Gəncə Şəhər Su İdarəsinin rəhbəri Şöhrəddin Verdiyev - Bu gün doğum gününü qeyd edən Mehriban xanımın ömür yolu Vətənə və xalqa xidmət nümunəsidir

Vətən və xalq naminə fədakarlıq, müasir Azərbaycanın inkişafında, sosial məsələlərin həllində fəallıq, milli-mənəvi dəyərlərə sadiqlik, sərhəd tanımayan xeyirxahlıq, mərhəmət və şəfqət Azərbaycanın birinci xanımı, Birinci vitse-prezident, Heydər Əliyev Fondunun prezidenti Mehriban Əliyevanın həyat fəlsəfəsinin əsas qayəsini təşkil edir. Prezident İlham Əliyevin ömür-gün yoldaşı və ən yaxın silahdaşı olan Mehriban Əliyeva ölkəmizin hərtərəfli tərəqqisi istiqamətində görülən işlərə sanballı töhfələr verir.

Mehriban xanım ictimai-siyasi həyatda, dönməz xarakter alan islahatlar prosesində fəal iştirakı, milli mədəniyyətimizin dünyada tanıdılması istiqamətində yorulmaz fəaliyyəti, vətənpərvərliyi və xeyirxahlığı ilə milyonların sevimlisinə çevrilib. Haqlı olaraq onu Azərbaycan humanizminin simvolu adlandırırlar. Şəhid ailələrinə, qazilərə xüsusi diqqət, valideyn himayəsindən məhrum olmuş uşaqlara göstərdiyi analıq qayğısı bunun bariz nümunələridir. Vətən müharibəsi zamanı ordumuza verdiyi mənəvi dəstək, milli həmrəyliyə xidmət edən çağırışları daim minnətdarlıq duyğuları ilə xatırlanır. Xalqımızın sosial rifahına hesablanan bir çox layihələrin müəllifi olan Mehriban Əliyeva birinci xanım adını şərəflə daşıyır, dünyaya müasir Azərbaycan qadınının qürur doğuran obrazını təqdim edir.

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın ictimai-siyasi fəaliyyətinin əsas məqamlarına nəzər salaq.

Azərbaycan xalqının böyük sevgisini qazanmış Mehriban xanım Müzəffər Ali Baş Komandan İlham Əliyevin ən yaxın silahdaşı kimi bu gün onunla çiyin-çiyinə Qarabağın, Şərqi Zəngəzurun dirçəldilməsində öncüllük edir. Onun Vətən və xalq qarşısında daha bir önəmli xidməti Ulu Öndərin ideyalarının həyata keçirilməsi sahəsində göstərdiyi aramsız səylər və çoxsaylı layihələrdir. Sərhəd tanımayan xeyirxahlığı, nəcibliyi birinci xanım Mehriban Əliyevaya təkcə Azərbaycanda deyil, yaxın və uzaq xaricdə tükənməz məhəbbət qazandırıb. O, həmçinin Azərbaycanda təhsilin, mədəniyyətin, səhiyyənin inkişafı, milli maraqların beynəlxalq aləmdə müdafiəsi, o cümlədən sivilizasiyalararası və mədəniyyətlərarası dialoqun təşviqi istiqamətində yorulmadan çalışır.

Birinci xanım Mehriban Əliyevanın rəhbərliyi ilə 2004-cü ildən fəaliyyətə başlayan Heydər Əliyev Fondu Ümummilli Liderin ideyalarının reallaşdırılmasında, bu dahi insanın zəngin dövlətçilik irsinin bütün dünyada tanıdılması istiqamətində əvəzsiz xidmətlər göstərir. Xalqımızın xeyriyyəçilik ənənələrinin dirçəldilərək daha geniş miqyas alması bilavasitə Heydər Əliyev Fondunun prezidentinin göstərdiyi şəxsi nümunə nəticəsində mümkün olub. Fond Azərbaycan Respublikasının beynəlxalq nüfuzunun artırılması istiqamətində də fəal iştirak edib və edir.

Mehriban xanım, həmçinin beynəlxalq sülh, təhlükəsizlik, mədəniyyətlərarası və dinlərarası dialoq mühitinin formalaşması və möhkəmlənməsi, tarixi mədəni irsin qorunması kimi olduqca vacib məsələlərin həllinə böyük töhfələr verir. Artıq 20 ildir ki, Azərbaycan tarixini və mədəni irsini, ölkəmizlə bağlı həqiqətləri dünya ictimaiyyətinə çatdırmaq üçün yorulmadan fəaliyyət göstərir. Onun səylərinin nəticəsi olaraq İçərişəhər, o cümlədən Şirvanşahlar Sarayı və Qız qalası, Qobustan qayaüstü rəsmləri, Xan Sarayı ilə birgə Şəkinin tarixi mərkəzi, “Xınalıq və Köç yolu mədəni landşaftı”, eyni zamanda, Hirkan meşələri UNESCO-nun Ümumdünya İrs Siyahısına daxil edilib. Həmçinin muğam və aşıq sənətimiz, “Kamança simli musiqi alətinin hazırlanması və ifaçılıq sənəti”, “Dədə Qorqud irsi”, Azərbaycan kəlağayı sənəti Qeyri-Maddi Mədəni İrs üzrə Reprezentativ Siyahıya salınıb. Eyni zamanda, Azərbaycan 2019-cu ilin iyulunda UNESCO-nun Ümumdünya İrs Komitəsinin 43-cü sessiyasına uğurla ev sahibliyi edib.

2017-ci il fevralın 21-də Mehriban Əliyevanın Birinci vitse-prezident vəzifəsinə təyin edilməsi onun Azərbaycan dövlətçiliyinin inkişafı və möhkəmləndirilməsi naminə zəngin və fədakar fəaliyyətinin, habelə yüksək təşkilatçılıq qabiliyyətinin məntiqi nəticəsi kimi qiymətləndirilir. Mehriban xanımın o vaxt dediyi sözlər yada düşür: “Üzərimə düşən məsuliyyət olduqca böyükdür. Mən Prezidentin etimadını doğrultmalıyam və ən başlıcası isə inamı, ümidi olan insanların etimadını doğrultmalıyam”.

Azərbaycanın iqtisadi inkişafı və xalqımızın rifahı naminə milli məqsədlərə nail olmaqla bağlı üzərinə nəcib missiya və öhdəliklər götürən Birinci vitse-prezident Mehriban Əliyeva ötən müddət ərzində bu yüksək və məsul vəzifədə gördüyü işlərlə dövlətimizin başçısının və xalqımızın etimadını layiqincə doğruldur. Gündəlik fəaliyyətində insansevərlik, mərhəmət, qarşılıqlı hörmət, mehribanlıq meyarlarını əsas götürür, fəaliyyətini məhz bu prinsiplər üzərində qurur, milli-mənəvi dəyərləri daim uca tutur. Onun ömür yolu, sözün əsl mənasında, Vətənə və xalqa xidmət nümunəsidir.

Mehriban Əliyevanın fəaliyyətində əhalinin həssas təbəqələrinin, o cümlədən məcburi köçkünlərin, şəhid ailələrinin, qazilərin problemlərinin həlli xüsusi yer tutur. Təsadüfi deyil ki, yeni yüksək vəzifədə keçirdiyi ilk müşavirəni qaçqın və məcburi köçkün ailələrinin həyat şəraitinin yaxşılaşdırılmasına həsr etmişdi. Həmin müşavirədən dərhal sonra müvafiq tədbirlər planı hazırlandı və real işlər başlandı. Qısa müddətdə yüz minlərlə qaçqın və məcburi köçkünün mənzil-məişət şəraiti yaxşılaşdırıldı.

Heydər Əliyev Fondu Vətən müharibəsi zamanı şəhid olan hərbçilərin ailələrini və qazilərimizi də daim diqqətdə saxlayır, onların qayğısına qalır. Fond bu kateqoriyadan olan insanların qayğıları ilə yaxından maraqlanır, onları narahat edən məsələlərin həlli istiqamətində mütəmadi tədbirlər həyata keçirir. Döyüşlərdə yaralanan hərbçilərimiz müalicə və reabilitasiya üçün Türkiyəyə göndərilib, həmçinin sağlamlıqlarını itirmiş bir qrup əsgər və zabit yüksək texnologiyalı protezlərlə təmin edilib.

Torpaqlarımızın azad olunması uğrunda mübarizəyə siyasi-mənəvi dəstək, xalqımızı milli həmrəyliyə səsləyən, şanlı Ordumuzu Qələbəyə ruhlandıran müraciət və çağırışlar, müharıbədən sonra isə dövlətimizin başçısı ilə birlikdə Qarabağa çoxsaylı səfərlər, Şuşada möhtəşəm “Xarıbülbül” Musiqi Festivalının təşkili birinci xanımın xidmətləri sırasında xüsusi yer tutur. Eyni zamanda, Mehriban xanımın təşəbbüsü olan “Uşaq evləri və internat məktəblərinin inkişafı”, “Yeniləşən Azərbaycana yeni məktəb”, “Təhsilə dəstək”, “Məktəbəqədər təhsil müəssisələrinin inkişafı” və digər proqramlar təhsilin inkişafında mühüm rol oynayır. 2005-ci ildən icrasına başlanılan “Yeniləşən Azərbaycana yeni məktəb” proqramı çərçivəsində 100 mindən çox şagirdin təhsil aldığı 500-dən çox məktəb binası inşa olunub və yenidən qurulub. “Uşaq evləri və internat məktəblərinin inkişafı” proqramı çərçivəsində isə 40-dan çox uşaq müəssisəsi əsaslı təmir edilib.

Əhalinin sağlamlığı məsələsi də Mehriban Əliyevanın daim xüsusi diqqət göstərdiyi sahələrdəndir. Onun təşəbbüsü ilə reallaşdırılan “Diabetli uşaqlara ən yüksək qayğı”, “Talassemiyasız həyat naminə”, “Tibb müəssisələrinin yenidən qurulması və inşası” kimi bənzərsiz layihələr, bir çox xeyriyyə aksiyaları böyük rəğbətlə qarşılanır, öz müsbət nəticələrini verir. Bu çərçivədə Bakıda müasir Talassemiya Mərkəzi, Daun Sindromlu Şəxslərin Reabilitasiya Mərkəzi, Xüsusi qayğıya ehtiyacı olan uşaqlar üçün reabilitasiya Mərkəzi, Psixonevroloji Uşaq Mərkəzi və digər səhiyyə ocaqları inşa olunub və ya əsaslı şəkildə yenidən qurulub.

Azərbaycanın birinci xanımının tapşırığına əsasən aztəminatlı ailələri və xüsusi qayğıya ehtiyacı olan şəxsləri daim diqqətdə saxlayan Heydər Əliyev Fondu bu istiqamətdə də mütəmadi olaraq müxtəlif layihələr həyata keçirir. Mehriban xanım Əliyeva özünün xeyriyyəçilik fəaliyyəti ilə gələcək nəsillərə nəcib bir yolun əsas konturlarını göstərir. Artıq ictimai həyatımızda xüsusi yer tutan xeyriyyəçilik institutu müasir dövrün reallıqları və tələblərinə uyğun olaraq inkişaf etməkdə və genişlənməkdədir.

Azərbaycan həqiqətlərinin, mədəniyyətimizin, dövlətçilik ənənələrimizin, tariximizin dünyada təbliği sahəsində Mehriban xanımın təşəbbüsü ilə məqsədyönlü iş aparılır. 2020-ci ilin sentyabrında başlayan Vətən müharibəsinin gedişində Azərbaycanın haqlı mövqeyinin nümayişi, beynəlxalq hüququn norma və prinsiplərini kobud şəkildə pozan düşmənin dinc sakinləri hədəf alan hücumlarının beynəlxalq ictimaiyyətə çatdırılması istiqamətində əməli addımlar atılıb. Mötəbər beynəlxalq qurumlarda, dünyanın müxtəlif ölkələrində sərgilər, mədəniyyət gecələri və digər tədbirlər təşkil olunub. Avropa Parlamentinin mənzil-iqamətgahında, Afinada, Kannda Azərbaycan mədəniyyəti günləri keçirilib, Parisdə Azərbaycan Mədəniyyət Mərkəzi açılıb, dünyanın müxtəlif şəhərlərində görkəmli şəxsiyyətlərimizin abidələri ucaldılıb.

Azərbaycanın böyük uğurla ev sahibliyi etdiyi “Eurovision” beynəlxalq mahnı müsabiqəsi, Formula 1, Birinci Avropa Oyunları, IV İslam Həmrəyliyi Oyunları Mehriban Əliyevanın yüksək təşkilatçılıq bacarığına malik olduğunu üzə çıxardı. Respublikamızda bu mötəbər beynəlxalq tədbirlərin möhtəşəm təşkili hətta inkişaf etmiş ölkələri heyran qoydu. Təsadüfi deyil ki, Mehriban xanım idman aləmində və “Ədalətli oyunlar”ın təbliğində nümunəvi nailiyyətlərinə görə Beynəlxalq Ədalətli Oyunlar Komitəsinin “Xüsusi xidmətlərə görə” medalına layiq görülüb.

Birinci xanımın çoxşaxəli fəaliyyəti təkcə Azərbaycanla məhdudlaşmır, ölkəmizin hüdudlarını aşaraq yaxın və uzaq xaricdə geniş əks-səda doğurur. Onun təşəbbüsü ilə Heydər Əliyev Fondu Vatikanda, Fransa, Pakistan, Bosniya və Herseqovina, Misir, Hindistan və digər ölkələrdə bir sıra önəmli layihələr icra edib.

Mehriban Əliyevanın xoşməramlı fəaliyyəti həm Azərbaycanda, həm də beynəlxalq miqyasda yüksək qiymətləndirilir. Azərbaycanın ən ali dövlət mükafatı olan “Heydər Əliyev” ordeni, eləcə də “Qızıl ürək” beynəlxalq mükafatı, Avropa Olimpiya Komitələrinin Ali ordeni, Fransanın “Şərəf Legionu” ordeni, İtaliyanın “Xidmətlərə görə” Böyük Xaç Kavaleri ordeni, Polşanın “Böyük Komandor Xaçı” ordeni, Rusiyanın “Dostluq” ordeni, UNESCO-nun “Qızıl Motsart” medalı... Bu, Azərbaycanın Birinci vitse-prezidentinin layiq görüldüyü mükafatların heç də tam siyahısı deyil. Mehriban Əliyeva hesab edir ki, ən böyük mükafatı xalqın ona olan sevgisi, inamı və etimadıdır. Onun dediyi kimi, “illər ötdükcə, qarşımıza yeni ideya və planlar çıxdıqca, məqsədlərimiz xaraktercə dəyişir, amma əsas amalımız - Azərbaycan xalqına xidmət etmək amalı dəyişməz olaraq qalır və qalacaqdır”.

Mehriban xanım xalqın sevgisi, etimadı ilə öz ömür kitabını yazmaqda davam edir, onu ildən-ilə yeni parlaq və mənalı səhifələrlə zənginləşdirir.

Baş Dövlət Yol Polisi İdarəsinin Ağsu rayonunda yerləşən 3 saylı rayonlararası qeydiyyat-imtahan və texniki baxış şöbəsinin rəisi Bayram Zeynalov  - “Azərbaycan qadınları xalqımızın adət-ənənələrini, mədəniyyətini, elmini, intellektual potensialını yüksək səviyyədə təmsil etmişlər və bu, indi də belədir. Qadınlar dövlətimizin, dövlətçiliyimizin, müstəqilliyimizin,  bu günümüzün, gələcəyimizin dayağıdır”. Bu sözlər Ulu Öndərimiz Heydər Əliyevə məxsusdur. Dahi şəxsiyyətin bu dəyərli fikri müstəqil Azərbaycanın  həyatında qadınların roluna dövlət səviyyəsində verilən yüksək qiyməti əks etdirir. Azərbaycan Respublikasının Prezidenti İlham Əliyev qadınların cəmiyyətin inkişafındakı rolunu qiymətləndirərək qeyd edir ki, “Tariximizin hər bir dövründə qadınlarımız cəmiyyətin sarsılmaz mənəvi dayağı olmuş, ölkəmizin bugünkü simasının müəyyənləşməsi üçün böyük fədakarlıqlar göstərmişlər.” Həqiqətən də, Azərbaycan qadını bütün tarixi dövrlərdə fəal iştirak edərək, cəmiyyətimizin inkişaf etməsinə öz töhfələrini vermişlər. Bu baxımdan müasir dövrdə ölkəmizin Birinci Xanımı, Heydər Əliyev Fondunun Prezidenti, Respublikanın Birinci vitse-prezidenti Mehriban Əliyeva özünün həm ictimai- siyasi fəaliyyəti, həm də elmi yaradıcılığı ilə Azərbaycan qadınlarına örnəkdir.

Hələ 1995-ci ildə “Azərbaycan Mədəniyyətinin Dostları” Fonduna rəhbərlik edən Mehriban xanım Əliyeva Birinci Qarabağ müharibəsi, daxili siyasi xaos, müstəqilliyin ilk çətin illəri və Azərbaycanın düşmənlərinin intriqaları nəticəsində düşdüyü təcrid  vəziyyətində  mədəniyyətimizin, erməni işğalının, Ermənistanın azərbaycanlılara qarşı edilən soyqırımı bütün dünyaya çatdırır,  beynəlxalq ictimaiyyətin diqqətini Azərbaycana yönəltməyə çalışırdı.  

2005-2017-ci illərdə Milli Məclisin deputatı olmuş Mehriban Əliyevanın Azərbaycanda parlamentarizm ənənələrinin inkişafında mühüm xidmətləri var. Mehriban Əliyeva parlamentin bir çox mühüm qərarlarının: məhkumlara amnistiya, qadın və uşaq hüquqlarının müdafiəsini təmin edən qanunların, milli adət-ənənələrin və ailə prinsiplərinin təşəbbüskarı olub. Onun rəhbəri olduğu parlamentlərarası dostluq qrupları Azərbaycanın beynəlxalq əlaqələrinin inkişafında əvəzsiz rola malikdir.

2016-cı ildə Azərbaycanda referendum keçirilərək  Konstitusiyaya  bir sıra mühüm dəyişikliklər olundu. Bu, ölkədə yeni islahatlarının keçirilməsi istiqamətində atılan mühüm addım idi. Dövrün yeni tələblərinə  uyğun dəyişikliklərin tərkib hissəsi kimi Vitse-prezident institutunun təsis olunması dövlət idarəçiliyi sahəsində növbəti uğurlu mərhələnin  başlanğıcına çevrildi. 2017-ci ildə Heydər Əliyev Fondunun prezidenti, millət vəkili Mehriban xanım Əliyevanın Respublikanın Birinci vitse-prezidenti təyin edilməsi isə sanki  hər bir vətəndaşın seçimi oldu.  Mehriban xanım Yeni Azərbaycan Partiyasının sədr müavini kimi  partiyamızın yeni dövr üçün prioritetlərinin müəyyən edilməsində və fəaliyyət göstərməsində öz layiqli töhfəsini verir.

O, həm vətəndaş, həm dövlət xadim kimi Azərbaycanın ictimai-siyasi həyatında mühüm rol oynayır, ölkəmizin inkişafı üçün səylərini əsirgəmir.  “ Mən Prezidentin etimadını doğrultmalıyam və ən başlıcası isə inamı, ümidi olan insanların etimadını doğrultmalıyam.” -  bu fikirlər Mehriban xanımın həyat fəlsəfəsinin əsasını təşkil edir. Onun bütün layihələrinin mərkəzində - İnsan dayanır.    Minlərlə insana, xüsusi ilə uşaq və qadınlara  sağlamlığını və ümidini qaytarır. Azərbaycan ailəsinin  problemlərini həmişə diqqət mərkəzində saxlayır,  ölkədə ailə, qadın və uşaq problemlərinin həllinə böyük dəstək verir. O, ölkədə gender bərabərsizliyinin, qadınlara qarşı bütün zorakılıqların, ənənəvi ailə dəyərlərinə  zidd olan stereotiplərin aradan qaldırılmasına xüsusi diqqət yetirir. Mehriban xanım eyni zamanda, valideyn qayğısından və himayəsindən məhrum olmuş, eləcə də, sağlamlıq imkanları məhdud uşaqlarla bağlı hər bir problemə həssaslıqla yanaşır, onları qayğı ilə əhatə edir. Onun şəxsi dəstəyi və köməyi nəticəsində reallaşan genişmiqyaslı tədbirlər ana və uşaq ölümünün qarşısının alınması, hemofiliya,  talassemiya və şəkərli diabet xəstəliklərinin azalması istiqamətində  profilaktik və müalicəvi işlərin aparılmasına müsbət təsir göstərir. Bir məsələni də unutmaq olmaz ki, Mehriban xanımın rəhbərlik etdiyi Heydər Əliyev Fondu daha bir stereotipi qırdı.  Fərqli uşaqları- daun sindromlu, Autizm spektr pozuntulu  və digər xüsusi qayğıya ehtiyacı olan uşaqlar üçün mərkəzlər, xüsusi  və qarışıq tipli mərkəzlər açdı. Uzun illər idi ki, belə uşaqlar cəmiyyətdən təcrid olunmuşdu. Ancaq Mehriban xanımın sayəsində  həmin uşaqlar inkişaf edir, bacarıqlar əldə edir, təhsil alır, əylənir- bir sözlə cəmiyyətə inteqrasiya edir. Bu, onların valideynləri və ailələri üçün inanılmazdır. 

Fondun xətti ilə yüzlərlə məktəb, onlarla xəstəxana, uşaq evləri və internat məktəbləri tikilib, minlərlə şəhid ailəsi və müharibə veteranı yeni rahat mənzillərə köçmüşdür.  Mehriban xanımın müstəqil dövlətimizin möhkəmlənməsi yolunda apardığı ideoloji mübarizə öz bəhrəsini verməkdədir.  Heydər Əliyev Fondu, onun prezidenti,  Birinci vitse-prezident  Mehriban Əliyevanın, eləcə də fondun vitse- prezidenti Leyla Əliyevanın Azərbaycanın ən ağrılı problemi olan Qarabağ münaqişəsinin, azərbaycanlılara qarşı edilən genosidin dünyaya yayılmasında və təbliğ olunmasında rolu böyükdür. “Xocalıya Ədalət” kampaniyası çərçivəsində Azərbaycan həqiqətlərinin dünya dövlətləri tərəfindən tanıdılmasında aparılan işlər xüsusi əhəmiyyət daşıyır.  O, Azərbaycanın milli-mənəvi dəyərlərini, mədəniyyətini, ölkəmizin özünəməxsusluğunu dünya arenasında böyük fədakarlıqla, uğurla təbliğ edir. Qədim ənənələrimizlə bağlı olan multikultural dəyərləri, tolerantlığı başqa ölkələrdə əməli işləri ilə nümayiş etdirir.

Azərbaycanın Birinci vitse-prezidenti sivilizasiyaların qlobal dialoquna həqiqətən müstəsna töhfə verir. Mehriban xanım Qərbdə Şərqin qeyri-rəsmi elçisidir. Eyni zamanda, klassik Qərb dəyərlərinin “vətəni” olan Avropanı Asiyada və öz vətənində təmsil edir. Vatikanın tarixində ilk dəfədir ki, müqəddəs xristian abidələrinin bərpasına müsəlman ölkəsində fəaliyyət göstərən bir təşkilat kömək edir. Azərbaycanın özündə Mehriban xanımın  təşəbbüsü ilə katolik və pravoslav kilsələri, sinaqoq, eyni zamanda, məscidlər tikilir və ya əsaslı  bərpa olunur.

Mehriban xanım əsl liderlik keyfiyyətlərinə malikdir. O, humanizmi, mərhəməti güclü siyasi iradə və yüksək  təşkilatçılıq qabiliyyətini birləşdirməyi bacarır. Mehriban xanım düzgün komanda yaratmaq xüsusiyyətinə malikdir. Hər bir  şəxsi dəyərləndirərək  onun bacarığını istiqamətləndirir. Mehriban xanım hər zaman prioritetlərini zamana görə  müəyyənləşdirir,  kiçik komandasının səylərini bu prioritet vəzifələrin həllinə yönəldə bilir. Hazırda erməni işğalından azad edilmiş Qarabağ və Şərqi Zəngəzurda  Prezident İlham Əliyevlə  bərabər Mehriban xanımın da başçılıq etdiyi Böyük Qayıdış Planı həyata keçirilir, bərpa-tikinti işləri, nəhəng quruculuq layihələri həyata keçirilir.  Hamımız bir-birinin ardınca həyəcan və qürur hissi ilə, qısa müddətdə qədim tarixi-dini abidələrin, mədəniyyət mərkəzlərinin, kənd və şəhərlərin dirçəldilməsini izləyirik.

Mehriban xanımın bütün fəaliyyəti Vətənə xidmət nümunəsidir. Onun bütün həyatı bir əsas məqsədə - Azərbaycan xalqının müstəqilliyi, inkişafı və firavanlığına həsr olunub!  

Aksizli Mallar üzrə Baş Gömrük İdarəsinin rəisi, general-mayor Vəzir Həsənov - Yeni tarixi dövrə qədəm qoyan Azərbaycanda dövlət idarəetmə institutunda zamanın tələblərinə uyğun demokratik yenilənmələrin milli qanunvericilik əsasında çoxşaxəli islahatlar xətti həyata keçirilir. Diqqətə yetirək ki, XXI əsrin dəyişən nizamı hər bir dövlətin idarəçilik sistemində dövrə uyğun islahatlar və yenidənqurma mexanizmlərini tələb edir. Bu: dövlət idarəetmə  islahatlar xəttinin sosio-iqtisadi hədəfi - dayanıqlı inkişaf, modern Güclü dövlət: strateji xətti - milli təhlükəsizliyinin qorunması; daxili siyasəti - əhalinin rifahlı cəmiyyətdə yaşamı; xarici siyasət xətti - beynəlxalq qarşılıqlı əməkdaşlıq: məqsədi–Sülh, Dialoq və Həmrəylikdir.

Dünyanın geosiyasi yeni reallıqları zəminində dövlətçilik institutunun strateji-siyasi xəttində ictimai-mədəni-humanitar tələblər də islahat mexanizmində zəruri amildir.Yeni Dövrdə idarəetmə sahəsində müasir tələblərə uyğun inkişaf açan institutsional qurumlarda da yenilənmələrə ehtiyac yaranır. Bu baxımdan Prezidentlik İnstitutunun əsas və mühüm tərkib hissəsi Birinci vitse-prezidentlik təsisatının yaradılması da ölkədə islahatlar mexanizmində önəmli fəaliyyəti ilə dəstəkverici struktur vahidi olaraq Azərbaycanın modernləşməsində əhəmiyyətli islahat xəttidir.

Müasir Azərbaycanda konstitusion əsaslarla ilk dəfə yaradılan Birinci vitse-prezidentlik təsisatı 2017-ci ildən başlayaraq yeni və faydalı bir dövlət siyasi idarəetmə sistemi olaraq ölkədə Xanım Mehriban Əliyevanın rəhbərliyi ilə səmərəli, çevik fəaliyyət aparır.

Xanım Mehriban Əliyevanın bacarıqlı idarəçilik qabiliyyəti, təşkilatçılıq təcrübəsi, xarizmatik xüsusiyyətləri, milliliyi modernliklə vəhdətdə ehtiva etməsi XXI əsr Azərbaycan qadınının ictimai-siyasi-mədəni Rəhbər obrazıdır.

Prezident İlham Əliyev vurğulayır: “Mehriban Əliyeva uzun illərdir ki, ölkənin ictimai-siyasi həyatında, mədəni həyatımızda mühüm və fəal rol oynayır. Mehriban Əliyeva Yeni Azərbaycan Partiyasının Sədr müavinidir”.

Xanım Mehriban Əliyeva vurğulayır ki: “Bütün bu illər ərzində mən öz beynəlxalq fəaliyyətimi nizamlamalı olurdum. İlk növbədə, bu, mənim üçün dünya ictimaiyyətinə Azərbaycanın tarixini, mədəni irsini, bununla yanaşı, Azərbaycanın bugünki siyasi və ictimai gerçəkliklərini çatdırmaq imkanı idi. Müasir Azərbaycanın nə demək olduğunu, onun əhəmiyyətini, siyasi mövqeyini, bu ölkənin potensialını dünya ictimaiyyətinə çatdırmaq lazım idi”. Bu məntiqdə Xanım Mehriban Əliyeva fenomenliyinin fəaliyyət yolu, məqsəd və məramı, həyata keçirdiyi tədbir və təşəbbüslər, gerçəkləşdirdiyi həm ölkə daxili sosio-mədəni layihələr, həm də beynəlxalq ictimai-diplomatik missiyası əks olunur. Mehriban xanım Əliyeva fenomenliyində çoxistiqamətli  sahələrdə apardığı real işlərin əhəmiyyətliliyi ölçüsüzdür.

Mehriban xanım Əliyevanın çoxşaxəli fəaliyyətinin məğzində xalqına, böyük məntiqi xidmət məramı dayanır ki, bu əsasən:

Birincisi, Azərbaycan xalqının fədakar övladının, Dövlət Xadimi Qadın Rəhbərin dövlətin inkişafında istirakı siyasətidir.

İkincisi, Heydər Əliyev Fondunun prezidenti olaraq gerçəkləşdirdiyi fəaliyyət xəttində Ulu öndər Heydər Əliyev siyasi-mədəni məktəbinin mənimsəmə və həyata tətbiqində nümunəvi dərslərdir.

Üçüncüsü, milli dəyərlərin geniş miqyaslı təbliğində yeni məzmunda bu irsi institusionallaşma və mədəni maarifçilik hərəkatı dirçəlir. Bu Yolda Xanım Mehriban Əliyeva Ulu öndər Heydər Əliyevin geniş siyasi-mədəni “güc”fəaliyyətini məktəbləşdiribdir. 

Dördüncüsü, Heydər Əliyev Fondu prezidentinin kreativ və universal mədəniyyətindən irəli gələn vətənkeşlik, torpağa, el-obaya bağlılıq keyfiyyətləri rasional təfəkkürün, ağıllı zəka təzahürünün dövləti idarəetmədə paradiqmal fenomenliyidir.

Mehriban xanım Əliyevanın Ulu öndər Heydər Əliyev siyasi-mədəni Yolunu davam etdirməsi milli adət-ənənələrin qorunması, milli dəyərləri dirçəldilməsi, dünyaya tanıdılması  məntiqinin göstəricisidir.  

Ölkənin Birinci Xanımının mənən zəngin və geniş dünyagörüşlü zəkasının məcmusu, universal intellekti, kübarlıq xüsusiyyəti komponentidir.

Modern Qadın Rəhbər obrazı Mehriban xanım Əliyevanın Azərbaycan milli irsinin təbliğindəki yorulmaz əməyi də Xalq+Dövlət Birliyindən qaynaq alan “mədəni güc”  amilidir.

Bu baxımdan Mehriban xanım Əliyevanın rəhbərliyi ilə Heydər Əliyev Fondu tərəfindən reallaşdırılan çoxşaxəli beynəlxalq layihələrin də daxili sosial siyasi fəaliyyətdə rolu əhəmiyyət daşıyır. Nəzərə yetirək ki, Azərbaycan xalqı Mehriban xanım Əliyevanı bir güvənc, bir ümid, bir etimad göstərdikləri Ali statuslu Rəhbər kimi qəbul edirlər.

Buradaca digər bir önəmli məsələyə də nəzər yetirək. Belə ki, müstəqil Azərbaycanda Birinci Xanım statusu Xanım Mehriban Əliyevanın şəxsində inkişaf etmişdir. Ölkə Prezidentinin sədaqətli həyat yoldaşı və silahdaşı Xanım Mehriban Əliyevanın fenomenliyi respublikanın mədəni-humanitar, ictimai-siyasi, eləcə də beynəlxalq müstəvidə tanınmasında rolu təkzib olunmaz ictimai-diplomatik fəaliyyəti çoxspektrlidir. Bu kontekstdən Xanım Mehriban Əliyevanı Azərbaycan xalqı Birinci Xanım missiyasında - bütün hadisə və proseslərin mərkəzində, öz diqqəti, öz münasibəti, öz vətənsevər humanizmi ilə ölkə vətəndaşlarına olan sayğı və qayğısında görür, həyatlarında hiss edirlər.

Mehriban xanım Əliyeva fenomenliyində əsrlərdən gələn Azərbaycan milli irsini, mədəniyyətini beynəlxalq aləmdə tanıtdırması dövlətçilikdə ictimai-diplomatik “güc” Yoludur.

Vətən müharibəsində Xalq bütün dəstəyi ilə “İrəli Baş Komandan” amallı Milli Orduya dəstək məsləyində, Prezident İlham Əliyev siyasi-diplomatik-informasion savaş meydanında, Mehriban xanım Əliyeva da vətəndaşlara, şəhid ailələrinə, qazilərə diqqət və qayğı cəbhəsinə dəstək olurdu. 44 günlük Vətən müharibəsində məhz Xalqın, Milli Ordunun, Dövlətin bu vəhdətdən irəli gələrək  Azərbaycan Respublikası həm döyüş meydanında, həm də ictimai-mədəni diplomatik güc savaşında da Zəfər qazandı.

Birinci vitse-prezidentin “mədəni-diplomatik güc” sahəsində fəaliyyət məkanı genişdir. Bu: ictimai diplomatiya; yeni xeyriyyəçilik modeli; milli musiqi, muğam, sazın dirçəldilərək təbliği; milli mətbəx və xalçaçılığın dünyada tanıdılması; ölkənin şəhər və rayonlarının, Qarabağın işğaldan azad olan ərazilərinin bərpa - quruculuq işlərində ənənəviliklə modernliyin vəhdətini yaratmaq və s. proseslərdir. Bu mənada idmanın təbliği də Azərbaycanda idman hərəkatının dünyaya tanıdılması da ictimai-diplomatiyadır. Bütün bu yöndəki təşəbbüskarlıq və təşkilatçılıq respublikada dövlətin inkişaf xəttidir. Bakıda Birinci Avropa Oyunları, eləcə də İslam Oyunlarında Təşkilat Komitəsinin sədri Xanım Mehriban Əliyeva idman yarışlarını “mədəni güc“ amili kimi beynəlxalq “Azərbaycan İdman Günü”Bayramına döndərdi. “Azərbaycan İdman Günü” Bayramında qədim tariximizin müasir baxımdan milli çalarlı xüsusiyyətləri əks olunurdu.

Mehriban xanım Əliyevanın çoxşaxəli fəaliyyətinin   formalaşmasında və xalq tərəfindən qəbulunda səmimiliyi, diqqətçiliyi, qayğısevərliyi kimi keyfiyyətlərinin rolu bənzərsizdir. Bu çoxsahəli fəaliyyətin hədəfində Azərbaycanın mədəni inkişafı, bu istiqamətdə ictimai-siyasi məramlı tərəqqi Yolu dayanır.

Mehriban xanım Əliyevanın Birinci vitse-prezident statusu Azərbaycan xalqı tərəfindən məntiqi qərar kimi qəbul olunaraq, ölkə vətəndaşları tərəfindən müsbət dəstək qazandı. Bu dəstək məhz Xanım Mehriban Əliyevanın onilliklər ərzində formalaşan Rəhbər Qadın, Rəhbər Birinci Xanım və sadəliyin bariz nümunəsi olaraq, xalqının Vətənsevər övladı kimi “Sizin Mehriban” imzasında təsdiq olundu. Ölkə vətəndaşları Birinci Xanımı insanların sırasında, öz yaxınlıqlarında görməyə alışmışlar. Bu Mehriban xanım Əliyevanın insanpərvərliyindən, genetik xarakterindən, ziyalılığından və yüksək kübar keyfiyyət-lərindən irəli gələn elit mədəniyyətidir. Məhz bu komponentlər də Xanım Mehriban Əliyevanı xalqının ümid, inam ünvanına və sevimlisinə,“Sizin MEHRİBAN” imzalı etmişdir.

Birinci vitse-prezident Xanım Mehriban Əliyeva vurğulayır ki: “Prezidentin etimadını, ən başlıcası isə mənə inanan, ümid bəsləyən insanların etimadını doğrultmalıyam”.   Bu nöqteyi-nəzərdən də “Cəmiyyətdə Xanım Mehriban Əliyevanın nüfuzu şəksizdir, praktiki olaraq ölkənin bütün ictimai-siyasi fəaliyyətində iştirak edir, idarəetmə fəaliyyətində zəngin təcrübəyə malikdir” – fikri “Rossiya 1” telekanalının aparıcısı D.Kiselyova məxsusdur.

Birinci vitse-prezidentin işğaldan azad edilən torpaqların, Qarabağın yenidən Qurulması və Dirçəldilməsində fəaliyyətinin əsasında onun Xalqa xidmət siyasi fəlsəfəsinin təməli, məhz sevdiyi xalqının xoş gələcəyi, firavan həyat tərzi istəyi, Ulu öndər Heydər Əliyev dərslərinin təcrübəsi dayanır.

Mehriban xanım Əliyeva həm Vətən müharibəsindən öncə, həm də post-müharibə dövründə dünyada Xalqının sülhməramlı elçisi olaraq sabitlik, mədəniyyətlər və dinlərarası dialoq müstəvisində, bərabər dinc yaşamaq, təhlükəsiz, müharibəsiz dünya, insanlığın sivil tərəqqisini dəstəkləyən həmrəyliyin, Sülhün reallaşdırılmasına dair çağırışlarla ölkə Milli Məclisinə müraciət ünvanlayan, beynəlxalq ictimaiyyətə “Sülh, Həmrəylik, Bərabərlik”  ideyaları ilə səslənən Azərbaycanın Ali statuslu Qadın Rəhbəridir.

Mehriban xanım Əliyevanın ictimai-siyasi-diplomatik fəaliyyət Yolunda əsas xüsusiyyət onun bu sahədəki işlərində köklü-əsilli, kübarlığı önəm daşıyır. Qadın siyasətçi obrazı, ictimaiyyətçi, xeyriyyəçi olmaq Mehriban Əliyevanın yumşaq ictimai “mədəni güc” fenomenliyidir. Fenomenliyin əsası şəxsin daxilindən gələn təzahürün davranışı, aristokratizmdir.

Mehriban xanım Əliyeva ictimai “mədəni güc” diplomatiyasının hədəfləri nədir... Bu fikrə Xanım Mehriban Əliyevanın öz məntiqi ilə nəzər yetirək: “Mənim  təsəvvürüm, istəyim sosial problemlərin, əhalinin aztəminatlı təbəqəsinin problemlərinin həllinə diqqəti maksimum cəmləşdirməkdir”. Azərbaycanın Birinci Xanımını xalqına sevdirən sadəliyi, səmimiliyi, insanpərvərliyi, humanist fenomenliyidir.

Mehriban xanım Əliyevanın ölkə sərhədlərindən də uzaqlarda təhsil, sağlamıq, təbii fəlakətlər zamanı yardım və xeyriyyəçilik missiyası, həm Qərb, həm də Şərq məkanı ölkələrini əhatə edir.

Mehriban xanım Əliyevanın təşəbbüs və rəhbərliyi ilə gerçəkləşdirilən humanitar-mədəni aksiyalar məhz bu qəbildən olan fəalliyyət hədəfləridir.

Ölkənin Birinci xanımı Cənubi Qafqazda geniş fəaliyyət dairəsi, xarizma və nüfuzu ilə, İslam ölkələrində mənəvi dəyərlərə hörmət, mədəni irsi yaşatmaq diqqəti ilə, Qərbdə də yüksək intellektli, kübar davranışlı modern və sivil dünyagörüşlü Qadın - Rəhbər, siyasi-ictimai, idarəedici funksiyası ilə, beynəlxalq ictimaiyyət tərəfindən də yüksək dəyərli bir Lider kimi səciyyələndirilir.

Mehriban xanım Əliyevanın istər sabiq Milli Məclisin deputatı, istər YAP sədrinin Birinci müavinədək siyasətdəki fəaliyyəti, ziyalılıq keyfiyyətləri,  Birinci vitse-prezidentlik təsisatında əməli fəaliyyəti yüksək dəyərli Rəhbər idarəçiliyidir. Mehriban xanım Əliyevanın ictimai-siyasi yanaşmasında əsas qayə insana qayğı, diqqətli münasibətdir. Mehriban xanım Əliyeva vurğulayır: “Mənim məqsədim ondan ibarətdir ki, belə deyək, hətta tənqidə ən çox meyl edən təbəqələrin də müəyyən müddətdən sonra tənqid üçün az əsası olsun”. Məhz bu keyfiyyətlər ziyalı – alim – siyasətçi Qadın Rəhbərin fenomenliyidir. 

Mehriban xanım Əliyeva fenomenliyinin əsas mühüm məqamı da müasir Azərbaycan qadınının siyasi-ictimai-diplomatik obrazının məhz öz fəaliyyəti ilə təqdimidir.

Mehriban xanım Əliyevanın Azərbaycanın və dünyanın çoxsaylı nüfuzlu adları və mükafatları ilə təltif olunması çoxşaxəli fəaliyyətinəverilən qiymətin siyasi fəlsəfəsidir. Təbii ki, bu mükafatlar savad, zəka və qətiyyətlilik, idarəetmədə peşəkarlıq və bilgi, işində iradəli prinsipallıq və humanitarlıq missiyası ilə bahəm yaradıcı ağıl, millətinə, ölkəsinə, dünya insanlığına olan ülvi yanaşma əksinin siyasi fəlsəfəsidir.

Nəzərə yetirək ki, ölkənin Birinci Xanımının yüksək dəyəri, Azərbaycan xalqına “Sizin Mehriban” imzalı müraciəti, ali mükafatı isə Azərbaycan Xalqının  “Bizim Mehribanımız” rəğbətindən doğan hörmət və məhəbbətdir.

Mehriban xanım Əliyeva Vətən müharibəsində Zəfər çalan Azərbaycan Prezidentinin, Qalib Ali Baş Komandanın ömür-gün yoldaşı, silahdaşı, üç övladının  anasıdır. İctimai-siyasi fəaliyyətlə ailə məsuliyyətinin vəhdətini uzlaşdırmaq da Xanım Mehriban Əliyeva fenomenliyinin Qadın-Dost-Ana xüsusiyyəti, ictimai-diplomatik-humanistik fəaliyyəti də bu cəhətləri həssaslıqla cəmiyyətlə uyğunlaşdırma qabiliyyətidir.

Mehriban xanım Əliyeva istər siyasi motivdə, istər ictimai yöndə, yaxud mədəni-sosial humanitar zəmində də hər hansı bir fəaliyyəti əzmlə və yüksək səviyyədə həyata keçirir.

Fikrimizi Birinci vitse-prezident Mehriban xanım Əliyevanın sözləri ilə bitirək: “Gündəlik fəaliyyətimizdə insansevərlik, mərhəmət, qarşılıqlı hörmət, mehribançılıq unudulmamalıdır. Əksinə məhz bu mənəvi dəyərləri uca tutaraq, ən yüksək qələbələr əldə etmək, ən böyük zirvələrə qalxmaq olar”. Və... “Bizim Mehribanımızın” dediyi kimi: “Tanrı Azərbaycanımızı qorusun”!

Azərbaycanın ən böyük rayonu olan Kəlbəcərə də həyat qayıdır. “Böyük Qayıdış” Proqramı əsasında burada yüksək standartlara malik bərpa-quruculuq işləri aparılıb, öz doğma yurduna qayıdan soydaşlarımızın təhlükəsiz və firavan yaşayışı üçün hər cür şərait yaradılıb. Prezident İlham Əliyevin Kəlbəcərə və Ağdərəyə səfəri, burada sakinlərlə görüş zamanı Kəlbəcər şəhərinin, eyni zamanda Ağdərənin yeni, inkişaf edən simasını gördük. Bu, “Böyük Qayıdış” Proqramının uğurla icrasını təsdiqləyir.

Dövlətimizin başçısı Kəlbəcərdə sakinlərə mənzillərin açarlarının təqdim edilməsi mərasimində vacib mesajlar da səsləndirdi. İşğal dövründə Ermənistanın bir qarış belə torpaq qaytarmaq niyyətində olmadığını, o vaxtkı ATƏT-in Minsk Qrupunun həmsədrlərinin isə bütün səylərini münaqişənin dondurulmasına yönəltdiyini xatırlatdı. Cənab Prezident bir daha bəyan etdi ki, məhz həmsədrlərin qərəzli mövqeyi səbəbindən münaqişəni sülh yolu ilə həll etmək mümkün olmadı. İşğal dövründə təcavüzkara göstərilən hərtərəfli dəstəyin əsas məqsədi həm də azərbaycanlıların öz doğma yurdlarına qayıdışına mane olmaq idi. Lakin Azərbaycan öz gücü hesabına bu məkrli planların hamısını alt-üst etdi, öz ərazi bütövlüyü və suverenliyini bərpa etdi. Mürəkkəb relyefə malik olan Kəlbəcərin 1 güllə atmadan qaytarılması Azərbaycanın 44 günlük Vətən müharibəsindən sonra böyük uğuru idi. Beləliklə, Azərbaycan regionda ədaləti təmin etdi, separatizmin kökünü kəsdi. Məhz Azərbaycanın gücü, siyasi iradəsi sayəsində regionda yeni reallıqlar yaranıb. Artıq Azərbaycan-Ermənistan münasibətləri də yeni mərhələyə qədəm qoyub. Rəsmi Bakının müəllifi olduğu, bu günlərdə paraflanmış sülh müqaviləsi də Azərbaycanın maraqlarını təmin edir. Bunu dövlətimizin başçısı Kəlbəcər sakinləri ilə görüşdə də qeyd etdi. Ermənistan Azərbaycanın şərtlərini yerinə yetirmək öhdəliyi götürüb. Cənab Prezident eyni zamanda tarixi diyarımız olan Naxçıvanla quru bağlantısının təmin olunmasına da diqqət çəkdi. “Ermənistan bu öhdəliyi də üzərinə götürüb və bu, bizim növbəti tarixi uğurumuzdur”, – deyən Prezident İlham Əliyev bir daha bəyan etdi ki, dünya birliyi, beynəlxalq aləm bizim Qələbəmizi və yeni reallıqları tam qəbul edir.

Azərbaycan Prezidentinin verdiyi mesajlardan biri də vətəndaşlarımıza qarşı düşmənçilik, ədavət və vəhşiliyin heç vaxt yaddaşımızdan silinməməsi idi. Yəni, Ermənistanla münasibətlər normallaşsa da, xalqımıza qarşı törədilən etnik təmizləmə, işğal, soyqırım heç vaxt unudulmamalıdır.

Müzəffər Ali Baş Komandan eyni zamanda xəbərdarlıq etdi: “Əgər kiminsə xəstə ağlına Azərbaycana qarşı hər hansı bir təxribat törətmək gələrsə, yenə də peşman olacaq.” Bu, həm Ermənistandakı revanşistlərə, həm də bu regionda eskalasiyada, yeni münaqişə ocağının yaranmasında maraqlı olan qüvvələrə xəbərdarlıq idi.

Azərbaycanın hüquq-mühafizə sistemində xüsusi yeri olan 11 saylı Cəzaçəkmə Müəssisəsi, peşəkar rəhbərliyi və səmərəli idarəçilik prinsipləri ilə tanınır. Bu uğurun arxasında isə təşkilatçılığı, idarəetmə qabiliyyəti və yüksək mənəvi keyfiyyətləri ilə seçilən rəis – Şakir Qəniyev dayanır.

Peşəkar İdarəçilik və Səlahiyyətli Qərarlar

Şakir Qəniyev uzun illərdir ki, hüquq-mühafizə orqanlarında topladığı zəngin təcrübəsini rəhbərlik etdiyi müəssisədə uğurla tətbiq edir. O, yalnız qayda-qanunun təmin olunmasına deyil, həm də müəssisənin insan hüquqları, ədalət və humanizm prinsiplərinə uyğun fəaliyyət göstərməsinə xüsusi önəm verir. Onun idarəçilik üslubu həm də şəffaflıq, məsuliyyət və dəqiqlik üzərində qurulub.

İslahatlara Açıq və Yenilikçi Yanaşma

Müəssisədə məhkumların cəmiyyətə yenidən adaptasiyası, peşə və əmək vərdişlərinin inkişafı üçün təlimlər, istehsalat sahələri və sosial layihələr həyata keçirilir. Şakir Qəniyev hesab edir ki, ədalət yalnız cəza ilə məhdudlaşmamalı, həm də insanın islahına xidmət etməlidir. Onun rəhbərliyi altında məhkumların təhsilə və peşə öyrənməyə cəlb olunması istiqamətində mühüm addımlar atılıb.

Qanunun Aliliyinə Sadiqlik

Şakir Qəniyev bütün fəaliyyətində qanunun aliliyini əsas meyar kimi qəbul edir. İşində heç bir güzəştə yol vermədən, hər bir qərarı qanun çərçivəsində, obyektiv və ədalətli şəkildə verir. Bu prinsipial mövqeyi ona həm əməkdaşlarının, həm də cəmiyyətin hörmətini qazandırıb.

İnsanpərvərlik və Sosial Dəstək

Onun işinin mühüm istiqamətlərindən biri də məhkumların ailələri ilə əlaqələrin gücləndirilməsi və sosial dəstəyin təmin olunmasıdır. Xüsusən də şəhid ailələrinə, qazilərə və aztəminatlı ailələrə göstərilən diqqət və qayğı, Şakir Qəniyevin vətənpərvər və humanist xarakterinin əyani sübutudur.

Güclü Komanda və Nizam-İntizam

Rəhbərlik etdiyi kollektivdə yüksək intizam və qarşılıqlı hörmət mühiti formalaşdırıb. O, əməkdaşlarını yalnız icraçı kimi deyil, məsuliyyət daşıyan peşəkarlar kimi yetişdirir. Bu isə müəssisədə işin səmərəli və fasiləsiz aparılmasına şərait yaradır.

Cəmiyyətə Töfhə

Şakir Qəniyev üçün iş yalnız vəzifə deyil, cəmiyyətin təhlükəsizliyinə və inkişafına xidmət edən müqəddəs bir missiyadır. Onun rəhbərliyi sayəsində 11 saylı Cəzaçəkmə Müəssisəsi bu gün həm idarəçilik, həm də humanizm prinsipləri baxımından nümunəvi müəssisələrdən biri kimi dəyərləndirilir.

METAK şirkətinin təsisçisi Alik Kərimov - Prezident İlham Əliyevin Amerika Birləşmiş Ştatlarının (ABŞ) paytaxtı Vaşinqtona işgüzar səfəri Azərbaycanın diplomatik tarixində mühüm mərhələ kimi daim yadda qalacaqdır. Bu səfər, bütövlükdə regionun siyasi və iqtisadi gələcəyinin formalaşmasında dönüş nöqtəsi kimi dəyərləndirilir. Son illər ərzində Azərbaycanın qazandığı uğurlar Zəfər diplomatiyasının yeni səhifəsini açaraq, dövlətimizin beynəlxalq arenadakı nüfuzunu əhəmiyyətli dərəcədə gücləndirib. ABŞ səfəri ölkəmizin regional və qlobal səviyyədə əldə etdiyi siyasi-diplomatik nailiyyətlərin bariz ifadəsi kimi tarixə qızıl hərflərlə yazılıb.

Səfərin siyasi məzmunu Azərbaycan, ABŞ və Ermənistan liderlərinin iştirakı ilə Vaşinqtonda keçirilmiş tarixi Sammitin nəticələrinə əsaslanır. Bu görüş Cənubi Qafqazda sülh və sabitliyin təmin olunması istiqamətində yeni mərhələnin başlanğıcı olub. Sammitin nəticəsi olaraq Azərbaycan və Ermənistan liderləri tərəfindən, habelə şahid qismində ABŞ Prezidenti tərəfindən Birgə Bəyannamə imzalanıb. Həmin sənəd Azərbaycanın uzun illər irəli sürdüyü sülh gündəliyinin beynəlxalq səviyyədə rəsmi təsdiqi və dəstəyi kimi mühüm əhəmiyyət kəsb edir. Bəyannamə həm regionda davamlı sülhün bərqərar olunmasına, həm də iki ölkə arasında qarşılıqlı etimad mühitinin formalaşmasına xidmət edən strateji sənəd kimi tarixi əhəmiyyət kəsb edir.

Bəyannamədə xüsusi yer tutan müddəalardan biri “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş” layihəsinin paraflanması ilə bağlı qərar olub. Burada Sazişin qısa müddətdə imzalanması və ratifikasiyası üçün əlavə tədbirlərin görülməsinin vacibliyi açıq şəkildə vurğulanıb.

Sammit çərçivəsində mühüm diplomatik addımlardan biri də hər iki ölkənin xarici işlər nazirləri tərəfindən “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş” layihəsinin paraflanması və ATƏT-in Minsk Prosesi və əlaqəli strukturların bağlanması ilə əlaqədar ATƏT-in fəaliyyətdə olan sədrinin ünvanına birgə müraciət məktubunun imzalanması olub. Bu addım 2020-ci ildən bəri Azərbaycan tərəfindən ardıcıl olaraq gündəmdə saxlanılan və sülh prosesinin qarşısında duran ən ciddi maneələrdən birinin aradan qaldırılması baxımından strateji əhəmiyyətə malikdir.

Birgə Bəyannamədə əksini tapan digər mühüm məsələ regionda nəqliyyat-kommunikasiya əlaqələrinin bərpası ilə bağlı müddəa olub. Burada Azərbaycanın əsas hissəsi ilə Naxçıvan Muxtar Respublikası arasında maneəsiz bağlantının təmin edilməsinin vacibliyi vurğulanıb. Bu çərçivədə “Beynəlxalq Sülh və Rifah naminə Tramp Marşrutu” adlı yeni infrastruktur layihəsinin həyata keçirilməsi qərara alınıb. ABŞ tərəfindən reallaşdırılacaq bu layihə Ermənistan ərazisindən keçməklə Azərbaycanın əsas hissəsi və onun Naxçıvan Muxtar Respublikası arasında fasiləsiz və təhlükəsiz nəqliyyat dəhlizinin yaradılmasını nəzərdə tutur. Layihə təkcə iki bölgə arasında birbaşa əlaqə təmin etməklə kifayətlənməyəcək, həm də regionun iqtisadi inteqrasiyasına, ticarət həcminin artmasına və ümumi sabitliyin güclənməsinə töhfə verəcəkdir.

Səfər çərçivəsində Azərbaycanla ABŞ arasında münasibətlərin strateji tərəfdaşlıq səviyyəsinə yüksəldilməsi istiqamətində iki ölkənin prezidentləri tərəfindən Azərbaycan Respublikası ilə Amerika Birləşmiş Ştatları arasında Strateji Tərəfdaşlıq Xartiyasının hazırlanması məqsədilə Strateji İşçi Qrupunun yaradılması haqqında Azərbaycan Respublikası Hökuməti və Amerika Birləşmiş Ştatları Hökuməti arasında Anlaşma Memorandumunu imzalayıblar. Bu sənədə əsasən, qarşıdakı altı ay ərzində iki ölkə arasında enerji, ticarət, tranzit, süni intellekt, rəqəmsal infrastruktur, müdafiə, təhlükəsizlik və terrorla mübarizə kimi prioritet istiqamətləri əhatə edən Strateji Tərəfdaşlıq Xartiyasının hazırlanması nəzərdə tutulur. Bu təşəbbüs ikitərəfli münasibətlərin institusional əsasda möhkəmlənməsinə, qarşılıqlı maraqların daha da genişləndirilməsinə və gələcək əməkdaşlığın uzunmüddətli çərçivəsinin yaradılmasına xidmət edəcəkdir.

Vaşinqton səfərinin siyasi baxımdan ən əhəmiyyətli hadisələrindən biri ABŞ Prezidenti tərəfindən Azadlığa Dəstək Aktına 907-ci düzəlişin tətbiqinin dayandırılması barədə Sərəncamın imzalanması olub. Azərbaycan–ABŞ münasibətlərində uzun illər mənfi amil kimi qalan bu düzəlişin məhz Prezident İlham Əliyevlə görüş çərçivəsində ləğv edilməsi həm ikitərəfli münasibətlərdə yeni səhifənin açılması, həm də ölkəmizin beynəlxalq nüfuzunun artmasının bariz göstəricisi kimi dəyərləndirilir.

Səfər zamanı iqtisadi əməkdaşlıq istiqamətində də mühüm addımlar atılıb. Azərbaycan Respublikası Dövlət Neft Şirkəti (SOCAR) ilə ABŞ-ın enerji nəhəngi ExxonMobil korporasiyası arasında “Əməkdaşlıq haqqında Memorandum” imzalanıb. Bu sənəd ənənəvi neft-qaz sahələrində, həmçinin qeyri-ənənəvi enerji imkanlarının dəyərləndirilməsi istiqamətində birgə layihələrin icrasını nəzərdə tutur. Memorandum iki şirkət arasında mövcud əməkdaşlığı daha da gücləndirəcək və enerji sahəsində qarşılıqlı faydalı tərəfdaşlıq üçün yeni perspektivlər açacaqdır.

Nəticə etibarilə, Prezident İlham Əliyevin Vaşinqtona işgüzar səfəri Azərbaycan–Ermənistan sülh prosesində yeni və ümidverici mərhələnin başlanğıcını qoymaqla yanaşı, Azərbaycan–ABŞ münasibətlərində strateji tərəfdaşlığın dərinləşməsi və genişlənməsi üçün möhkəm zəmin yaradıb. İmzalanan sənədlər, əldə olunan razılaşmalar və qəbul edilən qərarlar Azərbaycan diplomatiyasının gücünü, dövlət başçısının uzaqgörən siyasi strategiyasını və ölkəmizin beynəlxalq arenadakı nüfuzunun əhəmiyyətli dərəcədə artmasını bir daha təsdiqləyib.

Qəbələ Yol İstismar İdarəsinin rəisi Naməddin Qədirov, yol infrastrukturunun qorunub saxlanması, yenilənməsi və müasir tələblərə uyğun inkişaf etdirilməsi sahəsində böyük təcrübəyə və zəngin idarəçilik bacarığına malik nüfuzlu bir rəhbərdir. Onun rəhbərliyi dövründə Qəbələ rayonunda avtomobil yollarının təmiri, bərpası və abadlaşdırılması sahəsində mühüm işlər həyata keçirilmiş, həm şəhər daxili, həm də kənd yollarında keyfiyyətli asfalt örtüyünün çəkilməsi təmin edilmişdir. Naməddin Qədirov öz işində yüksək məsuliyyət hissi ilə seçilir, yol infrastrukturuna dair hər bir layihəni sadəcə texniki tapşırıq kimi deyil, insanların rahatlığı və təhlükəsizliyi üçün strateji əhəmiyyət kəsb edən məsələ kimi dəyərləndirir.

O, iş prosesində yalnız mövcud vəziyyəti qorumaqla kifayətlənmir, həm də innovativ yanaşmaları tətbiq edərək idarənin fəaliyyətini daha səmərəli və müasir standartlara uyğun istiqamətləndirir. Xüsusilə, kənd təsərrüfatı və turizm potensialı yüksək olan Qəbələ rayonunun yol şəbəkəsinin inkişafı, bölgədə sosial-iqtisadi aktivliyin artmasına da mühüm töhfə verir. Naməddin Qədirov hər zaman yerli əhalinin müraciətlərinə həssas yanaşır, onların gündəlik həyatında qarşılaşdıqları yol problemlərini operativ şəkildə həll etməyə çalışır.

Kollektiv daxilində yüksək nüfuz qazanan Naməddin Qədirov əməkdaşları ilə qarşılıqlı hörmət və etimad üzərində qurulan bir iş mühiti formalaşdırıb. Onun rəhbərlik üslubu həm peşəkarlığı, həm də insani dəyərlərə verdiyi önəmi ilə seçilir. Daim dövlətin yol təsərrüfatı sahəsində həyata keçirdiyi strategiyalara uyğun şəkildə fəaliyyət göstərən Qədirov, Prezident İlham Əliyevin infrastruktur layihələrinə verdiyi önəmi öz işində əsas istiqamət kimi qəbul edir.

Yolların sadəcə nəqliyyat vasitələri üçün deyil, həm də insanların rifahı və iqtisadi inkişaf üçün əsas arteriya olduğunu yaxşı bilən Naməddin Qədirov, Qəbələ rayonunun bu sahədə nümunəvi bölgələrdən biri olması üçün yorulmadan çalışır. Onun uzaqgörənliyi, prinsipiallığı və işinə sadiqliyi nəticəsində idarə həm texniki imkanlarını genişləndirib, həm də yol keyfiyyətinə dair standartları daha da yüksəldib. Bu səbəbdən Naməddin Qədirov təkcə peşəkar bir rəhbər kimi deyil, həm də Qəbələnin inkişafına səmərəli töhfələr verən fədakar bir vətəndaş kimi tanınır.

Binəqədi bələdiyyəsinin sədri
Mürsəl Eminov

7–8 avqust 2025-ci il tarixlərində Azərbaycan Respublikasının Prezidenti İlham Əliyevin Amerika Birləşmiş Ştatlarına (ABŞ) rəsmi səfəri ölkənin müasir diplomatiya tarixində mühüm dönüş nöqtəsidir. Ağ Evdə keçirilən yüksək səviyyəli görüşlər, imzalanan strateji sənədlər və əldə olunan razılaşmalar Cənubi Qafqazda uzunmüddətli sülhün təmin olunması istiqamətində real zəmin formalaşdırmaqla yanaşı strateji tərəfdaşlıq kontekstində dünyanın ən böyük ölkəsi ilə əlaqələr qurulmasına və Azərbaycan - ABŞ münasibətlərini yeni mərhələyə çıxarmağa vəsilə oldu. Belə ki, səfərin ən mühüm nəticələrindən biri Strateji Tərəfdaşlıq Xartiyasının hazırlanması məqsədilə Azərbaycan və ABŞ arasında Strateji İşçi Qrupunun yaradılması haqqında anlaşma memorandumunun imzalanmasıdır. Bu sənəd iki ölkənin siyasi, iqtisadi və təhlükəsizlik sahəsində əməkdaşlığının dərinləşdirilməsinə zəmin yaradacaq. Eyni zamanda, ABŞ Prezidenti tərəfindən Azadlığa Dəstək Aktına 907-ci düzəlişin tətbiqinin dayandırılması, Azərbaycanın xarici siyasətində olduqca mühüm addım oldu.

Səfəri “tarixi gün” kimi qiymətləndirən Prezident İlham Əliyev müharibələr dövrünün arxada qaldığını, gələcəyə böyük nikbinliklə baxdığını vurğuladı. Beynəlxalq münasibətlərdə mühüm dönüş kimi diqqət çəkən digər məqam isə ATƏT-in Minsk Prosesi və əlaqəli strukturlarının fəaliyyətinin dayandırılması oldu. Bu addım, Azərbaycan və Ermənistan arasında münaqişənin həlli prosesində yeni mərhələnin başlanğıcı kimi qiymətləndirilə bilər. Belə ki, hər iki ölkənin xarici işlər nazirləri tərəfindən “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş” layihəsi paraflanması və ATƏT-in Minsk Prosesi və əlaqəli strukturlarının bağlanması ilə bağlı ATƏT-in fəaliyyətdə olan sədrinin ünvanına birgə müraciət məktubunun ünvanlanması 2020-ci ildən bəri Azərbaycan tərəfinin davamlı olaraq gündəlikdə tutduğu, sülh və normallaşma prosesi üçün ən ciddi əngəllərdən birinin aradan qaldırılması istiqamətində vacib addım oldu.

Səfər zamanı Azərbaycan, Amerika Birləşmiş Ştatları və Ermənistan liderlərinin keçirilən Sammitində imzalanan Birgə Bəyannamə Azərbaycan-Ermənistan münasibətlərinin normallaşma prosesi kontekstində mühüm nəticələr ilə əlamətdar oldu. Vaşinqton görüşünün nəticələrinə dair Birgə Bəyannamənin imzalanması Azərbaycanın irəli sürdüyü sülh gündəliyini təsdiq etdi. “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş” layihəsinin paraflanması ilə bağlı müddəa çərçivəsində, Sazişin imzalanması və ratifikasiyasına nail olmaq üçün əlavə tədbirlərin görülməsinə ehtiyac olduğu təsbit edildi. Bu kontekstə, Azərbaycan tərəfi Sazişin imzalanması üçün Ermənistan konstitusiyasında dəyişiklik edilərək Azərbaycana qarşı ərazi iddialarının aradan qaldırılacağını gözləyir.

Birgə Bəyannamədə xüsusi əhəmiyyət kəsb edən daha bir müddəa iki ölkə arasında nəqliyyat kommunikasiyalarının açılmasına dair bənddir. Burada, regionda kommunikasiyaların açılması çərçivəsində Azərbaycanın əsas hissəsi ilə onun Naxçıvan Muxtar Respublikası arasında maneəsiz bağlantının təmin edilməsinin zəruri olduğu vurğulanır.

Beləliklə, 7–8 avqust 2025-ci il tarixlərində baş tutan ABŞ səfəri, Azərbaycanın beynəlxalq mövqelərini gücləndirməklə yanaşı, Cənubi Qafqazda dayanıqlı sülh, regional əməkdaşlıq və iqtisadi rifahın təmin olunmasına mühüm töhfə verdi. Bu səfər diplomatiya tariximizdə yalnız bir diplomatik hadisə deyil, həm də strateji əhəmiyyətli mərhələyə keçid kimi qalacaq.

Mingəçevir Şəhər Polis Şöbəsinin rəisi, polis polkovniki Ədalət Əliyev - Prezident İlham Əliyevin ABŞ-ın paytaxtı Vaşinqtona işgüzar səfəri Azərbaycan diplomatiyasının Zəfər səhifələrindən biri kimi tarixə düşüb. Bu səfər ölkəmizin beynəlxalq siyasi arenada nüfuzunu və mövqeyini daha da gücləndirməklə yanaşı, regionda uzunmüddətli sülhün təmin olunması istiqamətində yeni perspektivlər açıb. Prezident İlham Əliyevin liderliyi ilə aparılan sülh Azərbaycanın xarici siyasətinin qətiyyətlə və uğurla davam etdiyini bir daha təsdiqləyib. Həmin səfər Azərbaycan üçün regional sabitliyin və dayanıqlı inkişafın təminatı baxımından əhəmiyyətli dönüş nöqtəsidir.

Səfərin ən mühüm və diqqətçəkən hadisələrindən biri Azərbaycan, Ermənistan və ABŞ liderlərinin iştirakı ilə Vaşinqtonda keçirilən tarixi Sammit olub. Bu görüşün yekununda Azərbaycan və Ermənistan liderləri, ABŞ Prezidenti isə şahid qismində Birgə Bəyannaməni imzalayıblar. Bəyannamə Azərbaycanın uzun illər ərzində irəli sürdüyü sülh təşəbbüsünün beynəlxalq səviyyədə geniş dəstəklə qarşılandığını və rəsmən qəbul olunduğunu nümayiş etdirir. Sözügedən sənəd həm regionda sülhün bərqərar olması üçün vacib siyasi çərçivədir, həm də gələcək qarşılıqlı anlaşmanın əsasını təşkil edir. Həmçinin, sənəddə “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş” layihəsinin paraflanması da mühüm dönüş nöqtəsi kimi əksini tapıb. Bu razılaşma imzalanmaq və ratifikasiya olunmaq üçün əlavə tədbirlərin görülməsini tələb edir.

Vaşinqton Sammitində, həmçinin ATƏT-in Minsk Prosesi və əlaqəli strukturlarının fəaliyyətinin rəsmən dayandırılması qərara alınıb. Hər iki ölkənin xarici işlər nazirləri tərəfindən imzalanan ATƏT-in fəaliyyətdə olan sədrinin ünvanına birgə müraciət məktubu bu mexanizmin fəaliyyətinin bağlanmasını rəsmiləşdirib. Minsk Prosesi uzun illər sülh danışıqlarının əsas platforması olmasına baxmayaraq nəticə verməmiş, artıq əvəzinə vaxtilə yeni və effektiv mexanizmlərin tətbiqi tələb olunub. Bu qərar regionda sülhün və stabilliyin təminatı üçün yeni mərhələnin başlanğıcıdır.

Bundan başqa, “Beynəlxalq Sülh və Rifah naminə Tramp Marşrutu” adlı xüsusi nəqliyyat və əlaqə layihəsi Ermənistan ərazisində həyata keçiriləcək. Həmin layihə Azərbaycanın əsas hissəsi ilə Naxçıvan Muxtar Respublikası arasında maneəsiz bağlantını təmin etməyi hədəfləyir və ABŞ tərəfindən dəstəklənir. Bu marşrut regionda nəqliyyat və iqtisadi əlaqələrin inkişafında mühüm rol oynayacaq, həmçinin dövlətimizin ərazi bütövlüyünün daha da möhkəmləndirilməsinə töhfə verəcəkdir.

Səfər çərçivəsində Azərbaycan ilə ABŞ arasında münasibətlərin strateji tərəfdaşlıq səviyyəsinə yüksəldilməsi məqsədilə mühüm sənədlər imzalanıb. Vaşinqtonda Azərbaycan Respublikasının Prezidenti İlham Əliyev və Amerika Birləşmiş Ştatlarının Prezidenti Donald Tramp Azərbaycan Respublikası ilə Amerika Birləşmiş Ştatları arasında Strateji Tərəfdaşlıq Xartiyasının hazırlanması məqsədilə Strateji İşçi Qrupunun yaradılması haqqında Azərbaycan Respublikası Hökuməti və Amerika Birləşmiş Ştatları Hökuməti arasında Anlaşma Memorandumunun imzalanması buna nümunədir. Həmin qrupun fəaliyyəti enerji, ticarət, tranzit, süni intellekt, rəqəmsal infrastruktur, müdafiə, təhlükəsizlik və terrorla mübarizə kimi prioritet sahələrdə qarşılıqlı əməkdaşlığı gücləndirməyə yönəlib. Bu, Azərbaycan və ABŞ arasında ikitərəfli əlaqələrin daha sistemli və uzunmüddətli şəkildə inkişaf etdirilməsi üçün vacib addımdır. Strateji İşçi Qrupunun fəaliyyəti iki ölkənin müxtəlif sahələrdə sinerji yaratmasını, həm iqtisadi, həm də təhlükəsizlik sahəsində əməkdaşlığı dərinləşdirməsini təmin edəcək.

ABŞ Prezidenti Donald Tramp 1992-ci ildən qüvvədə olan və Azərbaycan-ABŞ münasibətlərində məhdudlaşdırıcı rol oynayan Azadlığa Dəstək Aktının 907-ci düzəlişinin tətbiqinin dayandırılması barədə Sərəncam imzalayıb. Bu qərar Azərbaycan diplomatiyası üçün böyük əhəmiyyət daşıyır və iki ölkə arasındakı münasibətlərin inkişafında yeni mərhələ açır. Həmin addım iki ölkə arasında etimad və strateji əməkdaşlığın möhkəmlənməsinə güclü stimul verir.

Səfər çərçivəsində Azərbaycan Respublikası Dövlət Neft Şirkəti (SOCAR) ilə ABŞ-ın ExxonMobil korporasiyası arasında “Əməkdaşlıq haqqında Memorandum” imzalanıb. Sənəd ölkəmizdə həm ənənəvi, həm də qeyri-ənənəvi enerji mənbələrinin daha səmərəli istifadə olunmasına yönəlmiş əməkdaşlıq perspektivlərini özündə ehtiva edir və iki şirkət arasında əlaqələrin möhkəmlənməsinə xidmət edir. Bu memorandum Azərbaycanın enerji sektorunun inkişafı və diversifikasiyası istiqamətində atılan mühüm addımdır və ölkənin enerji təhlükəsizliyinin artırılması üçün yeni imkanlar yaradır. Həmçinin, bu əməkdaşlıq beynəlxalq investisiyaların cəlb olunmasına və dövlətimizin enerji resurslarının dünya bazarlarında daha effektiv idarə olunmasına şərait yaradır.

Beləliklə, Prezident İlham Əliyevin Vaşinqtona işgüzar səfəri ölkəmizin regional və qlobal miqyasda nüfuzunun möhkəmlənməsinə, sülh və əməkdaşlıq proseslərinin irəliləməsinə, həmçinin strateji tərəfdaşlıqların dərinləşməsinə geniş imkanlar açıb. Azərbaycan Zəfər diplomatiyasının yeni səhifəsi kimi qeyd olunan bu hadisə dövlətimizin və regionun gələcək inkişafına mühüm töhfə verəcək. Bu uğur ölkəmizin beynəlxalq arenada mövqeyini gücləndirməklə yanaşı, həm də regionda sülhün və sabitliyin təmin edilməsində əsas rol oynayacaqdır.

“Azərenerji” Açıq Səhmdar Cəmiyyətinin vitse-prezident Ziyəddin Quliyev - “Azərbaycan özünün milli maraqlarının qorunması üçün Amerika Birləşmiş Ştatları ilə ən yüksək səviyyədə münasibətlərin qurulmasında əlbəttə ki, çox maraqlıdır. Bu baxımdan Ölkə Prezidenti cənab İlham Əliyevin ABŞ Prezidentinin dəvətilə Vaşinqtona işgüzar səfəri son dərəcə önəmli bir hadisədir. Diqqətəlayiq haldır ki, avqustun 8-də möhtərəm dövlət başçımız Vaşinqtonda Azərbaycanın media nümayəndələrinə verdiyi müsahibədə bu səfərin nəticələrini çox yüksək qiymətləndirib. Qeyd olunub ki, məhz bu səfərlə Amerika-Azərbaycan münasibətlərində yeni bir səhifə, əməkdaşlıq və strateji tərəfdaşlıq səhifəsi açılır. Strateji Tərəfdaşlıq Xartiyasını hazırlamaq üçün Strateji İşçi Qrupun yaradılması da bu istiqamətdə atılmış çox mühüm addımdır. Əlbəttə ki, ölkələrimiz arasında münasibətlərin bundan sonra səmimi əsaslar üzərində inkişaf edəcəyini nümayiş etdirən mühüm məqamlardan biri də ədalətsizlik simvolu olan 907-ci düzəlişin ləğv olunmasıdır. Öz müsahibəsində bu məsələyə toxunan cənab Prezident bildirdi ki, 1992-ci ilin oktyabr ayında Azərbaycanın ədalətsiz şəkildə ABŞ Konqresi tərəfindən məruz qoyulduğu bu sanksiyanın bu gün birbaşa Azərbaycan Prezidentinin iştirakı ilə ləğv edilməsi tarixi hadisədir və çox rəmzi xarakter daşıyır.”

Fikirlərini davam etdirən Ziyəddin Quliyev Vaşiqtonda imzalanmış “Azərbaycan Prezidentinin və Ermənistanın Baş nazirinin Vaşinqton şəhərində keçirilmiş görüşünə dair” Birgə Bəyannamənin əhəmiyyətini vurğulayaraq bunları deyib: “Avqustun 8-də Vaşinqtonda imzalanmış Birgə Bəyanat Azərbaycanla Ermənistan arasında sülh müqaviləsinin imzalanması yolundakı əngəllərin əksəriyyətinin aradan qaldırıldığını təsdiq edir. Onlardan biri ATƏT-in Minsk qrupunun ləğvi ilə bağlı idi. Hansı ki, dünən Azərbaycanın və Ermənistanın xarici işlər nazirləri ATƏT-in Baş katibinə bununla bağlı müraciət imzaladılar. Əslində İkinci Qarabağ müharibəsi başa çatandan sonra bu təsisat demək olar ki, iflic vəziyyətinə düşmüşdü və onun ləğvi dərhal baş verməli idi. Çünki Azərbaycan bütün məsələləri beynəlxalq hüquq çərçivəsində özü həll etdi, Qarabağ münaqişəsi, Azərbaycan-Ermənistan münaqişəsi hərbi-siyasi yollarla öz həllini tapdı. Birgə Bəyannamədə əks olunan və Azərbaycanın mövqeyini göstərən daha bir önəmli müddəa – Azərbaycanın əsas hissəsindən Naxçıvan Muxtar Respublikasına maneəsiz çıxışın olmasıdır. Bu, həm də Ermənistanın 2020-ci il noyabrın 10-da imzaladığı öhdəlikdə də nəzərdə tutulub. Cənab Prezident İlham Əliyevin dediyi kimi, ölkəmizin iki hissəsi arasında təhlükəsiz keçidin yaranması daha geniş region, hətta Ermənistanın özü üçün də çoxlu imkanlar açacaq. Ermənistan tranzit ölkəyə çevrilə bilər. Lakin buna yalnız Azərbaycan vasitəsilə nail ola bilər. Beynəlxalq Sülh və Rifah üçün Tramp Marşrutu (TRIPP) başqa bir tarixi nailiyyət olacaq və bütün region ölkələri bunun faydasını görəcəklər”.