Sumqayıtda Reabilitasiya Mərkəzində baş verən yanğın məhdudlaşdırılıb.

Fövqəladə Hallar Nazirliyinin yanğınsöndürənləri tərəfindən hazırda yanğının tam söndürülməsi istiqamətində işlər aparılır. 

***

Sumqayıtda narkomanlar üçün Reabilitasiya Mərkəzində yanğın başlayıb.

Report xəbər verir ki, hazırda yanğının söndürülməsi istiqamətində Fövqəladə Hallar Nazirliyinin qüvvələri tədbirlər həyata keçirir.

<embed width="640" height="360" src="https://player.olke.az?v=40348&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

"Ukraynadakı münaqişə Rusiya və ABŞ arasında proksi müharibədir".

Bu sözləri ABŞ dövlət katibi Marko Rubio deyib.

Dövlət katibi əlavə edib ki, Birləşmiş Ştatlar hər iki tərəfin münaqişəyə son qoymağa sadiq olub-olmadığını müəyyən etməyə çalışır. 

Onun sözlərinə görə, Rusiya döyüşləri dayandırmaq istəyir, lakin Ukrayna prezidenti Volodimir Zelenski fevralın 28-də danışıqlar zamanı göstərdi ki, Ukrayna tərəfi ümumiyyətlə sülhdə maraqlı deyil.

Azərbaycanın iqtisadi inkişafında iş adamlarının rolu danılmazdır. Sahibkarlıq fəaliyyətinin genişlənməsi, yeni iş yerlərinin açılması və sosial layihələrin həyata keçirilməsi ölkənin inkişafına mühüm töhfələr verir. Bu sahədə uğurlu fəaliyyəti ilə seçilən iş adamlarından biri də Seymur müəllimdir. O, yalnız biznes sahəsində deyil, həm də xeyriyyəçilik və vətənpərvərlik fəaliyyəti ilə cəmiyyətdə xüsusi hörmət qazanmış şəxslərdəndir.

Uğurlu Sahibkarlıq Fəaliyyəti

Seymur müəllim uzun illərdir ki, sahibkarlıq fəaliyyəti ilə məşğuldur və rəhbərlik etdiyi işlərdə daim keyfiyyətə, dürüstlüyə və yenilikçiliyə üstünlük verir. Onun biznes sahəsində qazandığı uğurlar yalnız şəxsi nailiyyətlərlə məhdudlaşmır, həm də ölkənin iqtisadi inkişafına töhfə verir. O, çalışdığı sektorda daim yeniliklər tətbiq edərək, bazarda keyfiyyət və etibarlılıq nümunəsi yaradır. Rəhbərlik etdiyi müəssisələrdə işçilərin rifahını yaxşılaşdırmaq, onların peşəkar inkişafına dəstək vermək üçün müxtəlif təşəbbüslər həyata keçirir.

Sosial Məsuliyyət və Xeyriyyəçilik

Seymur müəllim biznes fəaliyyəti ilə yanaşı, humanitar və xeyriyyəçilik işlərinə də böyük önəm verir. O, daim aztəminatlı ailələrə, ehtiyacı olan insanlara dəstək göstərir. Xüsusi günlərdə – Ramazan, Qurban bayramlarında qurbanlar kəsərək imkansız ailələrə paylaması, aztəminatlı ailələrə ərzaq yardımları etməsi onun geniş ürəyə malik bir insan olmasının bariz nümunəsidir. O, bu fəaliyyətlərini gizli saxlamasa da, reklam məqsədilə də etməyib, sadəcə, insanlara kömək etməyi öz vəzifəsi hesab edib.

Şəhid Ailələri və Qazilərə Dəstək

Vətən müharibəsi zamanı və ondan sonrakı dövrdə Seymur müəllim şəhid ailələrinə və qazilərə xüsusi qayğı göstərmişdir. O, bu qəhrəmanların ailələrinin yanında olmaq, onların problemlərinin həllində yardımçı olmaq üçün müxtəlif təşəbbüslərlə çıxış edib. Şəhid ailələrinə maddi və mənəvi dəstək verməklə yanaşı, qazilər üçün müxtəlif layihələr həyata keçirib, onların işlə təmin olunmasına kömək edib. Bu, onun vətənpərvər ruhunu və dövlətə, millətə bağlılığını bir daha sübut edir.

Prezident İlham Əliyevin Siyasətinə Dəstək

Seymur müəllim Prezident İlham Əliyevin rəhbərliyi altında həyata keçirilən iqtisadi və sosial siyasəti daim dəstəkləyən iş adamlarındandır. O, ölkədə sahibkarlıq mühitinin inkişafı, qeyri-neft sektorunun genişlənməsi və yeni biznes layihələrinin həyata keçirilməsi istiqamətində görülən işləri yüksək qiymətləndirir. Öz fəaliyyətində dövlət siyasətinə uyğun addımlar ataraq, həm iqtisadi inkişaf, həm də sosial rifahın artırılması üçün səylərini əsirgəmir.

Vətən Müharibəsi Zamanı Orduya Dəstək

Azərbaycanın 44 günlük Vətən müharibəsində qazandığı qələbə hər bir vətəndaş üçün böyük iftixar mənbəyi oldu. Seymur müəllim də bu dövrdə öz imkanları daxilində orduya böyük dəstək göstərən şəxslərdən biri idi. O, döyüş bölgəsinə ərzaq yardımları, geyim və digər vacib ləvazimatlar göndərərək, əsgərlərimizin ehtiyaclarını qarşılamağa çalışıb. Bundan əlavə, ordumuza mənəvi dəstək vermək üçün müharibə zamanı və ondan sonra qazilərlə görüşlər keçirib, onların problemlərinin həlli üçün əlindən gələni edib.

Azərbaycanın İnkişafına Dəstək

Seymur müəllim yalnız şəxsi biznes maraqlarını deyil, ölkəsinin inkişafını da düşünən bir insandır. O, müxtəlif iqtisadi, sosial və humanitar layihələrin həyata keçirilməsində iştirak edir və bu yolla Azərbaycanın tərəqqisinə töhfə verməyə çalışır. Onun işgüzarlığı, insanlara kömək etmək arzusu və dövlətə bağlılığı onu cəmiyyət arasında nüfuzlu bir iş adamına çevirib.

Nəticə

Seymur müəllim sahibkarlıq fəaliyyəti, vətənpərvərliyi və xeyriyyəçilik işləri ilə cəmiyyətdə hörmət qazanan iş adamlarındandır. O, uğurlu biznes fəaliyyəti ilə ölkə iqtisadiyyatına töhfə verməklə yanaşı, ehtiyacı olan insanlara dəstək göstərən, şəhid ailələri və qazilərə qayğı ilə yanaşan bir şəxsdir. Onun fəaliyyəti yalnız iş dünyasında deyil, həm də sosial sahədə nümunəvi bir mövqeyə sahibdir. O, ölkənin inkişafı üçün çalışan, dövlət siyasətini dəstəkləyən və cəmiyyətə fayda verməyi əsas məqsəd bilən iş adamlarından biridir.

Növbəti köç karvanı yola salınıb

Martın 6-da respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdən ibarət növbəti köç karvanı Tərtərdən Ağdərənin Həsənriz kəndinə yola salınıb.

Həsənriz kəndinə bu mərhələdə 25 ailə - 75 nəfər köçürülür.

Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya təşəkkür ediblər. Onlar, həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət diləyiblər.

Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 40 minə yaxın insan yaşayır.

Hərbi cinayətlər törətməkdə təqsirləndirilən erməniəsilli şəxslərin cinayət işi üzrə məhkəmənin baxış iclası keçirilir.

 "Report" xəbər verir ki, proses Bakı Məhkəmə Kompleksində Bakı Hərbi Məhkəməsinin hakimi Zeynal Ağayevin sədrliyi ilə keçirilir.

Xatırladaq ki, ötən prosesdə təqsirləndirilən şəxslərdən Arayik Harutyunyan, Lyova Mnaksakanyan və Vasili Beqlaryan sərbəst ifadə veriblər.

Qeyd edək ki, onlar Ermənistan dövləti və onun silahlı qüvvələri, o cümlədən Ermənistan tərəfindən Azərbaycanın işğal olunmuş ərazilərində yaradılmış qondarma “Dağlıq Qarabağ respublikası” və onun qanunsuz silahlı birləşmələri tərəfindən Azərbaycana və xalqına qarşı sülh və insanlıq əleyhinə cinayətlər, müharibə cinayətləri, o cümlədən təcavüzkar müharibə aparma, soyqırımı, əhalini məcburi köçürmə, təqib, işgəncə, hərbi soyğunçuluq və digər qanunsuz əməllərdə təqsirləndirilirlər.

Xatırladaq ki, Ermənistan Respublikası və onun silahlı qüvvələri, o cümlədən Ermənistanın yaratdığı qanunsuz “Dağlıq Qarabağ respublikası” və onun qanunsuz silahlı birləşmələr tərəfindən törədilən cinayətlərdə ittiham olunan 15 nəfər - Harutyunyan Arayik Vladimiri, Qukasyan Arkadi Arşaviri, Sahakyan Bako Sahaki, İşxanyan Davit Rubeni, Manukyan David Azatini, Babayan Davit Klimi, Mnatsakanyan Levon Henrikoviç, Beglaryan Vasili İvani, Qazaryan Erik Roberti, Allahverdiyan Davit Nelsoni, Stepanyan Qurgen Homeri, Balayan Levon Romiki, Babayan Madat Arakeloviç, Martirosyan Qarik Qriqori, Paşayan Melikset Vladimiriyə qarşı Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, hazırlama, başlama və aparma), 102 (beynəlxalq müdafiədən istifadə edən şəxslərə və ya təşkilatlara hücum etmə), 103 (soyqırımı), 105 (əhalini məhvetmə), 106 (köləlik), 107 (əhalini deportasiya etmə və ya məcburi köçürmə), 109 (təqib), 110 (insanları zorakılıqla yoxa çıxarma), 112 (beynəlxalq hüquq normalarına zidd azadlıqdan məhrumetmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 118 (hərbi soyğunçuluq), 120 (qəsdən adam öldürmə), 192 (qanunsuz sahibkarlıq), 214 (terrorçuluq), 214-1 (terrorçuluğu maliyyələşdirmə), 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 277 (dövlət xadiminin və ya ictimai xadimin həyatına sui-qəsd etmə), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279-cu (qanunvericiliklə nəzərdə tutulmayan silahlı birləşmələri və qrupları yaratma) və digər maddələri ilə ittiham olunurlar.

Martın 5-də Ankarada Azərbaycan və Türkiyə prezidentlərinin iştirakı ilə İğdır-Naxçıvan qaz kəmərinin videobağlantı formatında açılış mərasimi keçirildi. Bu hadisə təkcə iqtisadi və enerji təhlükəsizliyi kontekstində deyil, həm də geosiyasi baxımdan mühüm əhəmiyyət kəsb edir. Bu layihənin həyata keçirilməsi ilk növbədə Naxçıvanın enerji asılılığının aradan qaldırılması baxımından strateji addımdır. Azərbaycan Prezidenti İlham Əliyevin də qeyd etdiyi kimi, Naxçıvan uzun müddət blokada şəraitində yaşayıb və onun enerji təhlükəsizliyinin təmin olunması hər zaman prioritet məsələ olub. Bu qaz kəməri sayəsində Naxçıvan artıq enerji təminatı baxımından daha stabil bir mərhələyə qədəm qoyacaq. Türkiyə və Azərbaycan arasında həyata keçirilən bu layihə həm də iki qardaş ölkə arasındakı sıx əməkdaşlığın, ortaq maraqların və strateji baxışların nəticəsidir.

Bu sözləri aia.az-a açıqlamasında Nəsimi Rayon İcra Hakimiyyəti yanında İctimai Şuranın sədr müavini Eltun Süleymanov deyib.

Müsahibimiz deyib ki, İğdır-Naxçıvan qaz kəmərinin açılışı Azərbaycanın enerji diplomatiyasında növbəti uğurlu addımdır. Artıq Bakı-Tbilisi-Ceyhan, TANAP və digər layihələr kimi, bu kəmər də regionda enerji balansına təsir edəcək. Azərbaycan öz qaz resurslarını müxtəlif istiqamətlərə yönləndirməklə, həm öz mövqeyini gücləndirir, həm də regional təhlükəsizliyə töhfə verir. Bu baxımdan, İğdır-Naxçıvan qaz kəməri Azərbaycan qazının diversifikasiyası siyasətinin bir hissəsi kimi qiymətləndirilməlidir. Cənab Prezident çıxışında deyib ki, “Bu gün Türkiyə-Azərbaycan dostluq, qardaşlıq tarixində önəmli bir gündür – İğdır-Naxçıvan qaz xəttinin açılışı qeyd edilir. Burada deyildiyi kimi, Naxçıvanda hörmətli Cümhurbaşqanı ilə birlikdə bir il yarım bundan öncə biz bu qaz xəttinin təməlini qoyduq və artıq bu gözəl mərasimdə iştirak edirik. Bildiyiniz kimi, Naxçıvan qədim Azərbaycan torpağıdır. Ancaq artıq bir əsrdən çoxdur ki, Azərbaycanın əsas hissəsindən ayrılıb. Bunun səbəbi ondan ibarətdir ki, Azərbaycan Xalq Cümhuriyyəti 1920-ci ildə süqut edəndən beş ay sonra sovet hakimiyyəti Qərbi Zəngəzuru Azərbaycandan ayırıb Ermənistana birləşdirdi və beləliklə, Azərbaycanın əsas hissəsi ilə onun ayrılmaz hissəsi olan Naxçıvanla quru bağlantısı pozulub. Bir əsrdən çox davam edən bu ədalətsizlik Naxçıvanda yaşayan bizim soydaşlarımızın həyatına çox mənfi təsir göstərmişdir. Xüsusilə Birinci Qarabağ savaşı başlayan kimi Ermənistan Qarabağı işğal etdi və eyni zamanda, Naxçıvanı blokadaya aldı. Onların planları Naxçıvanı da işğal etmək idi. Ancaq o zaman mənim atam Heydər Əliyev Naxçıvanın rəhbəri kimi buna imkan vermədi və Naxçıvanı qorumaq üçün bütün naxçıvanlılar səfərbər oldular, öz doğma torpaqlarını qorudular və işğalçını yerində oturtdular. Naxçıvanın o zaman işğal altına düşməməsinin səbəblərindən biri də o idi ki, o zaman Naxçıvanı Türkiyə ilə birləşdirən “Ümid” körpüsü inşa edilmişdir və Türkiyədən gələn yardımlar Naxçıvanın qorunmasına çox önəmli töhfə vermişdir. Bu gün Türkiyə və Azərbaycan - iki qardaş ölkə nəhəng layihələr reallaşdırır. Bakı-Tbilisi-Ceyhan, Bakı-Tbilisi-Ərzurum, TANAP kimi neft-qaz boru xətləri layihələri nəinki ölkələrimizi birləşdirdi, eyni zamanda, Avrasiyanın enerji xəritəsini dəyişdirdi. Bu gün Azərbaycandan Türkiyə ərazisindən gedən qaz bir çox ölkələrin enerji təhlükəsizliyini təmin edir. Keçən il Azərbaycanın qaz ixracatı 25 milyard kubmetrə çatmışdır. Onun təxminən yarısı Türkiyəyə olan ixracatdır və Türkiyədən başqa da 11 ölkə, onlardan 10 Avropa ölkəsi Azərbaycan qazını alaraq öz enerji təhlükəsizliyini gücləndirir”. Türkiyə Prezidenti Rəcəb Tayyib Ərdoğan bu layihəni Türkiyə-Azərbaycan dostluğunun daha bir sübutu kimi dəyərləndirib. Həqiqətən də, bu layihə iki dövlətin iqtisadi inteqrasiyasını daha da gücləndirəcək, ortaq enerji layihələrinin davamı üçün yeni imkanlar yaradacaq. Bundan əlavə, bu əməkdaşlıq türk dünyasının enerji siyasətində daha sıx koordinasiyasına da stimul verə bilər. Bu layihənin geosiyasi əhəmiyyəti də danılmazdır. Azərbaycan Xalq Cümhuriyyətinin süqutundan sonra Naxçıvanın əsas hissədən ayrılması region üçün ciddi problemlər yaratmışdı. Üstəlik, Ermənistanın illər boyu Naxçıvanı blokadada saxlaması, onun inkişafına əngəl törətmişdi. Lakin bu gün Türkiyə və Azərbaycanın birgə addımları nəticəsində Naxçıvan yalnız enerji sahəsində deyil, həm də nəqliyyat baxımından daha əlçatan olacaq. Xüsusilə, Zəngəzur dəhlizinin perspektivdə açılması bu prosesin tamamlayıcı elementi ola bilər. İğdır-Naxçıvan qaz kəməri təkcə iki ölkə arasındakı iqtisadi əlaqələri gücləndirmir, həm də siyasi sabitliyə töhfə verir. Regionda enerji təminatının stabilliyi yalnız iqtisadi inkişaf üçün deyil, həm də geosiyasi təhlükəsizlik üçün mühüm faktordur. Azərbaycan və Türkiyənin bu layihəni uğurla başa çatdırması bir daha göstərir ki, bu iki dövlət bir-birinin strateji maraqlarını qorumaq üçün ortaq fəaliyyət göstərməyə davam edəcək. Nəticə etibarilə, İğdır-Naxçıvan qaz kəmərinin açılışı Azərbaycan və Türkiyənin birgə strateji layihələrinin tərkib hissəsi kimi qiymətləndirilməlidir. Bu layihə yalnız enerji sahəsində deyil, həm də geosiyasi aspektdə yeni bir mərhələ açır. Azərbaycan və Türkiyə arasındakı qardaşlıq münasibətləri təkcə iqtisadi deyil, həm də regional təhlükəsizlik və stabillik üçün əhəmiyyətli rol oynayır. Bu layihənin uğurlu icrası gələcəkdə yeni birgə infrastruktur və enerji layihələrinin həyata keçirilməsi üçün zəmin yaradacaq və hər iki dövlətin maraqlarına xidmət edəcəkdir-deyə E. Süleymanov fikrini tamamlayıb.

"Mən Zelenskiyə dedim ki, ABŞ-də hakimiyyətə yeni administrasiya gələcək və siyasət dəyişəcək. Müharibədə sizi heç kim dəstəkləməyəcək”.

Bunu Belarus prezidenti Aleksandr Lukaşenko amerikalı bloger Mario Naufala müsahibəsində  deyib.

O əlavə edib ki, belə oldu: “Belə bir proses proqnozlaşdırılırdı. Ona görə yox ki, mən böyük proqnozlaşdıran adamam. Amma dediyim hər şey mediada var. Müvafiq səsyazma var. Bütün bunlar olub.

Mənim Zelenskiyə yazığım gəlir. Mən onunla öz oğlum kimi davranırdım. Bizim çox yaxşı münasibətlərimiz var idi”.

Putinin Ukrayna müharibəsi ilə bağlı mövqeyinə gəldikdə Lukaşenkonun fikrincə, Putin proseslərin belə bir müharibə ilə nəticələnəcəyini düşünmürdü: 

“Əks halda, o, danışıqlara getməzdi. Çoxlu sayda insanın həlak olduğunu görəndə Putin dərhal münaqişəni dayandırmaq, razılığa gəlmək üçün danışıqlara getdi. Amma müharibədən qaçmaq üçün hər zaman seçim var. Putinin bəlkə də, belə bir seçimi var idi”.