“1991-ci ilin axırlarında müstəqilliyini bərpa edən Azərbaycan xalqı hakimiyyətə gələn siyasi qüvvələrin səriştəsizliyi nəticəsində xaos, vətəndaş müharibəsi, iqtisadi böhran, ərzaq qıtlığı ilə üzləşməli oldu. Ölkəmizin hər yerində özbaşınalıq artdı, daxili stabillik, milli birlik pozuldu. Yaranan boşluqdan yararlanan Ermənistan Azərbaycana qarşı hərbi təcavüzünü daha da şiddətləndirdi. Müqəddəs torpaqlarımızı, ərazi bütövlüyümüzü qorumalı olan qüvvələrin başı isə Bakıda hakimiyyət uğrunda mübarizəyə qarışmışdı. Qoşun hissələri döyüş bölgələrindən çıxarılaraq  Bakıya istiqamətləndirilirdi. Nəticədə torpaqlarımızın 20 faizi işğal olundu, minlərlə şəhid verdik, minlərlə vətəndaşımız əsir düşdü,  bir milyondan artıq soydaşımız öz doğma el-obasından didərgin düşdü. Böhran getdikcə dərinləşirdi. Azərbaycan parçalanmaq, müstəqilliyini itirmək təhlükəsi ilə üzləşmişdi. Ümummilli mənafeyin şəxsi ambisiyalara qurban verilməsi o dövrdə hakimiyyətdə olan qüvvələrə xalqın inamını sarsıtdı. İnsanlar haqlı olaraq yeni qüvvə - xilaskar axtarışına çıxdı. Bütün diqqət, təbii olaraq, Naxçıvana yönəlmişdi. Xalqımız və ziyalılarımız çox yaxşı başa düşürdülər ki, dövlətimizi, ölkəmizi uçurumdan yalnız bir nəfər – ümummilli lider Heydər Əliyev çıxara bilər. Heç bir siyasi təcrübəsi olmayan başıpozuq bir qrupun yarıtmaz idarəçiliyi üzündən yox olmaq təhlükəsi ilə üzləşən dövlətimiz, itirilməkdə olan müstəqilliyimiz məhz Heydər Əliyevin böyük məharətinin sayəsində ayaqda qaldı, gücləndi”. 

1993-cü ilin 15 iyun Milli Qurtuluş günü xalqımızın və dövlətimizin ictimai-siyasi həyatında ciddi dönüş yaradan tarixi hadisədir: “Ölkəmizin ziyalıları, ictimai-siyasi xadimləri və xalq haqlı olaraq Ulu öndər Heydər Əliyevin ətrafında birləşərək Müstəqil Azərbaycan dövlətinin məhv olmasına, parçalanmasına imkan vermədilər. Bir məqamı da xüsusilə qeyd etmək lazımdır ki, 1992-ci ilin noyabrında Naxçıvanda Yeni Azərbaycan Partiyasının yaradılması və Heydər Əliyevin partiyaya sədr seçilməsi faktiki olaraq Azərbaycanda müasir siyasi sistemin yaranmasına səbəb oldu. Çünki Yeni Azərbaycan Partiyası ovaxtkı antimilli iqtidara qarşı milli müxalifət kimi yaranmışdır. Yeni Azərbaycan Partiyasının yaranması bütün Azərbaycanda böyük əks-səda yaratmışdı. Qısa müddət ərzində Yeni Azərbaycan Partiyası Azərbaycanın aparıcı siyasi qüvvəsinə çevrildi və Heydər Əliyevin siyasət olimpini fəth etməsinə böyük töhfələr verdi. Partiyamız bu gün də Prezodent cənab İlham Əliyevin rəhbərliyi ilə Ulu Öndərin siyasi irsini ləyaqət və qürurla davam etdirir”.

Xalqın çağırışlarını, ziyalıların, iqtidar mənsublarının təkidli xahişlərini nəzərə alaraq, 1993-cü il iyun ayının 15-də Azərbaycan Respublikası Milli Məclisinin fövqəladə sessiyasında gizli səsvermə yolu ilə Naxçıvan Muxtar Respublikası Ali Məclisinin sədri Heydər Əliyev Azərbaycan Respublikası Ali Sovetinin sədri seçilməklə hakimiyyətə qayıtdı: “Həmin il iyunun 24-də isə Milli Məclisin qərarı ilə prezident səlahiyyətləri Ali Sovetinin sədrinə - Heydər Əliyevə həvalə edildi. Ulu öndər Heydər Əliyev deyirdi: “Mənim heç bir silahım yoxdur: nə topum,nətapançam, nə də avtomatım var. Mənim idrakım var, iradəm var və xalq mənə ümid bəsləyirsə, xalq mənə bu səlahiyyəti vermişdirsə, xalqı bu ağır vəziyyətdən çıxarmağı öz öhdəmə götürmüşəmsə, güman edirəm ki, xalq məni müdafiə edəcəkdir”.

Yaxın keçmişimiz olan 1993-cü ildə baş verənlər hər kəsin xatirindədir. Dövlət büdcəsi boşaldılmış, sərvətləri talan edilmiş, idarəçilik sistemi dadağılmışdı: “Xilaskarlıq missiyasını öz üzərinə götürən Ulu Öndər Bakıda hakimiyyət davasının getdiyi bir vaxtda həyatını təhlükə altında qoyaraq dərhal Gəncəyə yollandı və orada baş qaldırmış qiyamın qarşısını aldı. Məhz xalqın böyük oğlu Heydər Əliyev hakimiyyətə qayıtdıqdan sonra Azərbaycanda illərlə davam edən anarxiyaya, başıpozuqluğa, siyasi hakimiyyətsizliyə, etnik separatçılığa, hərbiləşmiş cinayətkar dəstələrin qətl və qarətlərinə, özbaşınalıqlarına son qoyuldu. 1994-cü ildə oktyabr, 1995-ci ildə mart aylarında  dövlət çevrilişinə cəhdlərin qarşısı qətiyyətlə alındı. Azərbaycanın iqtisadi diçəlişinin tarixi bünövrəsi dəməhz Heydər Əliyevin hakimiyyətdə olduğu dövrə təsadüf edir. Ulu öndərin ikinci dəfə hakimiyyətə gəlişinin ilk illərində iqtisadi sektorda çox böyük addımlar atıldı, islahatlar həyata keçirildi.  “Əsrin müqaviləsi” imzalandı, Bakı-Tbilisi-Ceyhan, Bakı-Tbilisi-Ərzurum neft və qaz kəmərlərinin tikintisinə başlanıldı, Böyük İpək Yolunun bərpası üzrə konkret addımlar atıldı”.

Əgər Əliyev siyasi hakimiyyətə gəlməsəydi, Ermənistan daha böyük əraziləri işğal edib onun üzərində nəzarətini hüquqi müstəvidə dünyaya tanıtdıracaqdı: “Hələ sovet dövründə ermənilərin yeganə çəkindiyi, ehtiyat etdiyi siyasətçi Heydər Əliyev idi. Ulu öndər hələ 1987-ci ilin oktyabrında Sovet İttifaqı Kommunist Partiyası Mərkəzi Komitəsi Siyasi Bürosunun və şəxsən Baş katib Mixail Qorbaçovun yeritdiyi siyasi xəttə etiraz olaraq tutduğu vəzifələrdən istefa verəndə buna ilk sevinənlər erməniklər oldu. İstefa verməsindən iki həftə keçməmiş erməni millətçiləri və onların sovet iqtidarında olan himayədarları o vaxtkı Dağlıq Qarabağ Muxtar Vilayətinin Azərbaycanın tərkibindən çıxarıb Ermənistanın tərkibinə verilməsi ilə bağlı məsələ qaldırmış və Azərbaycan xalqının faciələri o gündən başlamışdır. Əgər Heydər Əliyev hakimiyyətdə təmsil olunsaydı, heç vaxt erməni millətçiləri bu çirkin əməllərə əl atmağa cürət etməzdilər. Ermənilər onu da etiraf edirlər ki, cənab Prezident İlham Əliyev Qarabağ məsələsində hətta atası Heydər Əliyevdən də daha barışmaz idi. Əlbəttə ki, cənab İlham Əliyevin prinsipial vətənpərvər ruhda formalaşması, müstəqillik, ərazi bütövlüyü kimi həyati əhəmiyyətli məsələlərdə heç bir kompramisəgetməmək kimi mövqeyə sahiblənməsi  valideynlərinin ailədə aşıladığı tərbiyədən, ideologiyadan irəli gəlir. 2020-ci il 44 günlük Vətən müharibəsində əldə etdiyi tarixi qələbə ilə Ulu öndərim yarımçıq qalan missiyasını tamamlayan cənab İlham Əliyev bütün dünyada tarix yazdı. Ulu Öndərin ən böyük arzusu Azərbaycanı bütöv, azad görmək idi. Ümummilli Liderin məcburi köçkünlər qarşısında çıxışlarının birində böyük inamla deyirdi: “Arzu edirəm ki, sizinlə birlikdə gedək Şuşaya. Gedəcəyik, inanın ki, gedəcəyik. Şuşa Azərbaycanın gözüdür, hər bir azərbaycanlı üçün iftixar mənbəyidir. Şuşa bizim mədəniyyətimizin, tariximizin rəmzidir. Şuşa hamı üçün əzizdir. Amma təkcə Şuşa yox, Laçın dağları da əzizdir. Biz heç vaxt Laçınsız yaşaya bilmərik. Ağdam kimi gözəl bir şəhər, Füzuli, Cəbrayıl, Zəngilan, Qubadlı, Kəlbəcərin o bulaqları, Kəlbəcərin o İsti suyu - biz onlarsız yaşaya bilmərik”. Ulu Öndər Heydər Əliyevin arzuları 27 ildən sonra reallaşdı, Prezident İlham Əliyev ata vəsiyyətini yerinə yetirdi. Bu gün Şuşada, Laçında, Ağdamda, Füzulidə, Cəbrayılda, Zəngilanda, Qubadlıda, Kəlbəcərdə, Xankəndidə üçrəngli bayrağımız əzəmətlə dalğalanır. Qarabağ və Şərqi Zəngəzur müasir tələblərə uyğun olaraq yenidən qurulur. Böyük Qayıdış proqramı mərhələli, xüsusi düşünülmüş proqram əsasında həyata keçirilir. Dövlət başçısı, Müzəffər Ali Baş Komandan İlham Əliyev torpaqlarımızın xilaskarı kimi adını tarixə qızıl hərflərlə yazdırmaqla Ümummilli Liderin 2003-cü ildə xalqa tarixi müraciətində ona göstərilən inamı və etimadı doğrultdu, dahi şəxsiyyətin vəsiyyətini yerinə yetirdi. Əminliklə deyə bilərik ki, qalib Azərbaycan bundan sonra da Heydər Əliyev yolu ilə yeni zəfərlərə doğru irəliləyəcək. Azərbaycan xalqı Ulu Öndərin siyasi kursunu davam etdirməkləmöhtərəm Prezidentimiz cənab İlham Əliyevin rəhbərliyi ilə bundan sonra da öz tarixinin yeni, şanlı səhifələrini yazacaq, daha yüksək zirvələr fəth edəcəkdir”.

Hələ sağlığında əfsanələşən, siyasət olimpini fəth etmiş Heydər Əliyevin böyüklüyü öz dövrünün siyasi xadimləri tərəfindən də etiraf olunub. ABŞ-ın sabiq Prezidenti Corc Buşun “şəksiz lider”, Türkiyə Prezidenti Rəcəb Tayyib Ərdoğanın “türk dünyasının tanınan və sevilən lideri”, Rusiya Prezidenti Vladimir Putinin“siyasi nəhəng”, Fransanın sabiq Prezidenti JakŞirakın “qeyri-adi şəxsiyyət” adlandırdıqları Heydər Əliyev şəxsiyyətinin nəhəngliyini zaman keçdikcə daha aydın dərk edirik.  Ulu öndər Heydər Əliyevin yorulmaz və gərgin siyasi-diplomatik fəaliyyəti, dövlətçilik təcrübəsi, Azərbaycan xalqının milli maraq və mənafeyinə bağlılığı ilə ümummilli rəhbər olduğunu bütün dünyaya bir daha sübut etdi”.

Qurban Bayramı – həm dini, həm də milli həmrəylik və xeyirxahlıq günüdür. Bu müqəddəs bayramın hər bir vətəndaşın həyatında özəl yeri var, xüsusilə də ictimai-siyasi xadimlər və dövlət qulluqçuları üçün sosial ədalət və insanlara qayğı mövzusunu daha da önə çıxaran mühüm çağırışdır. Ağstafa Rayon İcra Hakimiyyətinin Başçının müavini, Sosial-iqtisadi inkişafın təhlili və proqnozlaşdırılması şöbəsinin müdiri İlqar Hacıyev bu mənada həm yüksək peşəkarlığı, həm də insanlara xidmətində sədaqəti ilə seçilən dövlət xadimlərindən biridir.

İlqar Hacıyev rayonun sosial-iqtisadi vəziyyətinin dərindən təhlili və gələcək inkişaf istiqamətlərinin proqnozlaşdırılması sahəsində uzun illərdir fədakarcasına çalışır. Onun rəhbərliyi altında həyata keçirilən tədbirlər və strateji planlar Ağstafanın inkişafına mühüm töhfələr verir. Bu isə öz növbəsində rayon sakinlərinin həyat səviyyəsinin yaxşılaşmasına, sosial rifahın artmasına, infrastruktur layihələrinin icrasına təkan verir.

Qurban Bayramı ərəfəsində İlqar Hacıyev və onun rəhbərlik etdiyi şöbə, xüsusilə şəhid ailələri, müharibə qaziləri və aztəminatlı ailələrə diqqəti artırır, onlara mənəvi və maddi dəstək göstərilməsi üçün geniş təşəbbüslər həyata keçirir. Bu əziz günlərdə rayonun müxtəlif sosial proqramları çərçivəsində şəhid ailələri və qazilər üçün bayram sovqatları hazırlanır, onların problemləri araşdırılır və həlli istiqamətində addımlar atılır. İlqar Hacıyev bu məsələlərə xüsusi həssaslıqla yanaşır, insanların qayğılarını öz qayğısı kimi qəbul edir.

Onun sosial-iqtisadi təhlilləri əsasında görülən işlər həmçinin, pandemiya dövründə və digər çətin zamanlarda rayon sakinlərinin həyatına dəstək məqsədilə düzgün və operativ qərarların qəbul olunmasına xidmət edib. Bu, onun həm iqtisadi, həm də sosial sahədə balanslı və düşünülmüş idarəetməsinin göstəricisidir.

İlqar Hacıyev həmçinin ictimaiyyətlə sıx əlaqədə olaraq vətəndaşların problemlərini dinləyir, onların qayğılarını yuxarı instansiyalara çatdırmaqla dövlətin sosial siyasətinin uğurla icra olunmasına şərait yaradır. Onun rəhbərliyi altında həyata keçirilən layihələr sosial ədalətin təmin olunmasına, insanların rifahının yüksəlməsinə yönəlir və bu da Ağstafada birgəyaşayış mədəniyyətinin möhkəmlənməsinə xidmət edir.

Qurban Bayramı münasibətilə İlqar Hacıyev bütün rayon sakinlərini və xüsusilə şəhid ailələri ilə qaziləri təbrik edir, onların qəhrəmanlığını, vətənpərvərliyini yüksək qiymətləndirir və belə deyir:
“Bayramların ruhu – birlikdə olmaqda, paylaşmaqda, mənəviyyatı yaşatmaqda, həmrəylik göstərməkdədir. Bizim borcumuz bu dəyərləri hər zaman ön planda tutmaq, ehtiyacı olanların yanında olmaqdır. Ağstafa rayonu olaraq şəhid ailələrinə və qazilərimizə göstərilən diqqət və qayğı daim davam edəcək.”

Onun dediyi kimi, sosial-iqtisadi inkişafın davamlılığı, insanlara qayğı göstərilməsi və vətəndaşların rifahının yaxşılaşdırılması dövlət siyasətinin əsas sütunlarıdır və İlqar Hacıyev bu işdə öz məsuliyyətini dərindən dərk edərək fəaliyyət göstərir.

Beləliklə, İlqar Hacıyev həm peşəkar idarəçi, həm də böyük ürək sahibi kimi Ağstafanın inkişafı və sakinlərin rifahı yolunda dayanmadan çalışır, Qurban Bayramının ali mənəvi dəyərlərini hər zaman öz işində yaşadır və bu yolla dövlətə və cəmiyyətə əvəzsiz xidmət göstərir.

Ucar Gənclər Evində “Karyerada inkişaf naviqatoru” layihəsinin ilk mərhələsi baş tutub.

Tədbirdə Ucar Gənclər Evinin direktoru kazım Məmmədov, müsabiqənin qalibi və layihə rəhbəri Zinhar Bəbişov və əgnclər iştirak ediblər.

Layihə çərçivəsində gənclərə karyera planlaması, iş axtarışı strategiyaları, CV hazırlanması və müsahibəyə hazırlıq, şəxsi brendinq, işgüzar ünsiyyət və praktiki iş təcrübəsi mövzularında təlimlər keçirilib.

Qeyd  edək ki, layihə Azərbaycan Respublikasının Gənclər Fondunun fərdi qrant müsabiqəsi çərçivəsində həyata keçirilib. Müsabiqənin qalibi və layihə rəhbəri Zinhar Bəbişovdur.

Ağstafa Rayon İcra Hakimiyyətinin başçısı Seymur Orucov, bölgənin sosial-iqtisadi inkişafını təmin etmək, əhalinin rifahını yüksəltmək və dayanıqlı idarəçilik prinsiplərini həyata keçirmək istiqamətində mühüm fəaliyyət göstərən nüfuzlu dövlət xadimidir. Onun rəhbərliyi altında Ağstafa rayonu dinamik inkişaf edir, yeni layihələr həyata keçirilir və sakinlərin sosial problemləri sistemli şəkildə həll olunur.

Seymur Orucov öz işində dövlətimizin inkişaf strategiyasına sadiq qalaraq, Prezident İlham Əliyevin sosial siyasətinə tam dəstək verir. O, şəhid ailələri, qazilər və aztəminatlı təbəqələrin sosial müdafiəsinin gücləndirilməsi istiqamətində ardıcıl addımlar atır, onların ehtiyaclarının ödənilməsi üçün müvafiq proqramların tətbiqində fəal rol oynayır. Bu sahədə başçının xüsusi diqqəti və humanist yanaşması rayon ictimaiyyətində böyük rəğbətlə qarşılanır.

Başçı Ağstafada iqtisadiyyatın diversifikasiyası, kənd təsərrüfatının inkişafı, sənaye müəssisələrinin yaradılması və modernləşdirilməsi kimi sahələrdə məqsədyönlü iş aparır. Yeni iş yerlərinin açılması, sahibkarlığın dəstəklənməsi və investisiya mühitinin yaxşılaşdırılması rayonda sosial sabitliyin təmin edilməsinə xidmət edir.

Seymur Orucovun rəhbərliyi altında rayonun infrastrukturunun müasirləşdirilməsi, yolların təmiri və abadlıq işləri prioritet təşkil edir. Eyni zamanda, təhsil, səhiyyə və mədəniyyət sahələrində də ciddi tədbirlər görülür, vətəndaşların həyat keyfiyyətinin artırılması üçün kompleks layihələr icra olunur.

Ağstafa rayonunun ekoloji vəziyyətinin yaxşılaşdırılması, təmiz içməli suyun təmin olunması, ətraf mühitin qorunması kimi məsələlər başçının diqqət mərkəzindədir. O, əhalinin sağlam və rahat həyat şəraitində yaşaması üçün bütün imkanlardan istifadə edir.

Seymur Orucovun idarəçiliyi şəffaflıq, səmimiyyət və vətəndaşlara yaxınlıq prinsiplərinə əsaslanır. Rayon sakinlərinin müraciətlərinə operativ cavab vermək, onların problemlərini diqqətlə dinləmək və həll yolları tapmaq onun fəaliyyətinin əsas xüsusiyyətlərindəndir.

Başçının bu uğurlu fəaliyyəti Ağstafa rayonunun sosial-iqtisadi inkişafını yeni səviyyəyə qaldırmış, bölgədə sabitlik və əmin-amanlıq mühitini təmin etmişdir. Onun rəhbərliyi ilə rayon daha da güclənir, vətəndaşların rifahı artır və dövlətin qoyduğu hədəflər uğurla reallaşdırılır. Seymur Orucov həm də yüksək nüfuzlu və etibarlı dövlət xadimi kimi Ağstafa xalqının etimadını qazanmışdır.