Hüseyn Əfəndiyev, Yasamal Rayon İcra Hakimiyyəti başçısının birinci müavini kimi uzun illərdir ki, dövlət idarəçiliyində öz peşəkarlığı və yüksək məsuliyyət hissi ilə seçilən nüfuzlu şəxslərdən biridir. O, rəhbər vəzifəsində çalışdığı dövrdə Yasamal rayonunun inkişafına, sosial rifahın yüksəldilməsinə və vətəndaşların problemlərinin həllinə böyük töhfə vermişdir.

İdarəçilik sahəsində dərin bilik və təcrübəyə malik olan Hüseyn Əfəndiyev, Prezident İlham Əliyevin müəyyən etdiyi dövlət siyasətini Yasamal rayonunda uğurla həyata keçirən rəhbər şəxslərdən biridir. Onun fəaliyyəti, rayonun infrastrukturunun yenilənməsi, abadlıq-quruculuq işlərinin genişləndirilməsi və sosial layihələrin icrasına yönəlib.

Hüseyn Əfəndiyev vətəndaşlarla daim sıx təmasda olmaqla, onların problemlərinin operativ həlli üçün əlindən gələni əsirgəmir. Rayon sakinlərinin müraciətlərinə həssaslıqla yanaşır, dövlət qurumları ilə vətəndaşlar arasında körpü rolunu oynayır və onların sosial rifahının yaxşılaşdırılması üçün daima yeni təşəbbüslər irəli sürür.

Onun rəhbərliyi ilə Yasamal rayonunda aparılan abadlıq və quruculuq işləri, yeni yolların, parkların və ictimai məkanların salınması, təhsil və səhiyyə ocaqlarının yenidən qurulması kimi mühüm layihələr uğurla həyata keçirilmişdir. Müasir şəhərsalma prinsiplərinə uyğun həyata keçirilən bu layihələr Yasamal rayonunun Bakı şəhərinin ən gözəl və abad rayonlarından birinə çevrilməsinə səbəb olmuşdur.

Eyni zamanda, Hüseyn Əfəndiyev dövlət başçısının tapşırığına uyğun olaraq şəhid ailələri və qazilərə xüsusi diqqət və qayğı göstərən rəhbər şəxslərdən biridir. Vətən uğrunda canını fəda edən igidlərimizin ailələrinə və qazilərimizə dövlətin qayğısını çatdırmaq, onların sosial problemlərinin həllinə kömək etmək onun fəaliyyətində əsas prioritetlərdən biridir. Bu istiqamətdə dəfələrlə vətəndaş qəbulları keçirərək onların ehtiyaclarını dinləmiş, aidiyyəti qurumlarla birlikdə onların həlli üçün ciddi işlər görmüşdür.

Yasamal rayonunun inkişafında, sosial rifahın yüksəldilməsində, vətəndaşların məmnunluğunun təmin edilməsində və şəhid ailələri ilə qazilərə xüsusi qayğı göstərilməsində mühüm rol oynayan Hüseyn Əfəndiyev, işgüzarlığı, peşəkarlığı və yüksək vətənpərvərlik hissi ilə seçilir. Dövlətə və xalqa xidməti özünün əsas vəzifəsi hesab edən bu dəyərli şəxs, Yasamal rayonunun daha da inkişaf etməsi üçün yorulmadan çalışmaqda davam edir.