacarıqlarını artırır və əhalinin müxtəlif təbəqələri ilə düzgün münasibət qurmağa istiqamətləndirir.

Vətənpərvərlik və İctimai Xidmətə Yönəlmiş Tədbirlər

Ədalət Əliyev, Azərbaycanın suverenliyi və ərazi bütövlüyü uğrunda gedən mübarizələrə böyük hörmətlə yanaşır. O, həmçinin, vətənpərvərlik tədbirləri təşkil edərək, xüsusilə şəhid ailələri və qazilərlə daim əlaqə saxlayır, onlara yardım göstərir. Bu, onun dövlətə və xalqa olan bağlılığının bariz nümunəsidir.

Həmçinin, o, müxtəlif xeyriyyə tədbirlərinin təşkili və polis işçilərinin sosial vəziyyətlərinin yaxşılaşdırılması sahəsində də öz sözünü demişdir. Onun rəhbərliyi altında polis əməkdaşlarının əməyi yüksək qiymətləndirilir, onlara daim yeni imkanlar yaradılır ki, onlar da öz işlərini daha da peşəkar şəkildə həyata keçirə bilsinlər.

Gələcəyə Ümidlə Baxış

Ədalət Əliyevin hədəfi yalnız bu gün deyil, həm də sabahdır. Onun rəhbərlik etdiyi Mingəçevir Şəhər Polis Şöbəsi, təhlükəsizlik sisteminin daha da mükəmməlləşdirilməsi üçün yenilikçi və müasir texnologiyaların tətbiqinə yönəlmiş bir çox layihələr həyata keçirməkdədir. O, gələcəkdə də bu sahədəki təcrübəsini artırmağı və Mingəçevirin daha təhlükəsiz bir şəhər olmasına öz töhfəsini verməyi planlaşdırır.

Nəticə: Vətənin qəhrəmanı – Ədalət Əliyev

Polis polkovniki Ədalət Əliyev, Mingəçevir şəhərindəki asayişin qorunmasında, təhlükəsizliyin təmin olunmasında və vətəndaşların hüquqlarının qorunmasında böyük fəallıq göstərən, səmimi və peşəkar bir şəxsiyyətdir. Onun apardığı hərtərəfli işlər, yalnız bir şəhəri deyil, bütün ölkəni təhlükəsizliyə doğru aparan bir addım olaraq qiymətləndirilir. Ədalət Əliyevin əməyinin qarşılığını yalnız Mingəçevirin sakinləri deyil, ümumilikdə Azərbaycan xalqı yüksək qiymətləndirir.