Xalq artisti Arif Babayev "Heydər Əliyevin 100 illiyi (1923-2023)" yubiley medalı ilə təltif olunub.

Bu barədə Mədəniyyət Nazirliyi məlumat verib.

Qeyd edək ki, A. Babayev keçən il Azərbaycan Respublikasının Prezidentinin fəxri diplomu ilə təltif olunmuşdu.

Vüqar Sədibəyli - Cəmiyyətin Xeyirxah Vətəndaşı və Şəhidlərə Dəstək Olan Fədakar İnsan

“Flaqman” ət məhsulları şirkəti, 2001-ci ildə təsis edildikdən sonra, adını və keyfiyyətini yalnız Azərbaycan daxilində deyil, həm də beynəlxalq aləmdə tanıtmış bir markadır. Şirkət, 2011-ci ildə tamamilə yenidən qurulmuş və dünyanın tanınmış avadanlıq istehsalçılarından ən son texnologiyaların gətirilməsi ilə yeni bir dövrə qədəm qoymuşdur. Bu yeniliklər nəticəsində şirkət məhsullarını insan əli dəymədən, tam qapalı şəkildə və yüksək səviyyəli mühəndis-texnoloqların nəzarəti altında istehsal etməyə başlamışdır.

“Flaqman” şirkətinin məhsulları, bugün Azərbaycanda geniş yayılmış və məşhur olan, 145-dən çox çeşidi ilə fərqlənir. Bu çeşidlər arasında bişmiş kolbasa və sosislər, yarım hisə verilmiş kolbasalar, vetcina, ət və toyuq delikatessləri yer alır. Məhsulların istehsalında qədim və müasir rus reseptləri ilə zənginləşdirilmiş, bu da şirkətin məhsullarına spesifik və unikal bir dad qazandırmışdır.

Şirkətin məhsulları həmçinin "Halal" sertifikatı ilə təmin edilib, bu da alıcıların məhsullara olan etibarını artırır. Flaqman məhsulları yalnız keyfiyyətlə deyil, həm də müasir texnologiya ilə istehsal olunur ki, bu da məhsulların yüksək keyfiyyətini və dadını təmin edir.

Flaqman şirkəti, Azərbaycanın müxtəlif bölgələrində, hətta ən ucqar yerlərində belə, marketlərə təzə və təravətli şəkildə məhsul göndərərək alıcılara daha yaxın olmaq məqsədini güdür. Şirkət rəhbəri Vuqar Əmrullayevin rəhbərliyi altında, Flaqman ət məhsulları həm də sosial məsuliyyətli fəaliyyətlərini davam etdirir. Belə ki, şirkət, şəhid və qazilərə olan dəstəyi ilə də tanınır, onların rifahı üçün əllərindən gələni əsirgəmir.

Flaqman ət məhsulları şirkətinin hər zaman yeniliklərə açıq olması, müştəri məmnuniyyətini ön planda tutması və yerli istehlakçılara keyfiyyətli məhsul təqdim etməsi, onun bazarda mövqeyini gücləndirir. Bu gün, Flaqman adı yalnız ləzzətli məhsullar ilə deyil, həm də müasir texnologiyalar və sosial məsuliyyətlə əlaqələndirilir.

Vuqar Əmrullayevin rəhbərlik etdiyi şirkət, Azərbaycanda qida sənayesinin inkişafına ciddi töhfələr verməyə davam edir, xalqın etibarını qazanır və həmçinin ölkə iqtisadiyyatına mühüm dəstək verir. Bu uğurların fonunda, şirkət gələcəkdə də müştərilərinə yeni məhsullar və yeniliklər təqdim etməyi hədəfləyir.

Bu gündən 22-si gündüzədək ölkə ərazisində hava şəraitinin dəyişəcəyi, bəzi yerlərdə qar yağacağı, temperaturun tədricən 7-10 dərəcə aşağı enəcəyi gözlənilir.

Bəs havaların qarlı-şaxtalı keçməsi virus və mikrob xəstəliklərinin, infeksiyaların gedişinə necə təsir edə bilər? Ümumiyyətlə, Bakı da daxil, ölkədə epidemioloji vəziyyət hazırda necədir? Ən çox hansı viruslar aktivdir?

Qeyd edək ki, hazırda dünyada kəskin respirator virus infeksiyaları geniş şəkildə yayılıb. Xüsusilə metapnevmovirus (HPMV) bir çox ölkədə, o cümlədən Çin, Qazaxıstan və Rusiya Federasiyasında qeydə alınıb. Bu virus əsasən kiçik yaşlı uşaqlar və immuniteti zəif olan şəxslərdə öskürək, burun tutulması, hərarət və nəfəs darlığı kimi simptomlarla özünü göstərir.

həkim-infeksionist Sadiqə Əliyeva mövzu ilə bağlı “Yeni Müsavat”a deyib ki, payız -qış mövsümü kəskin respirator virus infeksiyalarının aktivləşdiyi bir dövrdür: “Ona görə infeksiyalar bu dövrdə daha çox müşahidə olunur. Bəzən də insanlar geyimlərini havaya uyğun tənzimləmirlər. Ya həddən artıq qalın geyinib tərləyir, ya da soyuq havada nazik geyinirlər. Bu səbəbdən də soyuqdəymələr olur. Qapalı yerlərdə insanların toplaşması, otaqların havalandırılmaması virusların yayılmasına səbəb olur”.

İnfeksionistin sözlərinə görə, hazırda ən çox “A” qrip virusu - influenza  yayılıb. Koronavirus az da olsa, var. Eləcə də digər respirator viruslar da müşahidə olunur: "Bu viruslar yalnız bu il üçün xarakterik deyil, hər il olur. Havalar isindikcə xəstəliklər də azalacaq. Bu dönəmlərdə valideynlər çalışmalıdırlar ki, xəstə olan övladlarını məktəblərə, bağçalara göndərməsinlər. Bu həm uşağın özünə faydalıdır, həm də infeksiyanı digərlərinə keçməsinin qarşısını alacaq. Bütün yaş qruplarına aiddir, xəstə olduqları zaman  vacib getməli yerlərə mütləq maskadan istifadə etsinlər. Əl gigiyenasına diqqət etsinlər. Otaqlar tez-tez havalandırılsın".

Sadiqə Əliyeva insanların “sistem vurdurum, sağalacağam” kimi fikirlərinə də diqqət çəkib: “Sistemin tətbiq edilməsi iki halda olur. Birincisi, orqanizm çoxlu maye itirdiyi zaman, o mayeni qəbul etmək üçün vurulur. İkinci hal isə dezintoksikasiya zamanı istifadə edilir ki, yüksək dərəcədə hərarət olanda həmin mayeni bərpa etmək üçündür. Yəni şəxsin qaytarması, qusması yoxdursa, özü kifayət qədər maye qəbul edə bilirsə, sistemə heç ehtiyac yoxdur. Sistem o adama qoyulur ki, içə bilmir, mayeni özü qəbul edə bilmir. Hər adama ucdantutma sistem qoymaq düzgün deyil”.

Onu da nəzərə çatdıraq ki, Ümumdünya Səhiyyə Təşkilatı gələcəkdə pandemiyaya səbəb ola biləcək potensial təhlükəli patogenlərin siyahısını təqdim edib. Bu siyahıya hazırda A qrip virusları, qızdırma və meymun çiçəyi də daxil olmaqla, 30-dan çox patogen daxildir. Alimlər bu siyahını tərtib etmək üçün təxminən iki il vaxt sərf edərək, viruslar və bakteriyalar da daxil olmaqla 1,6 mindən çox patogen növünü öyrəniblər.

Tədqiqatçıların təqribən 57 faizi hesab edir ki, bəşəriyyətin yeni pandemiya ilə üzləşməsi ehtimalı var və buna əvvəlkilərdən daha təhlükəli olan mutasiyaya uğramış qrip virusu səbəb ola bilər. Mütəxəssislərin təxminən 21 faizi isə “ X” xəstəliyi adlı, hələ məlum olmayan bir virusun pandemiyaya səbəb ola biləcəyini düşünür.

Professor Aleksandr Çepurnovun fikrincə, quş qripi (H5N1) ən təhlükəli viruslardan biridir. Bu virusun insandan insana ötürülmə qabiliyyəti məhduddur, lakin mutasiya nəticəsində bu xüsusiyyət dəyişə bilər. Quş qripindən ölüm nisbəti 40-60% arasında dəyişir, yəni xəstələnən hər iki insandan biri həyatını itirə bilər.

Çində aparılan araşdırmalar nəticəsində xəz fermalarından götürülmüş nümunələrdə 36-sı əvvəllər məlum olmayan 125 virus müəyyən edilib. Bu virusların əksəriyyətinin heyvanlardan insanlara keçmə riski daşıdığı bildirilir. Xüsusilə yenot itləri digər heyvanlarla müqayisədə ən çox virus riski daşıyan növlər arasında qeyd edilir.

Ümumiyyətlə, yaxın gələcəkdə mutasiyaya uğramış qrip virusları, “ X” xəstəliyi kimi hələ məlum olmayan patogenlər və quş qripi kimi viruslar potensial pandemiya riski daşıyır. Bu səbəbdən, alimlər və səhiyyə təşkilatları bu patogenlərin monitorinqini davam etdirir və mümkün təhlükələrin qarşısını almaq üçün tədbirlər görürlər.

Ukraynadakı münaqişə bir il ərzində həll olunmasa, Üçüncü Dünya müharibəsi başlaya bilər.

Belə bir xəbərdarlıq bəyanatı ilə ABŞ prezidenti Donald Tramp çıxış edib. 

Tramp Rusiya və ABŞ arasında Ər-Riyadda aparılan danışıqları irəliyə doğru böyük addım hesab edərək Putinlə danışğını da yüksək qiymətləndirib.

Donald Trampın fikrincə, keçmiş prezident Co Baydenin kursu davam etsəydi, III Dünya Müharibəsi bu il başlayacaqdı, lakin bu, heç kimin maraqlarına uyğun deyil.

“Biz bunu bitirəcəyik. Üçüncü Dünya müharibəsindən heç kəs faydalanmayacaq və biz bundan o qədər də uzaq deyilik. O idarəçiliyimiz daha bir il olsaydı, III Dünya Müharibəsi olardı. Amma indi bu baş verməyəcək”, - Tramp Mayamidə investisiya sammitində çıxışı zamanı deyib.

Hörmətli Müşfiq İmranov,

Sizi 22 fevral – Avtomobil yolları işçilərinin peşə bayramı münasibətilə "Anskanal.com"-un rəhbərliyi və kollektivi adından səmimi qəlbdən təbrik edirik!

7 saylı Yol İstismar İdarəsinin rəisi olaraq, yol infrastrukturunun inkişafında göstərdiyiniz fədakar xidmət, yüksək peşəkarlıq və məsuliyyətli yanaşma ilə seçilirsiniz. Sizin rəhbərliyiniz altında həyata keçirilən layihələr, yol-nəqliyyat sahəsinin daha da təkmilləşməsinə və sürətli inkişafına mühüm töhfə verib. Siz yol təsərrüfatının müasirləşdirilməsi, təhlükəsiz və keyfiyyətli yolların inşası və istismarı sahəsində mühüm işlər görmüsünüz.

Prezident cənab İlham Əliyevin rəhbərliyi ilə ölkəmizdə yol-nəqliyyat infrastrukturunun modernləşdirilməsi istiqamətində həyata keçirilən layihələr çərçivəsində, Sizin kimi peşəkar mütəxəssislərin rolu əvəzolunmazdır. Yol təsərrüfatının davamlı inkişafı və gələcək nəsillərə daha keyfiyyətli infrastruktur miras qoyulması naminə Sizin fədakar əməyiniz böyük dəyər daşıyır.

Bundan əlavə, şəhid ailələri və qazilərimizə göstərdiyiniz qayğı və diqqət, Vətənə və onun qəhrəmanlarına olan yüksək hörmətinizin bariz nümunəsidir. Bu yalnız peşəkar fəaliyyətinizdə deyil, eyni zamanda insani dəyərlərə sadiqliyinizdə də öz əksini tapır.

Bu əlamətdar gündə Sizə sağlamlıq, uğurlar və daha böyük nailiyyətlər arzulayırıq! Əminik ki, gələcəkdə də Sizin rəhbərliyinizlə yol infrastrukturu sahəsində böyük uğurlar əldə ediləcək və bu sahənin inkişafı davam edəcəkdir.

Hörmətlə,
"Anskanal.com" rəhbərliyi və kollektivi

Qafqazşünaslıq İnstitutunun bağlanması barədə qərar qəbul olunub.

Bu barədə AMEA-nın Ümumi Yığıncağında akademik İsa Həbibbəyli məlumat verib.

Qərar səsə qoyularaq qəbul olunub.