.

Azərbaycan biznes mühitində bir çox uğurlu sahibkarlar var, lakin elələri də mövcuddur ki, onların adı təkcə iqtisadi göstəricilərlə deyil, eyni zamanda insani keyfiyyətləri ilə yadda qalır. “Sərham” MMC-nin, Bakıxanov Çörək Zavodunun baş direktoru və “Möcüzə Market” şəbəkəsinin sahibi Rasim Nəbiyev məhz belə şəxslərdən biridir. O, yaratdığı müəssisələr vasitəsilə yüzlərlə ailənin dolanışığını təmin etməklə yanaşı, ölkənin istehsal gücünün möhkəmlənməsinə, yerli məhsulların bazarda üstünlük qazanmasına və milli iqtisadiyyatın inkişafına ciddi töhfələr verir. Onun fəaliyyət səviyyəsi bir daha göstərir ki, sahibkarlıq yalnız mənfəət toplamaq yox, həm də dövlətə və xalqa xidmət etmək deməkdir.

Rasim müəllimin rəhbərlik etdiyi müəssisələrdə yüksək təşkilatlanma və dəqiq iş bölgüsü ilə yanaşı, ənənəvi dəyərlərə sadiqlik də ön planda saxlanılır. O, müasir biznes modelini insan amili ilə uzlaşdırmağı bacarmış nadir rəhbərlərdəndir. İşçilərinin ehtiyaclarını, təkliflərini dinləyir, hətta kiçik məsələləri belə diqqətdən kənarda qoymur. Məhz buna görə onunla çalışan hər kəs onu rəhbərdən daha çox dost, qayğıkeş və yolgöstərən kimi qəbul edir. Hər hansı çətinlik yaşandıqda kollektivin ilk üz tutduğu şəxs yenə də Rasim müəllim olur – çünki o, hər problemin həllinə məsuliyyətlə yanaşır və heç kimi tək buraxmır.

“Bakıxanov Çörək Zavodu”nun bu gün minlərlə ailənin süfrəsinə halal və etibarlı məhsul təqdim edə bilməsi, “Möcüzə Market” şəbəkəsinin isə özünü yalnız ticarət mərkəzi kimi deyil, sosial xidmət məkanı kimi təsdiq etməsi, təsadüf deyil – bu, illərlə formalaşmış peşəkar idarəçilik təcrübəsinin və şəxsi fədakarlığın nəticəsidir. Rasim Nəbiyev hər zaman bazarda keyfiyyətin önə çıxmasını istəyib və bunun üçün öz nümunəsini ortaya qoyub: məhsul standardına güzəşt yox, xidmət mədəniyyətinə isə ən yüksək səviyyədə yanaşma!

Onun fəaliyyətinin ən diqqətəlayiq məqamlarından biri də gördüyü yaxşılıqları heç vaxt qabartmamasıdır. Şəhid ailələrinə, qazilərə, əlillərə və ehtiyacı olan ailələrə etdiyi yardımların böyük əksəriyyəti heç bir yerdə işıqlandırılmır – çünki Rasim müəllim üçün yaxşılıq göstərmək reklam vasitəsi deyil, vicdan borcudur. Hətta bəzən insanların problemlərini şəxsən öyrənir, onları evində qəbul edir, dinləyir, dərdinə şərik olur. Elə buna görə də onu tanıyan hər kəs deyir ki, “Rasim müəllimin sahibkarlığı qədər böyük olan başqa bir şey varsa, o da onun ürəyidir.”

Bu gün belə insanlar cəmiyyətin səssiz sütunlarıdır – adları bəzən manşetlərdə görünməsə də, işləri hər gün yüzlərlə insanın həyatına rahatlıq, təhlükəsizlik və ümid bəxş edir. Rasim Nəbiyev haqqında danışarkən onu yalnız bir sahibkar kimi yox, həm də mərhəmət və məsuliyyət simvolu kimi xatırlamaq lazımdır. Azərbaycanın inkişaf edən iqtisadiyyatı üçün bu cür insan faktoru ən güclü kapitaldır.

.