Ağstafa Rayon İcra Hakimiyyətinin başçısının müavini və Sosial-iqtisadi inkişafın təhlili və proqnozlaşdırılması şöbəsinin müdiri İlqar Hacıyev uzun illərdir ki, dövlət idarəçiliyində peşəkarlığı, məsuliyyəti və ardıcıl fəaliyyəti ilə seçilən nüfuzlu rəhbər simalardandır. Onun işi yalnız inzibati qərarların icrası ilə məhdudlaşmır, eyni zamanda rayonun sosial və iqtisadi həyatına dərin baxış, uzaqgörən yanaşma və davamlı inkişaf fəlsəfəsi üzərində qurulub. İlqar Hacıyev öz vəzifəsini xalqın rifahına xidmət kimi qəbul edən, dövlətə və dövlətçiliyə ürəkdən bağlı olan idarəçilərdəndir.

O, sosial-iqtisadi inkişafın təhlili və proqnozlaşdırılması sahəsində apardığı sistemli işlərlə Ağstafanın gələcək inkişaf xəttinin düzgün müəyyənləşdirilməsinə mühüm töhfələr verir. Rayonun potensial imkanlarının dəyərləndirilməsi, mövcud problemlərin elmi və praktiki əsaslarla araşdırılması, perspektiv layihələrin formalaşdırılması onun rəhbərlik etdiyi şöbənin əsas fəaliyyət istiqamətlərindəndir. Bu yanaşma Ağstafada dayanıqlı inkişaf mühitinin yaranmasına, sosial tarazlığın qorunmasına və iqtisadi fəallığın artmasına xidmət edir.

İlqar Hacıyevin idarəçilik üslubunda insan amili hər zaman ön plandadır. O, qəbul etdiyi hər bir qərarın arxasında insanların taleyinin, ailələrin rifahının dayandığını dərindən dərk edir. Məhz buna görə də sosial məsələlərə xüsusi həssaslıqla yanaşır, əhalinin müraciətlərinin diqqətlə dinlənilməsinə və operativ həllinə böyük önəm verir. Onun üçün vəzifə yalnız səlahiyyət deyil, eyni zamanda ağır bir məsuliyyətdir.

Şəhid ailələrinə və qazilərə göstərilən diqqət və qayğı İlqar Hacıyevin fəaliyyətində xüsusi yer tutur. O, Vətən uğrunda canından keçmiş qəhrəmanların ailələrinin daim dövlətin diqqət mərkəzində olmasını özünün mənəvi borcu hesab edir. Qazilərin sosial problemlərinin həlli, onların cəmiyyətə inteqrasiyası, qayğı ilə əhatə olunması istiqamətində görülən işlər onun dövlətçilik düşüncəsinin və vətənpərvər mövqeyinin bariz nümunəsidir.

İlqar Hacıyev üçün vətənpərvərlik sadəcə söz deyil, gündəlik fəaliyyətdə öz əksini tapan dəyərdir. O, Azərbaycanın müstəqilliyini, ərazi bütövlüyünü və dövlət maraqlarını hər şeydən üstün tutur. Dövlət rəmzlərinə, milli dəyərlərə və tarixi yaddaşa olan hörmət onun davranışında, çıxışlarında və qərarlarında aydın şəkildə hiss olunur. Bu mövqe onu həmkarları və ictimaiyyət arasında böyük hörmət sahibi edir.

Cənab Prezident İlham Əliyevin apardığı uğurlu daxili və xarici siyasətə sadiqlik İlqar Hacıyevin fəaliyyətinin əsas ideoloji dayaqlarından biridir. Dövlət başçısının müəyyən etdiyi inkişaf strategiyasının yerlərdə düzgün və səmərəli icrası onun üçün prinsipial məsələdir. O, Prezidentin sosial rifahın yüksəldilməsi, regionların balanslı inkişafı və güclü dövlət quruculuğu ilə bağlı tapşırıqlarını öz işində rəhbər tutur və bu xəttə sədaqətlə xidmət edir.

Onun rəhbər kimi əsas üstünlüklərindən biri də komanda ilə işləmə bacarığıdır. İlqar Hacıyev ətrafında sağlam iş mühiti formalaşdırmağı, əməkdaşların potensialını üzə çıxarmağı bacaran idarəçidir. O, təşəbbüskarlığı dəstəkləyir, məsuliyyətli yanaşmanı qiymətləndirir və hər bir əməkdaşın ümumi məqsədə xidmət etməsinə şərait yaradır. Bu yanaşma şöbənin fəaliyyətində ardıcıllıq və yüksək nəticələr doğurur.

İlqar Hacıyev eyni zamanda sadəliyi və təvazökarlığı ilə seçilir. O, əldə olunan nailiyyətləri şəxsi uğur kimi deyil, kollektiv əməyin və dövlət siyasətinin nəticəsi kimi dəyərləndirir. Xalqla ünsiyyətdə səmimiyyəti, açıq danışığı və ədalətli mövqeyi onun cəmiyyət içində etibarlı sima kimi qəbul olunmasına səbəb olur. Bu keyfiyyətlər onu vəzifədən asılı olmayaraq hörmətli insan kimi tanıdır.

Ağstafanın sosial-iqtisadi mənzərəsinin yaxşılaşdırılması istiqamətində atılan addımlar İlqar Hacıyevin uzaqgörən fəaliyyətinin real nəticələridir. İnfrastrukturun inkişafı, sosial layihələrin dəstəklənməsi, iqtisadi fəallığın təşviqi və əhalinin həyat səviyyəsinin yüksəldilməsi onun əsas məqsədləri sırasında yer alır. O, rayonun bugünkü inkişafını gələcək nəsillər üçün möhkəm təməl kimi görür.

Yeni çağırışlar və yeni hədəflərlə qarşılanan 2026 ili İlqar Hacıyev üçün də yeni imkanlar və daha böyük məsuliyyətlər ili kimi dəyərləndirilir. Bu ildə də onun dövlətə sədaqətlə xidmət edərək Ağstafanın inkişafına, insanların rifahına və ölkəmizin güclənməsinə töhfə verəcəyinə dərin inam var. Ona möhkəm cansağlığı, tükənməz enerji, işində davamlı uğurlar və dövlətçilik yolunda yeni nailiyyətlər arzulayırıq.

Bu gün Kanal7.az saytının və “Məxfi Fikir” qəzetinin təsisçisi və baş redaktoru, peşəkar jurnalist, prinsipial mövqeyi və cəmiyyətə açıq sözü ilə seçilən Ruslan Həsənovun ad günüdür. Bu əlamətdar gün münasibətilə Ruslan Həsənova ölkənin müxtəlif dövlət qurumlarından, ictimai institutlardan, mədəniyyət və media cameəsindən, eləcə də dost-tanışlarından səmimi təbriklər, xoş arzular ünvanlanıb. Onlar Ruslan Həsənovun fəaliyyətini Azərbaycan mediasında dürüstlük, obyektivlik və milli maraqlara sədaqət nümunəsi kimi dəyərləndirərək, ona uzun ömür, möhkəm cansağlığı və yeni yaradıcılıq uğurları arzulayıblar.

Ad günü münasibətilə Ruslan Həsənovu təbrik edənlər arasında Bakı şəhəri Sabunçu Rayon Polis İdarəsinin rəisi Cavid Muradov, Qaradağ Rayon İcra Hakimiyyətinin başçısı Süleyman Mikayılov, Tərtər Rayon İcra Hakimiyyətinin başçısı Müstəqim Məmmədov, Aksizli Mallar üzrə Baş Gömrük İdarəsinin rəisi, general-mayor Vəzir Həsənov, Bibiheybət Ziyarətgahının axundu Hacı Rahib Babayev, Xətai Rayon İcra Hakimiyyətinin başçısı Rafiq Quluyev də yer alır. Təbrik edənlər Ruslan Həsənovun cəmiyyət üçün faydalı media xəttini daim qoruduğunu xüsusi vurğulayıblar.

Eyni zamanda Nərimanov Rayon Mənzil-Kommunal Təsərrüfatı Birliyinin rəisi Manaf Manafov, Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılov, Abşeron Rayon İcra Hakimiyyətinin Memarlıq və Tikinti Şöbəsində böyük məsləhətçi və mühəndis Kənan Babayev, “Qurtuluş-93” Yaşayış Kompleksinin rəhbəri Hacı Məhərrəm Novruzov, Nəsimi Rayon Mənzil-Kommunal Təsərrüfatı Birliyinin rəhbəri Nizami Mayılov, Suraxanı Rayon Mənzil-Kommunal Təsərrüfatı Birliyinin rəisi Mais Məmmədov, Yasamal Bələdiyyəsinin sədri Tahir Məmmədov da öz xoş arzularını çatdırıblar.

Ruslan Həsənovu ad günü münasibətilə həmçinin Hatəm müəllim, Rübabə xanım, Zəmanət müəllim, Arif müəllim, Xeyransa xanım, Məhbubə xanım, Xuraman xanım, Niyaməddin müəllim, Dilşad xanım, Şəfa xanım, Nəriman müəllim, Elşən müəllim, Vəfa xanım, Orxan müəllim, Gövhər xanım, Vidadi müəllim, Kəmalə xanım, İlahə xanım, Fərid müəllim, Çingiz müəllim, Şamil müəllim, Amil müəllim, Mahir müəllim (dostu), Sevil xanım, Cəvahir xanım, Lətifə xanım, Arzu xanım səmimi qəlbdən təbrik ediblər.

Təbriklər sırasında Şəki kafesinin sahibi İlham müəllim, Binəqədi Rayon İcra Hakimiyyətinin başçısı Elxan Allahverdiyev, Ruslan müəllimin xalaları Şövkət, bacıları Cəmilə, Sədaqət, Sahibə, bibisi Nazilə xanım, Elnurə xanım, Adil müəllim, Yana xanım, Şahmar müəllim, Gülşən Cəfərova da yer alıb. Onlar Ruslan Həsənovu ailəsinə və yaxınlarına bağlı, səmimi və etibarlı insan kimi xarakterizə ediblər.

Azərbaycan Dövlət Akademik Rus Dram Teatrının direktoru, Əməkdar mədəniyyət işçisi Ədalət Hacıyev, Hacı Fərəc müəllim, Elşad Abdullayev, 11 saylı Cəzaçəkmə Müəssisəsinin rəisi Şakir Qəniyev, Şəmsəddin Hacıyev, Şamaxı Rayon İcra Hakimiyyətinin başçısı Tahir Məmmədov, Beyləqan Rayon Dövlət Yol Polisi Bölməsinin rəisi, polis mayoru Ruslan Rəhimov, Sabunçu rayonu 307 nömrəli tam orta məktəbin direktoru Nizami Qasımzadə, Əfqan Xudaverdiyev də bu xoş gündə öz təbriklərini əsirgəməyiblər.

Bununla yanaşı, “Sumqayıt Çörək” Açıq Səhmdar Cəmiyyətinin rəhbəri Tofiq Hüseynov, Planet.com.az-ın təsisçisi və baş redaktoru Mehman Eminov, Yenixeber.info.az-ın təsisçisi və baş redaktoru Rauf müəllim də Ruslan Həsənovun media sahəsindəki uğurlarını yüksək qiymətləndirərək, ona yeni zirvələr arzulayıblar.

Bu geniş və səmimi təbriklər bir daha göstərir ki, Ruslan Həsənov təkcə media cameəsində deyil, cəmiyyətin müxtəlif təbəqələrində böyük hörmət və etimad qazanmış bir şəxsiyyətdir. Biz də bu münasibətlə Ruslan Həsənovu ürəkdən təbrik edir, ona sağlamlıq, ailə səadəti, yorulmaz qələm və daim yüksələn uğurlar arzulayırıq.

Prezident İlham Əliyev yanvarın 20-də Davosda “Euronews” televiziyasına müsahibəsində bildirib ki, bu gün Cənubi Qafqaz, həmçinin yeni inkişaf mərhələsinə daxil olur: “Biz beş-altı aydır sülh şəraitində yaşayırıq. Buna öyrəşirik. Öz müstəqillik tariximizdə heç zaman sülh şəraitində yaşamamışıq. Xüsusi hissdir və əlbəttə ki, böyük fürsətdir. Bu gün Azərbaycan ilə Ermənistan arasında münasibətlər artıq əməkdaşlığa çevrilir. Biz Ermənistana gedən yüklərin daşınmasında bütün məhdudiyyətləri götürdük. Bundan əlavə, biz Ermənistanın əsasən asılı olduğu əsas malların, ilkin növbədə, neft məhsullarının həmin ölkəyə təchizatına başlamışıq. Bu vəziyyətdən hamı udur. Beləliklə, düşünürəm ki, Ermənistan və Azərbaycanın, eləcə də vətəndaş cəmiyyətinin birgə səyləri ilə biz Qafqazda uzunmüddətli deyil, əbədi sülhə nail olacağıq. Məqsədimiz budur”.

Prezident İlham Əliyev müsahibə zamanı qlobal siyasi və iqtisadi proseslərin hazırkı mərhələdə ciddi dəyişikliklərə məruz qaldığını vurğulayaraq bildirmişdir ki, beynəlxalq münasibətlər yeni bir mərhələyə qədəm qoyur. Bu mərhələdə əvvəlki dövrlərdə əsas götürülən qaydalar və beynəlxalq hüquq mexanizmləri bir çox hallarda effektivliyini itirir, güc faktoru və milli maraqlar daha ön plana çıxır. Dövlət başçımiz qeyd etmişdir ki, belə bir şəraitdə hər bir ölkə öz daxili potensialına, iqtisadi imkanlarına və milli maraqlarına əsaslanan müstəqil siyasət yürütməlidir. Azərbaycan da məhz bu prinsip əsasında fəaliyyət göstərir və heç bir güc mərkəzindən asılı olmayan siyasət aparır.

Prezident İlham Əliyev müsahibəsində sülh və təhlükəsizlik məsələlərinə də xüsusi diqqət yetirmişdir. O bildirmişdir ki, Azərbaycan uzun illər münaqişə və işğal şəraitində yaşamış, bunun ağır sosial və humanitar nəticələrini görmüş bir ölkədir. Məhz buna görə də, bu gün Azərbaycan regionda davamlı sülhün və sabitliyin təmin olunmasında maraqlıdır. Dövlət başçısı vurğulamışdır ki, sülh yalnız siyasi bəyanatlarla deyil, real addımlar, qarşılıqlı etimad və beynəlxalq hüququn əsas prinsiplərinə hörmət əsasında mümkündür. Azərbaycanın 30 il işğal altında qalan torpaqlarını 44 gündə işğaldan azad, BMT Təhlükəsizlik Şurasının qətnamələrini təkbaşına icra etməsi malik olduğu imkanların, ən əsası ədalətə və beynəlxalq hüquqa söykənən siyasətinin  nəticəsidir. Azərbaycan hər zaman dünyaya sülh, təhlükəsizlik, əməkdaşlıq çağırışlarını edib və bunu sözdə deyil, əməldə təsdiqləyir. Yerləşdiyi coğrafi məkana görə ölkələri, xalqları bir araya gətirən, onların birləşduirən körpü rolunu oynayan Azərbaycan, eyni zamanda, qlobal problemlərin həllinə böyük töhfələr verən ölkə kimi tanınır.

Tarixi Zəfərimizdən dərhal sonra ölkəmiz regionda dayanıqlı sülhün və təhlükəsizliyin təmin edilməsi, Ermənistanla münasibətlərdə yeni səhifənin açılması üçün qarşı tərəfə sülh təklifini etdi. Lakin Ermənistan müxtəlif bəhanələrlə sülh müqaviləsinin imzalanmasından yayındı, prosesin uzanması üçün cəhdlər göstərdi. Məlumdur ki, 2023-cü il  sentyabrın 19-da ölkəmiz 10 noyabr 2020-ci il tarixli  üçtərəfli Bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycanın konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başladı. Bir gün ərzində rəşadətli ordumuz qarşıya qoyulan hədəflərə yüksək səviyyədə nail oldu. Azərbaycan istədiyini etdi, bütün şərtlərin qəbuluna nail oldu.

Dövlət başçısı İlham Əliyev sentyabrın 20-də xalqa müraciətində bir daha diqqəti antiterror tədbirlərini şərtləndirən amillərə yönəldərək bildirdi ki, əməliyyatdan bir qədər sonra vasitəçilər tərəfindən müxtəlif qeyri-müəyyən siqnallar gəlməyə başladı və Silahlı Qüvvələrimizin uğurlu irəliləyişi nəticəsində bu siqnallar daha intensiv xarakter almışdır. Sentyabrın 20-si səhər beynəlxalq tərəfdaşların verdiyi məlumat bu oldu ki, qanunsuz silahlı birləşmələr, Ermənistan ordusunun bu birləşmələri artıq bizim şərtlərimizi qəbul etməyə hazırdırlar. Azərbaycan tərəfinin şərtləri bundan ibarət idi ki, Ermənistan ordusunun ərazimizdə qanunsuz məskunlaşmış birləşmələri silahları yerə qoymalı, tərk-silah olunmalı, ərazimizdən tamamilə çıxarılmalıdır və eyni zamanda, bütün silahları və texnikaları təhvil verməlidirlər. Ancaq o təqdirdə Azərbaycan antiterror tədbirlərini dayandıra bilər. Əks-təqdirdə sona qədər gedəcəyimizi bəyan etdik. Şərtlərimiz qəbul edildi. Hətta bir neçə ay ərzində Azərbaycan nümayəndələri ilə görüşdən imtina edən Qarabağda yaşayan erməni icmasının nümayəndələri təklif etdiyimiz yerdə - Yevlax şəhərində görüşməyə hazır olduqlarını bildirdilər və bu görüş baş tutdu. Azərbaycan hər zaman olduğu kimi, öz sözünə sadiq olduğunu lokal antiterror tədbirlərini dayandırmaqla bir daha təsdiqlədi. Tarixi Zəfərimizdən sonra Ermənistana sülh təklifinin edilməsi ölkəmizin humanist siyasətinin tərkib hissəsidir. Hansı ki, mənfur düşmən 30 il torpaqlarımızı işğal altında saxladı, soydaşlarımız qaçqın və məcburi köçkün həyatını yaşadılar, bu torpaqlarda bütün tarixi və dini abidələrimiz dağıdıldı, məscidlərimizdə donuz saxlanıldı, törədilən hərbi təxribatlar nəticəsində nə qədər itkilərimiz oldu. Azərbaycanın sülh müqaviləsinin imzalanması təklifi bunları unutmaq anlamına gəlmir. Yeni dövrün reallıqlarına uyğun olaraq bölgədə dayanıqlı sülhün və təhlükəsizliyin yaradılması mütləqdir.

Prezident İlham Əliyevin Davosda “Euronews”a verdiyi müsahibə həm məzmun, həm də siyasi mesajlar baxımından böyük əhəmiyyət kəsb edir. Azərbaycan qlobal auditoriyaya bir daha nümayiş etdirmişdir ki, ölkə müasir çağırışlara hazırdır, öz milli maraqlarını qətiyyətlə qoruyur və beynəlxalq əməkdaşlığa açıqdır. Dövlətimizin başçısının mesajları Azərbaycanın müstəqil siyasətinin, güclü dövlət modelinin və regional sabitliyə verdiyi töhfənin bariz ifadəsi kimi tarixə düşdü.

Yanvarın 19-da Azərbaycan Respublikasının Prezidenti İlham Əliyevin dünyanın ən mötəbər iqtisadi və siyasi platformalarından olan Davos Dünya İqtisadi Forumunda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirakı postmünaqişə dövründə ölkənin regional və qlobal gündəmdə tutduğu yeni mövqenin parlaq təzahürüdür. Forum çərçivəsində dövlətimizin başçısı bir çox ikitərəfli, eləcə də müxtəlif ölkələri təmsil edən biznes nümayəndələri ilə görüşlər keçirib, panel iclaslarda iştirak edib. Bütün görüş və çıxışlarda Azərbaycanın Avrasiya məkanı üçün mühüm əhəmiyyətinin vurğulanması bir daha sübut edir ki, Prezident İlham Əliyevin Davos Dünya İqtisadi Forumunda iştirakı bu dəfə də Azərbaycanın beynəlxalq mövqeyinin möhkəmləndirilməsi baxımından geosiyasi və geoiqtisadi cəhətdən böyük əhəmiyyət daşıyır.

Enerji amili müasir dünyada dövlətlərin iqtisadi inkişafını, siyasi nüfuzunu və beynəlxalq münasibətlərdəki mövqeyini müəyyən edən əsas faktorlardan biri hesab olunur. Bu baxımdan Azərbaycan enerji resurslarını yalnız iqtisadi gəlir mənbəyi kimi deyil, həm də strateji xarici siyasət aləti kimi uğurla istifadə edən ölkələrdəndir.

Azərbaycan Respublikasının Prezidenti İlham Əliyev yanvarın 20-də Davosda “Euronews” televiziyasına müsahibə verib. Dövlət başçısı bu müsahibə vasitəsilə Azərbaycanın artan beynəlxalq nüfuzunu, gücünü və strateji potensialını qlobal auditoriyaya yüksək peşəkarlıqla, aydın və dəqiq mesajlarla çatdırır.  Ölkə Başçısı müsahibəsində vurğulayıb: “Azərbaycan Cənubi Qafqazın enerji ehtiyatlarına məxsus və onları Cənubi Qafqazın digər ölkələrinə ixrac edən yeganə ölkədir. Bölgənin digər ölkələri - uzun illər Gürcüstan, indi isə artıq Ermənistan enerji ehtiyatlarını Azərbaycandan idxal edir. Avropa və Avropa İttifaqı ilə isə bizim enerji əməkdaşlığımız artmaqdadır. Biz artıq 16 ölkəyə təbii qaz ixrac edirik və onların 10-u Avropa İttifaqının üzvüdür. Boru kəməri qazı ilə coğrafi əhatəsinə görə Azərbaycan dünyada birinci yerdədir.”

Ərazi bütövlüyümüzün və suverenliyin bərpa olunmasından sonra Azərbaycanda formalaşan təhlükəsizlik mühiti, strateji sabitlik Prezident İlham Əliyevin çıxışında iqtisadi inkişaf üçün fundamental baza kimi təqdim olundu. Enerji əməkdaşlığı Avropa ölkələri üçün enerji təhlükəsizliyinin möhkəmləndirilməsi, tədarük marşrutlarının diversifikasiyası və siyasi risklərin azaldılması baxımından mühüm əhəmiyyət daşıyır. Dövlətimizin başçısının qeyd etdiyi kimi: “Biz təbii resurslara, nəqliyyat sisteminə və müasir boru kəmərlərinə malikik. Bizim bir çox Avropa ölkəsi ilə yaxşı münasibətlərimiz var və bu, onlar üçün öz enerji təhlükəsizliyini gücləndirmək imkanıdır. Bizim üçün isə bu, premium bazarda ehtiyatlarımızı satmaq fürsətidir. Baxmayaraq ki, biz qazı təkcə Avropaya satmırıq, bu yaxınlarda Suriyaya da ixrac etməyə başlamışıq. Ancaq qiymət baxımından ən yaxşı bazar, əlbəttə ki, Avropa bazarıdır.”

Bu gün Azərbaycan Xəzər dənizi hövzəsində yerləşən zəngin karbohidrogen ehtiyatlarına malikdir. Ölkənin neft və qaz potensialının əsasını “Azəri–Çıraq–Günəşli” neft yataqları və “Şahdəniz” qaz-kondensat yatağı təşkil edir. “Azəri–Çıraq–Günəşli” yataqlar bloku onilliklər ərzində Azərbaycanın neft ixracında aparıcı rol oynamış, dövlət büdcəsinə milyardlarla dollar gəlir gətirmişdir. “Şahdəniz” yatağı isə dünyanın ən iri qaz yataqlarından biri hesab olunur. Bu yatağın ehtiyatları təxminən 1,2 trilyon kubmetr təbii qaz və 240 milyon ton kondensat həcmində qiymətləndirilir. Məhz bu ehtiyatlar Azərbaycanın uzunmüddətli qaz ixracı strategiyasının əsasını təşkil edir və ölkəyə onilliklər ərzində sabit təchizatçı kimi çıxış etmək imkanı yaradır.

Əminliklə deyə bilərik ki, Azərbaycan Cənubi Qafqazın enerji təhlükəsizliyinin əsas dayağı olmaqla yanaşı, Avropanın etibarlı və strateji enerji tərəfdaşı kimi çıxış edir. Zəngin təbii ehtiyatlar, müasir boru kəməri infrastrukturu, balanslaşdırılmış xarici siyasət və düşünülmüş enerji strategiyası ölkənin regional və qlobal əhəmiyyətini daha da artırır.

Davos Dünya İqtisadi Forumunun sayca 56-cı toplantısı mühüm məqamları ilə hazırda ölkə və dünya mətbuatında geniş müzakirə edilir. Nəzərə alsaq ki, Davos Forumu dünyanın müxtəlif ölkələrindən dövlət rəsmilərinin, böyük şirkətlərin rəhbərlərinin, biznes sektorunun aparıcı nümayəndələrinin təmsil olunduğu qlobal forumdur, bu halda onun əhəmiyyəti özünü daha aydın şəkildə nəzərə çarpır. Builki Forumda 130-dan artıq ölkədən 3000 nümayəndə iştirak edir. Tədbirə 65 dövlət və hökumət başçısı daxil olmaqla 400 siyasi lider, 850-dən çox iri şirkət rəhbəri, eləcə də qabaqcıl texnologiya sahəsində fəaliyyət göstərən nüfuzlu liderlər qatılıb. Hər il iştirakçıların say tərkibində nəzərə çarpan artım Forumun əhəmiyyətini, müzakirəyə çıxarılan mövzuların aktuallığını bir daha nümayiş etdirir. Dövlət başçısı İlham Əliyevin 2007-ci ildən başlayaraq bu tədbirdə mütəmadi iştirakı Azərbaycanın möhkəmlənən mövqeyinin təqdimatıdır. Bu reallığı da böyük qürur hissi ilə qeyd edirik ki, tarixi Zəfərimiz, suverenliyimizin tam bərpası Azərbaycanın beynəlxalq münasibətlər sistemində rolunu, söz sahibliyini daha da artırıb. Yeni reallıqlar həm regionda, həm də dünya siyasətində yenilikləri şərtləndirdi. Bu gün yeni dünya nizamının formalaşdığı bir zamanda Azərbaycanın hər bir məsələ ilə bağlı mövqeyinə, yanaşmasına verilən önəm diqqətdən kənarda qalmır. Azərbaycanın açıq, çoxşaxəli xarici siyasəti yeni dostlar, tərəfdaşlar qazanmasında əhəmiyyətli rol oynayır. 56-cı Dünya İqtisadi Forumu çərçivəsində keçirilən görüşlərdə, panel iclaslarda da əsas çağırışlardan biri məhz əməkdaşlıq və onun coğrafiyasının genişləndirlməsini şərtləndirən amillər oldu.

Cənab İlham Əliyev Forum çərçivəsində “Euronews” televiziyasına müsahibəsində də bildirdi ki, hər ölkə öz strategiya və siyasətini özünün potensialına uyğunlaşdırmalıdır, o cümlədən mümkün qədər çox ölkələrlə, ilk növbədə öz bölgəsində, sonra isə qlobal müstəvidə yaxşı münasibətlər qurmalıdır. Azərbaycan məhz buna nail oldu.

Dövlətimizin başçısı əməkdaşlıqda əsas faktorlardan biri olan enerji sektorunda qazandığımız uğurlara da diqqəti yönəltdi. Vurğuladı ki, Azərbaycan Cənubi Qafqazın enerji ehtiyatlarına məxsus və digər ölkələrə neft və qaz ixrac edən yeganə ölkədir. Bölgənin digər ölkələri - uzun illər Gürcüstan, indi isə artıq Ermənistan enerji ehtiyatlarını Azərbaycandan idxal edir. Avropa və Avropa İttifaqı ilə isə enerji əməkdaşlığımız artmaqdadır. Artıq 16 ölkəyə təbii qaz ixrac edirik və onların 10-u Avropa İttifaqının üzvüdür. Boru kəməri qazı ilə coğrafi əhatəsinə görə Azərbaycan dünyada birinci yerdədir. Azərbaycan təbii resurslara, nəqliyyat sisteminə və müasir boru kəmərlərinə malikdir.  Bir çox Avropa ölkəsi ilə yaxşı münasibətlərimiz var və bu, onlar üçün öz enerji təhlükəsizliyini gücləndirmək imkanıdır. Azərbaycan üçün isə bu, premium bazarda ehtiyatlarımızı satmaq fürsətidir. Baxmayaraq ki, qazı təkcə Avropaya satmırıq, bu yaxınlarda Suriyaya da ixrac etməyə başlamışıq. Ancaq qiymət baxımından ən yaxşı bazar, əlbəttə ki, Avropa bazarıdır.

Müasir müstəqil Azərbaycan dövlətinin qurucusu, Ulu Öndər Heydər Əliyev dünyaya “Əsrin müqaviləsi” kimi səs salan, tariximizə yazılan neft sazişinin imzalanmasından öncə dünya praktikasına əsasən bu reallığı diqqətə çatdırmışdır ki, heç bir ölkə səylər birləşdirilmədən, təcrübə mübadiləsi aparılmadan təkbaşına iqtisadi tərəqqiyə nail ola bilməz.

Bu gün əməkdaşlığın regional çərçivədən çıxaraq beynəlxalq səviyyəyə yüksəlməsindən bəhs edirik. Çoxlarına əfsanə kimi görünən, Azərbaycanı regional inkişafın aparıcı qüvvəsinə çevirən Bakı-Tbilisi-Ceyhan neft və Bakı-Tbilisi-Ərzurum qaz kəmərlərinin sırasına daxil olan Cənub Qaz Dəhlizi beynəlxalq əməkdaşlığın başlanğıcı kimi dəyərləndirildi. Bu gün artıq Azərbaycan yalnız neft deyil, qaz, elektrik enerjisi ixracatçısı kimi də tanınır və nüfuz qazanır.

Prezident İlham Əliyevin Davos Forumu çərçivəsində aparıcı şirkətlərin rəhbərləri ilə keçirdiyi görüşlərdə Azərbaycanın dünyanın enerji təhlükəsizliyinin təmin edilməsinə verdiyi töhfələrdən, regional inkişafın aparıcı qüvvəsi kimi nüfuz qazanmasından, investisiya cəbediciliyini qoruyan ölkə kimi tanınmasından və sair kimi uğurlarımızdan geniş bəhs etdi. Bu məqam xüsusi qeyd edildi ki, sabitlik ölkələrin tərəqqisində əhəmiyyətli rol oynayır. 

Prezident İlham Əliyevin Zayed İnsan Qardaşlığı Mükafatına layiq görülməsi müasir dövrdə sülh, dialoq və humanitar dəyərlərə əsaslanan dövlət siyasətinin beynəlxalq miqyasda yüksək qiymətləndirilməsinin bariz nümunəsidir. Bu hadisə yalnız bir liderin fəaliyyətinə verilən dəyər deyil, eyni zamanda Azərbaycanın son illərdə seçdiyi siyasi kursun, regional və qlobal yanaşmasının təsdiqidir.Zayed İnsan Qardaşlığı Mükafatı dünyada insanları ayıran deyil, birləşdirən dəyərlərin təşviqini əsas məqsəd kimi qarşıya qoyur. Mükafatın ideoloji mahiyyəti qarşıdurma və zorakılıq fonunda dialoqun, qarşılıqlı anlayışın və əməkdaşlığın vacibliyini ön plana çıxarır. Bu baxımdan Prezident İlham Əliyevin bu mükafata layiq görülməsi Azərbaycanın beynəlxalq münasibətlərdə sərgilədiyi məsuliyyətli və balanslı mövqeyin göstəricisi kimi qiymətləndirilir.

Azərbaycan tarixən mədəniyyətlərin, dinlərin və xalqların qovuşduğu bir coğrafiya olub. Bu müxtəliflik əsrlər boyu qarşılıqlı hörmət və birgəyaşayış prinsipləri əsasında formalaşıb. Müstəqillik dövründə bu ənənələr dövlət siyasətinin ayrılmaz hissəsinə çevrilib. Multikulturalizm və dini tolerantlıq Azərbaycanda formal anlayış deyil, real ictimai münasibətlərin əsasını təşkil edir. Fərqli dini icmaların sərbəst fəaliyyəti, mədəni irsin qorunması və təşviqi bu siyasətin praktiki nəticələrindəndir.

Region uzun illər münaqişələr, gərginliklər və humanitar böhranlarla yadda qalıb. Bu proseslər təkcə dövlətlərarası münasibətlərə deyil, milyonlarla insanın taleyinə birbaşa təsir göstərib. Azərbaycan bu mürəkkəb şəraitdə sülhün alternativsiz olduğunu dəfələrlə bəyan edib və praktiki addımlarla bu mövqeyini nümayiş etdirib. Qarşıdurmadan əməkdaşlığa keçid, dialoqa əsaslanan yanaşma və gələcəyə yönəlmiş siyasət regional sabitlik üçün yeni imkanlar yaradıb. Prezident İlham Əliyevin rəhbərliyi ilə formalaşan siyasi xətt sülhü yalnız münaqişənin olmaması kimi deyil, davamlı inkişaf, təhlükəsizlik və sosial rifah üçün əsas şərt kimi dəyərləndirir. Bu yanaşma göstərir ki, real sülh yalnız razılaşmalarla deyil, qarşılıqlı etimadın formalaşması və humanitar dəyərlərin möhkəmləndirilməsi ilə sıx bağlıdır.

Zayed İnsan Qardaşlığı Mükafatının təqdim edilməsi həm də müasir dünyada liderliyin mahiyyəti ilə bağlı mühüm mesaj verir. Bu mesaj ondan ibarətdir ki, beynəlxalq nüfuz yalnız iqtisadi və ya siyasi güclə deyil, eyni zamanda insan həyatına, sülhə və humanizmə verilən dəyərlə ölçülür. Humanitar məsuliyyət, dialoqa açıqlıq və əməkdaşlığa hazır olmaq müasir liderliyin əsas göstəricilərindən biridir.Bu mükafat Azərbaycan üçün qürur mənbəyi olmaqla yanaşı, eyni zamanda ciddi məsuliyyətdir. Bu mükafat, ölkənin bundan sonra da regionda və beynəlxalq arenada sülh təşəbbüslərini dəstəkləmək, humanitar əməkdaşlığı genişləndirmək və insan qardaşlığı ideyalarını təşviq etmək istiqamətində fəaliyyətini davam etdirəcəyini göstərir.

Prezident İlham Əliyevin Zayed İnsan Qardaşlığı Mükafatına layiq görülməsi bir daha təsdiqləyir ki, sülhə əsaslanan siyasət beynəlxalq ictimaiyyət tərəfindən qəbul olunur və dəyərləndirilir. Bu hadisə Azərbaycanın humanitar dəyərlər üzərində qurulan inkişaf yolunun düzgün və perspektivli olduğunu nümayiş etdirir və gələcək nəsillər üçün mühüm mesaj daşıyır.

Müasir beynəlxalq münasibətlər sistemində sözün çəkisi azalmayıb, əksinə, doğru zamanda deyilən söz dövlətlərin gələcək trayektoriyasını müəyyən edir. Davosda Dünya İqtisadi Forumu çərçivəsində Azərbaycan Respublikasının Prezidenti İlham Əliyevin “Euronews” televiziyasına verdiyi müsahibə də məhz bu baxımdan diqqət mərkəzindədir. Bu çıxış qlobal xaos şəraitində Azərbaycanın siyasi düşüncəsini, davranış modelini və strateji prioritetlərini açıq şəkildə ortaya qoyur. Prezident İlham Əliyevin müsahibədə səsləndirdiyi əsas tezislərdən biri beynəlxalq hüququn faktiki olaraq selektiv alətə çevrilməsi ilə bağlı idi. Dövlət başçısı reallığı gizlətmədən ifadə etdi: “Artıq beynəlxalq hüquq normaları dünya ictimaiyyətinin bütün üzvləri üçün mütləq görünmür.” Bu fikir diplomatik ritorikadan daha çox, qlobal sistemin diaqnozudur. Güc mərkəzlərinin maraqları ilə hüququn prinsipləri arasında yaranmış uçurum bu gün bir çox regionda münaqişələrin əsas səbəbinə çevrilib.

Prezident İlham Əliyevin vurğuladığı kimi, belə bir şəraitdə hər bir dövlət öz siyasətini real potensialına uyğun qurmalıdır: “Hər ölkə öz strategiya və siyasətini özünün potensialına uyğunlaşdırmalıdır.” Azərbaycan məhz bu prinsipə söykənərək həm suverenliyini, həm də milli maraqlarını qorumağı bacarıb. Azərbaycanın son illərdə əldə etdiyi nailiyyətlərin əsas xüsusiyyəti ondan ibarətdir ki, bu proses beynəlxalq hüquq çərçivəsindən kənara çıxmadan baş verib. Cənab Prezident İlham Əliyev bunu açıq şəkildə bəyan etdi: “Gördüyümüz hər bir iş beynəlxalq hüquqa və ümumi dəyərlərə uyğun idi.” Bu mövqe Azərbaycanın yalnız qalib dövlət deyil, həm də məsuliyyətli aktor olduğunu göstərir. Suverenliyin və ərazi bütövlüyünün bərpası beynəlxalq sistemin öz prinsiplərinə uyğun şəkildə reallaşıb və bu fakt artıq dünya miqyasında qəbul olunur.

Müsahibənin mühüm hissəsi Cənubi Qafqazda formalaşan yeni siyasi reallıqlara həsr olundu. Prezident İlham Əliyevin “Zayed İnsan Qardaşlığı Mükafatı”na layiq görülməsi də təsadüfi deyil. Bu mükafat regionda sülhün bərqərar olunmasına verilən beynəlxalq qiymətdir: “Mən bu qərarı Qafqazda sülhün qurulmasında səylərimizə verilən qiymət kimi qəbul edirəm.” Dövlət başçısının sözlərinə görə, Azərbaycan tarixində ilk dəfə olaraq uzunmüddətli sülh şəraitinə daxil olur. Ermənistanla münasibətlərin əməkdaşlıq müstəvisinə keçməsi təkcə siyasi bəyanat deyil, real addımlarla müşayiət olunur: “Biz Ermənistana gedən yüklərin daşınmasında bütün məhdudiyyətləri aradan qaldırdıq.” Bu fakt regionda düşmənçilik dövrünün başa çatdığını və qarşılıqlı maraqlara əsaslanan yeni mərhələnin başladığını göstərir.

Prezident İlham Əliyev müsahibədə regional təhlükəsizlik məsələlərinə də toxundu. Müharibənin ağır nəticələrini yaşamış ölkə kimi Azərbaycan sülhün alternativsiz olduğunu açıq şəkildə bəyan edir. Davos müsahibəsində Azərbaycanın enerji siyasəti də geniş şəkildə şərh olundu. Prezident İlham Əliyev konkret faktlarla Azərbaycanın qlobal enerji xəritəsindəki yerini göstərdi: “Biz artıq 16 ölkəyə təbii qaz ixrac edirik və onların 10-u Avropa İttifaqının üzvüdür.” Bu göstərici Azərbaycanın Avropanın enerji təhlükəsizliyində etibarlı və uzunmüddətli tərəfdaş olduğunu sübut edir. Müasir infrastruktur, sabit təchizat və etibarlı siyasi kurs Azərbaycanı enerji sahəsində alternativsiz aktorlardan birinə çevirib.

Prezident İlham Əliyevin Avropa Parlamentinin tənqidlərinə münasibəti xüsusi diqqət çəkdi. Dövlət başçısının “Biz artıq buna reaksiya vermirik” ifadəsi diplomatik dillə desək, qəti və prinsipial mövqedir: “Bu, Azərbaycanın müstəqil siyasətini həzm edə bilməyən xüsusi lobbiçilik qruplarının fəaliyyətinin nəticəsidir.” Azərbaycanın Avropa Komissiyası ilə əməkdaşlığı davam etdirməsi, lakin qərəzli mövqelərlə çıxış edən strukturlarla məsafə saxlaması siyasi ləyaqətin ifadəsidir.

Dövlətimizin başçısının Davosdan verdiyi müsahibə bir daha təsdiqlədi ki, qlobal qeyri-müəyyənlik dövründə Azərbaycanın siyasi xətti sabit və ardıcıldır. Bu xətt milli maraqlara, beynəlxalq hüquqa, sülhə və əməkdaşlığa əsaslanır. Davosdan səslənən bu mesajlar göstərir ki, Azərbaycan yeni dünya nizamında hadisələrin müşahidəçisi deyil, proseslərin fəal iştirakçısıdır. Və bu iştirakçılıq regiona sülh, dünyaya isə etibarlı tərəfdaş qazandırır.

Azərbaycan dövləti dünyanın siyasi maraqları ilə əhatələnmiş dövlətlətlərindən biridir. Bu maraq təkcə onun siyasi nüfuzu ilə bağlı deyil, həm də onun tolerantlığı, bəşəriliyi ilə bağlıdır. Belə dövlətlər dünya siyasi sistemində nüfuzlu dövlətlərdən hesab edilir. İkinci Qarabağ müharibəsində tarixi Zəfər qazanması Azərbycanın nüfuzunu da, ona olan etimadı və ehtiramı da yüksəltdi. Bu yüksəliş dövlətlərarası münasibətlər sistemində rəğbətlə əhatələndi.

Azərbaycan Respublikasının Prezidenti İlham Əliyevin yanvarın 20-də Davosda “Euronews” televiziyasına verdiyi müsahibə də bu fikirlərin təsdiqidir. Dövlət başçımız müsahibəsində qeyd etdi ki, istər siyasi inkişafın, istərsə də suverenliyimizin və ərazi bütövlüyümüzün bərpası beynəlxalq hüquqa və ümumi dəyərlərə uyğun olub. “Zayed İnsan Qardaşlığı Mükafatı” kimi nüfuzlu mükafatı almağı böyük şərəf hesab edən Azərbaycan Respublikasının Prezidenti cənab İlham Əliyev dedi: “Bu qərarı otuz ildən artıq müddətdə qan tökülməsindən, münaqişə və müharibələrdən sonra Qafqazda sülhün qurulmasında səylərimizə verilən qiymət kimi qəbul edirəm. Bu gün Cənubi Qafqaz, həmçinin yeni inkişaf mərhələsinə daxil olur. Beş-altı aydır sülh şəraitində yaşayırıq. Buna öyrəşirik. Öz müstəqillik tariximizdə heç zaman sülh şəraitində yaşamamışıq. Xüsusi hissdir və əlbəttə ki, böyük fürsətdir. Bu gün Azərbaycan ilə Ermənistan arasında münasibətlər artıq əməkdaşlığa çevrilir. Ermənistana gedən yüklərin daşınmasında bütün məhdudiyyətləri aradan qaldırdıq. Bundan əlavə, Ermənistanın böyük dərəcədə asılı olduğu əsas malların, ilk növbədə neft məhsullarının həmin ölkəyə təchizatına başlamışıq. Bu vəziyyətdən hamı udur. Beləliklə, düşünürəm ki, Ermənistan və Azərbaycanın, eləcə də vətəndaş cəmiyyətinin birgə səyləri ilə Qafqazda uzunmüddətli deyil, əbədi sülhə nail olacağıq. Məqsədimiz budur”.

Azərbaycan bəşəri dövlət kimi bəşəri niyyətlilərlə, bəşəri niyyəti fəsliyyətinin başlıca istiqaməti bilən beynəlxalq təşkilatlarla həmişə səmimi münasibətləri inkişaf etdirib. Son vaxtlar Avropa Parlamentinin Azərbaycana qərəzli münasibəti dünyanın nizamına pozucu təsir də göstərib. Bu səbəbdən onun Azərbaycana qarşı münasibəti, bu münasibəti əhatələyən tənqidi çıxışları hələ də davam etməkdədir və Azərbaycan daha buna əhəmiyyət vermir: “Bəli, reaksiya verməyi dayandırmışıq. Keçmişdə reaksiya verirdik. Aydındır ki, Azərbaycana qarşı olan bu qərəzli vəziyyət Azərbaycanın müstəqil siyasətini həzm edə bilməyən xüsusi lobbiçilik qruplarının, xüsusi qüvvələrin fəaliyyətinin nəticəsidir. Artıq uzun illərdir ki, Avropa Parlamenti və Avropa Şurasının Parlament Assambleyası ilə istənilən əməkdaşlığı dayandırmışıq. Avropa Komissiyası ilə əməkdaşlıq edirik və bununla kifayətlənirik. Düşünürəm ki, Ermənistanın özünün Azərbaycanla əlaqələri yüksək qiymətləndirdiyi bir vaxtda, heç vaxt etmədiyimizdə, o cümlədən Ermənistana qarşı “təcavüzkar mövqedə” olmağımızda ittiham etməklə Avropa Parlamenti özünü çox qəribə vəziyyətə salır. Ötən ilin avqustunda Ağ Evdə Azərbaycan və Ermənistan arasında sülh müqaviləsi paraflandı. Ümid edirəm ki, Avropa Parlamentinin üzvləri özlərində cəsarət taparaq Azərbaycana qarşı ədalətsiz mövqelərini yenidən nəzərdən keçirəcəklər”.

Azərbaycanın ərazi bütövlüyü tam bərpa olundu. İndi sərhədlərimiz tam ciddiyəti ilə qorunur, qorunacaq da. Bu, dövlətçilik qanunudur. Dövlət, dövlətin sərhədləri həmişə ehtimali həmlələrlə əhatələnir. Həmin səbəbdən potensial risklər də mövcuddur. Azərbaycanda daxili risklər mövcud deyil.

Prezident İlham Əliyevin yanvarın 20-də Davosda “Euronews” televiziyasına verdiyi müsahibə Azərbaycan gerçəkliklərinin bir hissəsini əhatə etməklə tarixləşdi. Bu gerçəklik də dünya ictimaiyyətinin Azərbaycana daha səmimi ehtiramı ilə nəticələnəcəkdir.

Ziyəddin Quliyev ölkənin enerji sistemində məsuliyyət, peşəkarlıq və strateji düşüncə anlayışlarını öz şəxsiyyətində birləşdirən rəhbər simalardandır. “Azərenerji” Açıq Səhmdar Cəmiyyətinin vitse-prezidenti kimi onun fəaliyyəti təkcə texniki idarəçiliklə məhdudlaşmır, həm də milli maraqlara söykənən geniş baxışın, dövlətə xidmət fəlsəfəsinin təzahürüdür. O, enerji sektorunun dayanıqlığını qorumağı, sistemli yenilənməni və etibarlı təchizatı dövlətçilik borcu kimi qəbul edən rəhbərlərdən biridir.

Onun rəhbərlik etdiyi sahələrdə ardıcıl islahatlar, səmərəli idarəetmə yanaşması və institusional intizam diqqət mərkəzində olub. Enerji təhlükəsizliyi kimi strateji əhəmiyyət daşıyan bir sahədə qərarların məsuliyyətlə verilməsi, risklərin qabaqcadan qiymətləndirilməsi və uzunmüddətli planlamanın aparılması Ziyəddin Quliyevin idarəçilik üslubunun əsas xəttini təşkil edir. Bu yanaşma ölkənin ümumi iqtisadi sabitliyinə mühüm töhfə verir.

Ziyəddin Quliyev üçün vəzifə anlayışı sadəcə inzibati status deyil, xalqın rifahına xidmət edən bir missiyadır. O, energetika sahəsində çalışan kollektivlərlə ünsiyyətdə açıq, prinsipial və tələbkar mövqe nümayiş etdirir, eyni zamanda əməkdaşların sosial rifahını və peşəkar inkişafını daim diqqətdə saxlayır. Bu balanslı münasibət iş mühitində məsuliyyət hissini və komanda ruhunu gücləndirir.

Vətənpərvərlik onun fəaliyyətində sözlə deyil, əməllə ifadə olunur. Dövlətin strateji maraqlarının qorunması, milli enerji siyasətinin uğurla icrası və ölkənin beynəlxalq enerji xəritəsində mövqeyinin möhkəmlənməsi üçün göstərdiyi səylər bunun bariz nümunəsidir. O, Azərbaycanın müstəqil enerji yolunun davamlılığını təmin etməyi ən ali vəzifə hesab edir.

Şəhid ailələrinə və qazilərə göstərilən diqqət və qayğı Ziyəddin Quliyevin ictimai mövqeyində xüsusi yer tutur. O, bu ailələrin problemlərinə biganə qalmır, onların sosial dəstəklə təmin olunmasını mənəvi borc kimi qəbul edir. Dövlətin bu istiqamətdə həyata keçirdiyi humanist siyasətin icrasında rəhbər vəzifə daşıyan şəxs kimi həmişə həssaslıq nümayiş etdirir və bu dəyərləri kollektivinə də aşılayır.

Ziyəddin Quliyev cənab İlham Əliyevin müəyyən etdiyi inkişaf strategiyasına sadiqliyi ilə seçilən dövlət məmurlarındandır. Prezidentin enerji təhlükəsizliyi, iqtisadi müstəqillik və milli maraqların qorunması ilə bağlı xəttini öz fəaliyyətində ardıcıl şəkildə rəhbər tutur. Bu sadiqlik onun qərarlarında, mövqeyində və idarəçilik prinsiplərində açıq şəkildə hiss olunur.

Enerji sektorunda texnoloji yeniliklərin tətbiqi, modern idarəetmə mexanizmlərinin qurulması və dayanıqlı inkişaf anlayışının dərinləşdirilməsi Ziyəddin Quliyevin diqqət mərkəzində olan əsas istiqamətlərdəndir. O, gələcəyi düşünən, bugünkü qərarları sabahın tələblərinə uyğunlaşdıran rəhbər kimi tanınır və bu yanaşma sektorun davamlı inkişafına real zəmin yaradır.

Onun fəaliyyətində dövlətçiliyə bağlılıq yalnız rəsmi çərçivələrlə məhdudlaşmır. Milli maraqlara hörmət, dövlət institutlarına etimad və cəmiyyət qarşısında məsuliyyət hissi onun şəxsi mövqeyinin ayrılmaz hissəsidir. Bu dəyərlər Ziyəddin Quliyevi təkcə uğurlu menecer deyil, eyni zamanda nümunəvi dövlət xadimi kimi təqdim edir.

İdarəçilikdə şəffaflıq, prinsipiallıq və ədalət anlayışları onun üçün dəyişməz meyarlardır. Enerji kimi həssas bir sahədə bu keyfiyyətlərin qorunması həm ictimai etimadı möhkəmləndirir, həm də uzunmüddətli sabitliyin əsasını qoyur. Ziyəddin Quliyev bu etimadı əməli fəaliyyəti ilə doğruldan rəhbərlər sırasındadır.

Yeni çağırışlar və yeni hədəflərlə qarşılanan 2026 ili üçün Ziyəddin Quliyevə daha böyük uğurlar, möhkəm iradə və davamlı nailiyyətlər arzulamaq yerinə düşər. Dövlətə sədaqət, xalqa xidmət və peşəkarlıq üzərində qurulan bu yolun qarşıdakı dövrdə də ölkənin enerji təhlükəsizliyinə və ümumi inkişafına mühüm töhfələr verəcəyinə inam böyükdür.

Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılov bu gün təkcə bir vəzifə sahibi kimi deyil, eyni zamanda məsuliyyətli idarəçi, qayğıkeş rəhbər və dövlətə sədaqətli bir şəxsiyyət kimi tanınır. Onun fəaliyyəti illərdir ki, rayonun kommunal həyatına sistemli yanaşma, davamlı inkişaf və sosial həssaslıq gətirir. Qaradağın hər küçəsində, hər məhəlləsində görülən işlər onun prinsipial mövqeyinin, planlı düşüncəsinin və işinə olan sevginin real nəticəsidir.

Namizəd İsmayılovun rəhbərliyi dövründə kommunal sahədə nizam-intizamın möhkəmlənməsi, xidmət keyfiyyətinin yüksəlməsi və vətəndaş məmnunluğunun əsas hədəf kimi seçilməsi xüsusi diqqət çəkir. O, bu sahəni sadəcə texniki işlər toplusu kimi deyil, insanların gündəlik həyat rahatlığını təmin edən mühüm bir sosial mexanizm kimi dəyərləndirir. Məhz bu yanaşma Qaradağda kommunal təsərrüfatın daha çevik, daha məsuliyyətli və daha şəffaf idarə olunmasına zəmin yaradıb.

Rəhbər kimi Namizəd İsmayılovun əsas fərqləndirici cəhətlərindən biri kollektivlə münasibətlərindəki səmimilik və tələbkarlığın düzgün balansıdır. O, əməkdaşlarının problemlərinə biganə qalmır, eyni zamanda hər kəsdən işinə vicdanla yanaşmağı tələb edir. Bu yanaşma Birliyin daxilində sağlam iş mühiti formalaşdırıb və görülən işlərin keyfiyyətinə birbaşa müsbət təsir göstərib.

Namizəd İsmayılovun fəaliyyətində sosial məsuliyyət anlayışı xüsusi yer tutur. Şəhid ailələrinə və qazilərə göstərilən diqqət onun üçün formal bir vəzifə deyil, mənəvi borcdur. Onların müraciətlərinə həssas yanaşılması, gündəlik məişət problemlərinin həllində dəstək göstərilməsi və daim diqqətdə saxlanılması onun humanist və vətənpərvər mövqeyinin bariz nümunəsidir. Bu ailələrə göstərilən qayğı Qaradağ ictimaiyyətində böyük hörmətlə qarşılanır.

Vətənpərvərlik Namizəd İsmayılovun xarakterində dərin kök salmış dəyərdir. O, gördüyü hər işi dövlətə xidmət kimi qəbul edir və bu məsuliyyətlə hərəkət edir. Dövlətçiliyin möhkəmləndirilməsi, ictimai sabitliyin qorunması və vətəndaşların rifahına töhfə vermək onun fəaliyyət fəlsəfəsinin əsas xəttini təşkil edir. Bu baxımdan o, hər zaman dövlət maraqlarını şəxsi maraqlardan üstün tutur.

Cənab İlham Əliyevin müəyyən etdiyi inkişaf strategiyasına sadiqlik Namizəd İsmayılovun idarəçilik xəttində açıq şəkildə hiss olunur. Prezidentin sosial rifahın yüksəldilməsi, regionların inkişafı və vətəndaşlara keyfiyyətli xidmət göstərilməsi ilə bağlı tapşırıqları Qaradağda real işlərə çevrilir. Bu sadiqlik onun fəaliyyətində sözlə deyil, əməli nəticələrlə öz təsdiqini tapır.

Namizəd İsmayılovun rəhbərliyi altında görülən işlər yalnız bu gün üçün deyil, gələcək üçün də möhkəm əsaslar yaradır. O, kommunal sahənin davamlı inkişafını düşünərək hər addımı planlı şəkildə atır, uzunmüddətli nəticələri nəzərə alır və Qaradağın sabahını bu gündən qurmağa çalışır. Bu yanaşma onu sıradan bir idarəçi deyil, strateji düşünən rəhbər kimi təqdim edir.

İnsanlarla birbaşa ünsiyyət, vətəndaşların fikirlərinə açıq olmaq və problemləri yerində dinləmək Namizəd İsmayılovun iş üslubunun ayrılmaz hissəsidir. O, kabinet arxasında qapanan rəhbərlərdən deyil, sahədə olan, vəziyyəti yerində görən və qərarlarını real mənzərəyə əsasən verən idarəçidir. Bu isə Qaradağ sakinlərinin ona olan etimadını daha da gücləndirir.

Onun fəaliyyəti göstərir ki, düzgün idarəçilik yalnız qaydalarla deyil, həm də vicdan, məsuliyyət və vətəndaşa hörmətlə ölçülür. Namizəd İsmayılov məhz bu keyfiyyətləri ilə seçilir və Qaradağ Rayon Mənzil-Kommunal Təsərrüfatı Birliyinin adını etibarlı xidmət ünvanına çevirir. Bu etibar illərin zəhmətinin və prinsipial mövqeyinin nəticəsidir.

Artıq 2026-cı il başlayıb və bu ilin də Namizəd İsmayılov üçün yeni uğurlar, daha böyük nailiyyətlər və daha geniş xidmət imkanları ilə yadda qalacağına inam böyükdür. Ona möhkəm cansağlığı, yorulmaz enerji və dövlətimizə, xalqımıza xidmət yolunda davamlı uğurlar arzulayırıq. Qaradağda görülən hər faydalı iş onun adını məsuliyyət və etibarla yanaşı çəkilən rəhbərlər sırasında qorumağa davam edəcək.